കൊയിലാണ്ടി: അന്താരാഷ്ട്ര വനിത ദിനത്തോടനുബന്ധിച്ച് കെ.എസ്.ടി.എ കൊയിലാണ്ടി വനിത വേദിയുടെ നേതൃത്വത്തിൽ വനിതാ ദിനം ആചരിച്ചു. അണിചേരാം സ്ത്രീ പക്ഷ നവകേരളത്തിനായ് എന്ന പരിപാടി കോഴിക്കോട് മേയർ ഡോ. ബീന ഫിലിപ്പ് ഉദ്ഘാടനം ചെയ്തു. കെ.എസ്.ടി എ സംസ്ഥാന സമിതി അംഗം കെ. ഷാജിമ അധ്യക്ഷത വഹിച്ചു. ജില്ല സെക്രട്ടറി ആർ എം രാജൻ, ഡി.കെ ബിജു, കെ. ശാന്ത, ഉണ്ണികൃഷ്ണൻ സി, ആർ. കെ. ദീപ എന്നിവർ സംസാരിച്ചു. ഗണേഷ് കക്കഞ്ചേരി സ്വാഗതവും പവിന പി. നന്ദിയും പറഞ്ഞു.

കൊയിലാണ്ടി: കനറാ ബാങ്കിലെ ATM കൗണ്ടറിലെ ക്യാഷ് ട്രേയിൽ നിന്ന് 9000 രൂപ കണ്ടെത്തി. ഇന്ന് രാവിലെയാണ് കൊയിലാണ്ടി പുതിയ ബസ്സ് സ്റ്റാന്റ് പരിസരത്തുള്ള പി. എം. ആർ. ബിൽഡിംഗിൽ പ്രവർത്തിക്കുന്ന കനറാ ബാങ്കിന്റെ ATM കൗണ്ടറിൽ നിന്ന് സെക്യൂരിറ്റി ജീവനക്കാരന് പണം കിട്ടിയത്. ഒരു സ്ത്രീ വന്ന് ഇടപാട് നടത്തിയതിന് ശേഷം മറ്റൊരാൾ കൗണ്ടറിൽ കയറിയപ്പോഴാണ് പണം ട്രേയിൽ കിടക്കുന്നത് ശ്രദ്ധയിൽപെട്ടത്.

ഉടൻതന്നെ സെക്യൂരിറ്റി ജീവനക്കാരനെ വിവരമറിയിക്കുകയായിരുന്നു. ട്രാൻസാക്ഷൻ നടത്തിയ ആൾ ട്രേയിൽ പണം വരുന്നത് കാത്തു നിൽക്കാതെ പോയതാണെന്ന് സംശയിക്കുന്നു. പണം ഇപ്പോൾ സെക്യൂരിറ്റി ജീവനക്കാരന്റ കൈവശമുണ്ട് ഉടമസ്ഥൻ തെളിവ് സഹിതം എത്തിയാൽ പണം കൈമാറാമെന്ന് അറിയിച്ചിട്ടുണ്ട്. 9388584308 എന്ന നമ്പറിൽ ബന്ധപ്പെടാവുന്നതാണ്.

കൊയിലാണ്ടിയിൽ ടി.പി.ആർ വീണ്ടും കൂടി 19.5.5 ശതമാനമായാണ് ഉയർന്നത്. ഇതോടെ നഗരസഭ ” ഡി ” കാറ്റഗറിയിൽ തുടരും. ഒരാഴ്ചത്തെ അവലോകന കണക്കിൽ 18.1 ശതമാനമാണ് ടി.പി.ആർ. ഇതോടെ രോഗം കൂടിയ 3 വാർഡുകൾ കണ്ടെയിൻമെൻ്റ് സോണായി പ്രഖ്യാപിച്ചു. മറ്റൊരു വാർഡ് മൈക്രോ കണ്ടെയിൻമെൻ്റ് സോണായും പ്രഖ്യാപിച്ച് ജില്ലാ ദുരന്ത നിവാരണ അതോറിറ്റി ചെയർമാൻ ഉത്തരവിട്ടു. 34, 35, 36 വാർഡുകളാണ് കണ്ടെയിൻമെൻ്റ് സോണായി പ്രഖ്യാപിച്ചത്. മൂന്ന് വാർഡുകളും തീരദേശ മേഖലയിലാണ് സ്ഥിതി ചെയ്യുന്നത്. നഗരസഭ വാർഡ് 23ലെ മുതുവോട്ട് ക്ഷേത്രം റോഡ് മുതൽ കുന്നത്ത് മീത്തൽ വരെയും, പുതിയേടത്ത് മീത്തൽ – കൈപ്പുറത്ത് താഴെ റോഡിനും കണിശൻ കണ്ടി മുക്ക് മുതൽ കുറ്റിയാപ്പുറത്ത് താഴെ വരെയും റോഡിനു മദ്ധ്യേ മൂഴിക്കു മീത്തൽ പ്രദേശവും മൈക്രോ കണ്ടെയിൻമെൻ്റ് സോണായും പ്രഖ്യാപിച്ചിരിക്കുകയാണ്. ചെങ്ങോട്ടുകാവ് പഞ്ചായത്തിലെ 4, 9 വാർഡുകളും കണ്ടെയിൻമെൻ്റ് സോണായി പ്രഖ്യാപിച്ചിട്ടുണ്ട്.

പുതിയ കണ്ടെയിൻമെൻ്റ് വാർഡുകളിലും പ്രദേശങ്ങളിലും അവശ്യ സാധന വിൽപ്പന കേന്ദ്രങ്ങളുടെ സമയത്തിൽ മാറ്റം വരുത്തി ഉത്തരവായിട്ടുണ്ട്. ഭക്ഷ്യ അവശ്യ വസ്തുക്കളുടെ വിൽപ്പന ശാലകൾ ബേക്കറി, ഉൾപ്പെടെയുള്ള കടകൾ രാവിലെ 7 മണി മുതൽ ഉച്ചക്ക് 2 മണി വരെ മാത്രമെ പ്രവർ്ത്തിക്കാൻ അനുമതിയുള്ളൂ. ഹോട്ടലുകൾ പാർസലുകൾ വിതരണം ചെയ്യുന്ന സമയം രാവിലെ 8 മണി മുതൽ രാത്രി 8 മണി വരെയായിരിക്കും. അവശ്യ സാധനങ്ങൾക്കല്ലാതെ മറ്റ് ആവശ്യങ്ങൾക്കായി പുറത്തിറങ്ങാൻ അനുവദിക്കില്ല. വാഹന ഗതാഗതം ആശുപത്രി സേവനങ്ങൾക്ക് മാത്രമായിരിക്കും. മേഖലയിൽ പോലീസിൻ്റെ നിരീക്ഷണം ശക്തിപ്പെടുത്താൻ തീരുമാനിച്ചിട്ടുണ്ട്.

ആശങ്ക പരത്തുന്ന വിധമാണ് ഇന്ന് കൊയിലാണ്ടിയിൽ ടി.പി.ആർ. കൂടിയത്. 358 പേർക്ക് കോവിഡ് ടെസ്റ്റ് നടത്തിയതിൽ 70 പേർക്കാണ് ഇന്ന് പോസിറ്റീവ് സ്ഥിരീകരിച്ചത്. ഇതോടെ ടെസ്റ്റ് പോസിറ്റീവിറ്റി നിരക്ക് 19.5.5 ആയിരിക്കുകയാണ്. ഇതോടെ കൊയിലാണ്ടി ഒരാഴ്ചകൂടി ഡി കാറ്റഗറിയിൽ തുടരുന്ന സ്ഥതിയാണ് ഉണ്ടായത്.

തിരുവനന്തപുരം: സംസ്ഥാനത്തിന് 9,72,590 ഡോസ് വാക്‌സിന്‍ കൂടി ലഭിച്ചു. 8,97,870 ഡോസ് കോവിഷീല്‍ഡ് വാക്‌സിനും 74,720 ഡോസ് കോവാക്‌സിനുമാണ് ലഭ്യമായത്. എറണാകുളത്ത് 5 ലക്ഷം കോവീഷീല്‍ഡ് വാക്‌സിന്‍ സന്ധ്യയോടെ എത്തിയിട്ടുണ്ട്. ഇതുകൂടാതെ എറണാകുളത്ത് 1,72,380 ഡോസ് കോവിഷീല്‍ഡ് വാക്‌സിനും കോഴിക്കോട് 77,220 ഡോസ് കോവീഷില്‍ഡ് വാക്‌സിനും എത്തിയിരുന്നു. തിരുവനന്തപുരത്ത് 25,500, എറണാകുളത്ത് 28,740, കോഴിക്കോട് 20,480 എന്നിങ്ങനെ ഡോസ് കോവാക്‌സിനും എത്തിയിട്ടുണ്ട്. തിരുവനന്തപുരത്ത് 1,48,270 ഡോസ് കോവീഷീല്‍ഡ് വാക്‌സിന്‍ രാത്രിയോടെ എത്തുന്നതാണ്. ഇന്ന് വൈകിയാണ് വാക്‌സിന്‍ ലഭിച്ചത്. ലഭ്യമായ വാക്‌സിന്‍ എത്രയും വേഗം വാക്‌സിനേഷന്‍ കേന്ദ്രങ്ങളിലെത്തിക്കുന്ന നടപടികള്‍ പുരോഗമിക്കുന്നു.

സംസ്ഥാനത്ത് ഇപ്പോള്‍ ലഭിച്ച വാക്‌സിന്‍ മൂന്ന് നാല് ദിവസത്തേക്ക് മാത്രമേയുള്ളൂ. അതിനാല്‍ വരും ദിവസങ്ങളില്‍ കൂടുതല്‍ വാക്‌സിന്‍ ആവശ്യമുണ്ട്. വാക്‌സിന്‍ ക്ഷാമം നേരിടുന്ന സംസ്ഥാനത്തിന് എത്രയും വേഗം ആവശ്യമായ വാക്‌സിന്‍ നല്‍കണമെന്നാവശ്യപ്പെട്ട് ഇടത് എംപിമാര്‍ നടത്തിയ ചര്‍ച്ചയില്‍ കേരളത്തിന് കൂടുതല്‍ വാക്‌സിന്‍ ഡോസുകള്‍ എത്രയും വേഗം അനുവദിക്കുമെന്ന് കേന്ദ്ര ആരോഗ്യ മന്ത്രി ഉറപ്പ് നല്‍കിയിരുന്നു.

സംസ്ഥാനത്ത് ഇതുവരെ ഒന്നും രണ്ടും ഡോസ് ചേര്‍ത്ത് ആകെ 1,90,02,710 പേര്‍ക്കാണ് വാക്‌സിന്‍ നല്‍കിയത്. അതില്‍ 1,32,86,462 പേര്‍ക്ക് ഒന്നാം ഡോസ് വാക്‌സിനും 57,16,248 പേര്‍ക്ക് രണ്ടാം ഡോസ് വാക്‌സിനുമാണ് നല്‍കിയത്. കേരളത്തിലെ 2021-ലെ എസ്റ്റിമേറ്റ് ജനസംഖ്യയനുസരിച്ച് 37.85 ശതമാനം പേര്‍ക്ക് ഒന്നാം ഡോസും 16.28 ശതമാനം പേര്‍ക്ക് രണ്ടാം ഡോസ് വാക്‌സിന്‍ നല്‍കി. ഇത് ദേശീയ ശരാശരിയേക്കാളും വളരെ കൂടുതലാണ്. മാത്രമല്ല രണ്ടാം ഡോസ് ലഭിച്ചവരുടെ ശതമാനം ദേശീയ ശരാശരിയുടെ ഇരട്ടിയിലധികമാണ്.

കൊയിലാണ്ടി :   കിണറിൽ വീണ യുവതിയെ രക്ഷപ്പെടുത്തിയ യുവാവിന് കൊയിലാണ്ടി പോലീസിൻ്റെ ആദരം. കഴിഞ്ഞ ദിവസം  ഉച്ചയോടെ സ്വന്തം വീട്ടുകിണറ്റിൽ വീണ ഭർതൃമതിയും രണ്ട് കുട്ടികളുടെ അമ്മയുമായ യുവതിയെയാണ് കുറുവങ്ങാട് കുന്നപ്പാണ്ടി താഴെ കുനിയിൽ ഹരിദാസൻ്റെയും റീനയുടെയും മകനായ ഹരികൃഷ്ണൻ അതിസാഹസികമായി രക്ഷപ്പെടുത്തിയത്.പൊയിൽക്കാവ് ഹൈസ്കൂളിലെ എസ്.പി.സി. സീനിയർ കേഡറ്റ് കൂടിയായ ഹരികൃഷ്ണനെ ആദരിക്കുന്ന ചടങ്ങിൽ കൊയിലാണ്ടി പോലീസ്സ് സര്‍ക്കിള്‍ ഇൻസ്പക്ടർ എൻ.സുനിൽ കുമാർ , എസ്.ഐ. ശ്രീജേഷ് ,ബാബു. പി. ആർ. ഒ. മുനീർ ടി. സി, സുലൈമാൻ, എ.എസ്.ഐ.ശിവദാസൻ, സി.പി.ഒ. അഭിജിത്ത്, സുരേഷ്, ശ്രീലത എന്നിവർ സംസാരിച്ചു.

കൊയിലാണ്ടി ബസ്സ് സ്റ്റാൻ്റിന് ജംങ്ഷനിൽ ലോറിക്കടിയിൽപ്പെട്ട് ബൈക്ക് യാത്രകൻ മരിച്ചു. ചേമഞ്ചേരി തിരുവങ്ങൂർ വെറ്റിലപ്പാറ റഷീജ് കോട്ടേജില്‍ മൊയ്തീൻ കുട്ടിയുടെ മകന്‍ സ്വദേശി അബ്ദുൾ മനാഫ് മരിച്ചത്. അൽപ്പം മുമ്പാണ് സംഭവം ബുള്ളറ്റിൽ യാത്ര ചെയ്യുകയായിരുന്ന യുവാവ് ബസ്സ്സ്റ്റാൻ്റിന് മുൻവശം കോഴിക്കോട് ഭാഗത്തേക്ക് യാത്ര ചെയ്യുന്നതിനിടെ പിറകിൽ നിന്ന് ഗുജറാത്ത് റജിസ്ട്രേഷനുള്ള ലോറി വന്ന് തട്ടുകയും യുവാവ് ലോറിക്കടിയാലാവുകയും ചെയ്തു. ലോറിയുടെ പിറകിലെ ടയർ തലയിലൂടെ കയറി തൽക്ഷണം മരണം സംഭവിച്ചു. ബസ്സ് സ്റ്റാൻ്റ് ജംഗ്ഷനും കോടതിയുടെ മുൻവശത്തായുള്ള ഹൈവെയുടെ കിഴക്ക് ഭാഗത്തുമായാണ് ആപകടം ഉണ്ടായത്. കൊയിലാണ്ടി പോലീസ് സ്ഥലത്തെത്തി മൃതദേഹം മോർച്ചറിയിലേക്ക് മാറ്റി. കൊയിലാണ്ടി ഫയർഫോഴ്സ് സ്ഥലത്തെത്തി റോഡും പരിസരവും ശുചീകരിച്ചു.

കൊയിലാണ്ടി: ബി.ജെ.പി.  ബൂത്ത്(കൊല്ലം ബീച്ച്) കമ്മറ്റിയുടെ  നേതൃത്വത്തിൽ കോവിഡ് പ്രതിരോധ പ്രവർത്തനത്തിൻ്റെ ഭാഗമായും മഴക്കാലപൂർവ്വ ശുചീകരണ യജ്ഞത്തിൻ്റെ യുംഭാഗമായി. കൂത്തം വള്ളി തോട് ശുചീകരിച്ചു.മാലിന്യം നിറഞ്ഞ് ദുർഗന്ധം പത്തുകയും പരിസരവാസികൾക്ക് ജലജന്യരോഗങ്ങൾ പകരുമെന്ന സാധ്യത കണക്കിലെടുത്താണ് ശുചീകരണം നടത്തിയത്.ബി.ജെ.പി. മണ്ഡലം കമ്മിറ്റി ജന:സിക്ര: കെ.വി.സുരേഷ്, പി.കെ.സുനിൽകുമാർ നേതൃത്വം നൽകി.നിരവധി പ്രവർത്തകർ പങ്കെടുത്തു.

കൊയിലാണ്ടി: ജെ.സി.ഐ കൊയിലാണ്ടിയുടെ നേതൃത്വത്തിൽ ആരംഭിച്ച ട്രെയിനിങ് ക്ലബ്  കൊയിലാണ്ടി എം.എൽ.എ ശ്രീമതി കാനത്തിൽ ജമീല നിർവഹിച്ചു. ജെ സി ഐ യുടെ മികച്ച ട്രെയിനർ മാരുടെ സേവനം സാധാരണക്കാരിലേക്ക് എത്തിക്കുക എന്ന ലക്ഷ്യത്തോടെയാണ് ഇത് ആരംഭിച്ചിട്ടുള്ളത് . ചടങ്ങിന് ജെ.സി.ഐ കൊയിലാണ്ടി പ്രസിഡന്റ് ഡോ. ബി.ജി. അഭിലാഷ് അദ്ധ്യക്ഷത വഹിച്ചു. ശ്രീ.ജിനേഷ് ഭാസ്ക്കർ മുഖ്യാഥിതി ഉദയ് നാഷണൽ ട്രെയിനിങ് ദിനത്തിന്റെ ഭാഗമായി  മൈന്റ് യുവർ മൈന്റ് എന്ന വിഷയത്തിൽ ജെ.സി.ഐ നാഷണൽ ട്രെയിനർ പ്രമോദ് കുമാർ ക്ലാസ്സെടുത്തു.ചടങ്ങിൽ അശ്വിൻ മനോജ്,  അഡ്വ.ജെതീഷ് ബാബു , എൻ.ജെ. അർജ്ജുൻ, ഡോ.എസ്.എസ്. സൂരജ് , ഡോ. കെ.റഹീസ്, യു.കെ.ജിതേഷ് എന്നിവർ സംസാരിച്ചു. 
ട്രെയിനിങ്ങ്  ക്ലബിൽ സൗജന്യമായി ജോയിൻ ചെയ്യാൻ 9746530594 നമ്പറിൽ ബന്ധപ്പെടുക.

കൊയിലാണ്ടി: നഗരസഭയിലെ 41-ാം വാർഡി മഴക്കാലപൂർവ്വ ശുചീകരണ പ്രവർത്തനങ്ങൾക്ക് തുടക്കമായി.വാർഡ് കൗൺസിലർ സിന്ധു സുരേഷ് ഉദ്ഘാടനം ചെയ്തു.വാർഡിലെ ചെറിയ തോട് ആദ്യഘട്ടത്തിൽ ശുചീകരിച്ചു. .തൊഴിലുറപ്പ് തൊഴിലാളികളുടെ നേതൃത്വത്തിലാണ് ശുചീകരണ പ്രവർത്തനങ്ങൾ നടക്കുന്നത്.

മലയാള സിനിമയില് വില്ലന് കഥാപാത്രങ്ങളിലൂടെ തിളങ്ങിയ നടന് പി.സി ജോര്ജ് അന്തരിച്ചു. 74 വയസ്സായിരുന്നു. കൊച്ചിയിലെ സ്വകാര്യ ആശുപത്രിയില് വെച്ചായിരുന്നു അന്ത്യം. തൃശൂര് കൊരട്ടി സ്വദേശിയാണ്. ശനിയാഴ്ച കറുകുറ്റി സെന്റ് ജോസഫ് ബത്ലഹേം പള്ളിയില്വച്ചാണ് സംസ്കാരം . ശാരീരിക അവശതകളെ തുടര്ന്ന് ജോര്‍ജ് അടുത്തകാലത്ത് കലാരംഗത്ത് സജീവമായിരുന്നില്ല. അംബ അംബിക അംബാലിക എന്ന ചിത്രത്തിലൂടെയാണ് ഇദ്ദേഹം സിനിമ രംഗത്തേക്ക് എത്തിയത്. ചാണക്യന്, അഥര്വം, ഇന്നലെ, സംഘം, ചാണക്യന്, അഥര്വം തുടങ്ങിയ നിരവധി സിനിമകളില്‍ അഭിനയിച്ചിട്ടുണ്ട്.

കൊയിലാണ്ടി: നഗരസഭ പരിധിയില്‍ താമസിക്കുന്ന  അതിഥി തൊഴിലാളികള്‍ക്കുളള ഭക്ഷണകിറ്റ് വിതരണം മുന്‍സിപ്പൽ ചെയര്‍പേയ്സണ്‍ കെ.പി. സുധ കിഴക്കെപാട്ട് നിര്‍വ്വഹിച്ചു. വാര്‍ഡ് കൗണ്‍സിലര്‍ ഇ.കെ, അജിത്ത്, വില്ലേജ് ഓഫീസര്‍ അനില്‍ ചുക്കോത്ത് എന്നിവര്‍ പങ്കെടുത്തൂ. കൊയിലാണ്ടി മുന്‍സിപ്പാലിറ്റിയില്‍ ആകെയുളള 450 അതിഥി തൊഴിലാളികള്‍ക്ക്  ഇന്നും നാളെയുമായ് കിറ്റ് വിതരണം നടത്തുന്നതാണെന്ന് അസിസ്റ്റൻ്റ് ലേബര്‍ ഓഫീസര്‍  ഇ, ദിനേശന്‍ അറിയിച്ചു.

കൊയിലാണ്ടി: കാട്ടിലെ മയിൽ നാട്ടിലിറങ്ങിയത് കൗതുക കാഴ്ചയായി ചെങ്ങോട്ടു കാവ് പഞ്ചായത്തിലെ കൊണ്ടം വള്ളിയിലാണ് ബുധനാഴ്ച രാവിലെ മയിൽ ഇറങ്ങിയത്. തങ്ങളുടെ വീടിനു മുന്നിലൂടെ മയിലിൻ്റെ കുണുങ്ങി കുണുങ്ങിയുള്ള നടത്തമാണ് നാട്ടുകാർക്കും കുട്ടികൾക്കും കൗതുകവുമായത് ഒപ്പം സന്തോഷവുമായത് . നിരവധി പേർകൗതുകത്തോടെ മയിലിൻ്റെ ചിത്രം പകർത്തിയത്.

തിരുവനന്തപുരം: സംസ്ഥാനത്തു ലോക്ഡൗണ്‍ മാര്‍ഗരേഖ പുതുക്കി. മറ്റു സംസ്ഥാനങ്ങളില്‍നിന്ന് കേരളത്തിലേക്ക് വരുന്നവര്‍ക്ക് ആര്‍ടിപിസിആര്‍ നെഗറ്റീവ് സര്‍ട്ടിഫിക്കറ്റ് നിര്‍ബന്ധമാണ്. ഇവര്‍ യാത്ര ആരംഭിക്കുന്നതിന് 72 മണിക്കൂര്‍ മുന്പ് നെഗറ്റീവ് സര്‍ട്ടിഫിക്കറ്റ് നേടിയിരിക്കണം.

റംസാനോടനുബന്ധിച്ച്‌ ഹോം ഡെലിവറിക്കായി മേയ് 12ന് രാത്രി 10 മണി വരെ ഇറച്ചി കടകള്‍ക്കു പ്രവര്‍ത്തിക്കാം. മേയ് 15 ശനിയാഴ്ച ബാങ്കുകള്‍ക്കും മറ്റു ധനകാര്യ സ്ഥാപനങ്ങള്‍ക്കും അവധി ദിവസമായിരിക്കും. മറ്റു പ്രവൃത്തി ദിവസങ്ങളില്‍ മിനിമം ഉദ്യോഗസ്ഥരുമായി പ്രവര്‍ത്തിക്കാം.

ഫുഡ് സേഫ്റ്റി ആന്‍ഡ് സ്റ്റാന്‍ഡേര്‍ഡ് അതോറിറ്റി ഓഫ് ഇന്ത്യയുടെ കൊച്ചി ഓഫിസിനും എഫ്‌എസ്‌എസ് ആക്റ്റ് 2006 ലെ സെക്ഷന്‍ 47 (5) പ്രകാരമുള്ള നാല് സ്വകാര്യ ലബോറട്ടറികള്‍ക്കും മിനിമം ഉദ്യോഗസ്ഥരുമായി പ്രവര്‍ത്തിക്കാമെന്നും പുതുക്കിയ മാര്‍ഗരേഖയില്‍ പറയുന്നു.

ലോക്ക്ഡൗണ്‍ കാലത്ത് സംസ്ഥാനത്തെ വൈദ്യുതി വിതരണം തടസ്സരഹിതമാക്കാൻ പവർ ബ്രിഗേഡും റിസർവ്‌ ടീമുമായി കെഎസ്‌ഇബി. അടിയന്തര സാഹചര്യങ്ങളിലെ സേവനത്തിനാണ്‌ ഈ സംവിധാനം.

അനുസ്യൂതം വൈദ്യുതി ഉറപ്പാക്കാൻ നിലവിലുള്ള ജീവനക്കാരെ ഉൾപ്പെടുത്തിയാണ്‌ റിസർവ്‌ ടീം രൂപീകരിക്കുന്നത്‌. അംഗങ്ങൾ ഓഫീസ്‌ ഹെഡ്‌ക്വാർട്ടേഴ്‌സിൽ തുടരും. ഓഫീസ്‌ മേധാവിക്കാണ്‌ ടീം തയ്യാറാക്കേണ്ടതിന്റെയും വിന്യസിക്കേണ്ടതിന്റെയും ചുമതല.

സേവനം ആവശ്യമായ സന്ദർഭങ്ങളിൽ ഡിവിഷൻ എക്‌സിക്യൂട്ടീവ്‌ വാട്സ്ആപ്പ് വഴി ജില്ലാതല ഇൻസിഡന്റ്‌ കമാൻഡറെ അറിയിക്കും. പവർ ബ്രിഗേഡ്‌ അംഗങ്ങളെ അനുയോജ്യമായ ഓഫീസുകളിൽ കമാൻഡർ നിയോഗിക്കും. ജീവനക്കാർ, കരാർ തൊഴിലാളികൾ, 65 വയസ്സ്‌ കഴിയാത്ത വിരമിച്ച ജീവനക്കാർ എന്നിവരടങ്ങുന്നതാണിത്‌. പവർ ബ്രിഗേഡിലുള്ള വിരമിച്ചവർക്ക്‌ പ്രതിദിനം 750 രൂപ ഓണറേറിയം നൽകും.

കോവിഡിന്റെ ഒന്നാംഘട്ടത്തിലും പവർബ്രിഗേഡ്‌ രൂപീകരിച്ചിരുന്നു. വൈദ്യുതി ഉറപ്പാക്കാനും ഓഫീസ്‌ പ്രവർത്തനങ്ങൾ സുഗമമാക്കാനും ആവശ്യമായ മറ്റുക്രമീകരണങ്ങൾ ഇതിനകം കെഎസ്‌ഇബി നടപ്പാക്കിയിട്ടുണ്ട്‌.

തിരു : മറ്റു ജില്ലകളിലേക്കുള്ള യാത്രകള്‍ക്ക് ഏര്‍പ്പെടുത്തിയിട്ടുള്ള കര്‍ശനവ്യവസ്ഥകള്‍ പാലിക്കുന്നുണ്ടെന്ന് ഉറപ്പാക്കിവരുന്നു. വിവാഹം, മരണാനന്തര ചടങ്ങുകള്‍, ഏറ്റവും അടുത്ത രോഗിയായ ബന്ധുവിനെ സന്ദര്‍ശിക്കല്‍, രോഗിയെ മറ്റൊരിടത്തേക്ക് കൊണ്ടുപോകേണ്ട സാഹചര്യം എന്നിങ്ങനെ ഒഴിവാക്കാനാവാത്ത കാര്യങ്ങള്‍ക്കു മാത്രമേ ജില്ല വിട്ട് യാത്ര ചെയ്യാന്‍ അനുവദിക്കൂ. ജില്ല വിട്ടു യാത്രചെയ്യുന്നവര്‍ പോലീസ് നല്‍കുന്ന ഓണ്‍ലൈന്‍ പാസിനൊപ്പം തിരിച്ചറിയല്‍ കാര്‍ഡ് കൂടി കരുതണം. വാക്‌സിനേഷന്‍ സ്വീകരിക്കാന്‍ പോകുന്നവര്‍ക്കും, അത്യാവശ്യ സാധനങ്ങള്‍ വാങ്ങാനായി തൊട്ടടുത്ത കടകളില്‍ പോകുന്നവര്‍ക്കും സത്യവാങ്മൂലം മതി.

കോഴിക്കോട്: ലോക്ഡൗണ്‍ പശ്ചാത്തലത്തില്‍ സപ്ലൈകോ കുടുംബശ്രീയുമായി ചേര്‍ന്ന് ജില്ലയിലെ തിരഞ്ഞെടുത്ത വില്പന ശാലകളിലൂടെ അവശ്യവസ്തുക്കള്‍ വീട്ടിലെത്തിക്കും. ഉപഭോക്താക്കള്‍ക്ക് വാട്സാപ്പ് നമ്പര്‍ വഴി സാധനങ്ങള്‍ ഓര്‍ഡര്‍ ചെയ്യാമെന്ന് മേഖലാ മാനേജര്‍ അറിയിച്ചു. സൂപ്പര്‍ മാര്‍ക്കറ്റിന്റെ പേര്, വാട്സാപ്പ് നമ്പര്‍ എന്നീ ക്രമത്തില്‍ :

ചെറുവണ്ണൂര്‍ സപ്ലൈകോ സൂപ്പര്‍ മാര്‍ക്കറ്റ് – 9946052299
പീപ്പിള്‍സ് ബസാര്‍ കോഴിക്കോട് – 9847201786
എന്‍ ജി ഒ ക്വാര്‍ട്ടേഴ്സ് സപ്ലൈകോ സൂപ്പര്‍ മാര്‍ക്കറ്റ്, കോഴിക്കോട് – 8304822437
പൂനൂര്‍ സപ്ലൈകോ സൂപ്പര്‍ മാര്‍ക്കറ്റ് – 9605562689
നരിക്കുനി സപ്ലൈകോ സൂപ്പര്‍ മാര്‍ക്കറ്റ് – 9645623264
കൊയിലാണ്ടി സപ്ലൈകോ സൂപ്പര്‍ മാര്‍ക്കറ്റ് – 9961733987
പയ്യോളി സപ്ലൈകോ സൂപ്പര്‍ മാര്‍ക്കറ്റ് – 9946652288
ബാലുശ്ശേരി സപ്ലൈകോ സൂപ്പര്‍ മാര്‍ക്കറ്റ് – 9496900360
വടകര സപ്ലൈകോ സൂപ്പര്‍ മാര്‍ക്കറ്റ് – 8086207511

ഇതിനു പുറമെ കോഴിക്കോട് നഗരത്തിലുള്ള ഉപഭോക്താക്കള്‍ക്കായി കോവൂര്‍ സപ്ലൈകോ സൂപ്പര്‍ മാര്‍ക്കറ്റ് www.ellokart.com – മായി ചേര്‍ന്ന് സാധനങ്ങള്‍ വീട്ടിലെത്തിക്കുന്നതിനുള്ള നടപടി സ്വീകരിച്ചിട്ടുണ്ട്.

കൊയിലാണ്ടി: സംസ്ഥാന സർക്കാർ പ്രഖ്യാപിച്ച സമ്പൂർണ്ണ ലോക് ഡൗണിൻ്റെ മൂന്നാം ദിവസവും പ്രവർത്തി ദിവസവുമായ തിങ്കളാഴ്‌ച നഗരത്തിലെ ക്ക് വാഹനങ്ങളുടെ കുത്തൊഴുക്ക് പോലീസിൻ്റെ കർശനമായ പരിശോധനയിൽ അനാവശ്യ യാത്രക്കാരെ തിരിച്ചയച്ചു. ആശുപത്രികളിലെക്ക് പോകുന്നവരെയും, ബാങ്കിലെക്ക് പോകുന്നവരെയും മാത്രമാണ് പോലീസ് പോകാനനുവദിച്ചത്.നഗരത്തിൽ ഇന്ന് കർശനമായ പരിശോധനയായിരുന്നു. തിങ്കളാഴ്ച ആയതിനാൽ വാഹനങ്ങൾ കൂടുതൽ ഉണ്ടാകുമെന്നതിനാൽ പോലീസ് പരിശോധന കർശനമാക്കുകയായിരുന്നു. നിരവധി പേരെത്തുന്ന തിരക്കേറിയ കൊയിലാണ്ടി ഹാർബറും നിശ്ചലമായിരുന്നു.

കോഴിക്കോട് : ഓക്സിജൻ ആവശ്യമുള്ള കോവിഡ് രോഗികളുടെ എണ്ണം ഉയരുന്ന സാഹചര്യത്തിലാണ് പി.കെ. സ്റ്റീൽ കോംപ്ലക്സിൽ നിന്നുള്ള 13 കിലോലിറ്റർ ശേഷിയുള്ള ടാങ്ക് മെഡിക്കൽ കോളേജ് കോമ്പൗണ്ടിലേക്ക് മാറ്റി സ്ഥാപിച്ചു. ദുരന്തനിവാരണ നിയമപ്രകാരമുള്ള കളക്ടറുടെ ഉത്തരവിൻമേലാണ് നടപടി. ഊരാളുങ്കൽ ലേബർ കോൺട്രാക്ട് കോപ്പറേറ്റീവ് സൊസൈറ്റി ആണ് ടാങ്ക് മാറ്റി സ്ഥാപിച്ചത്.

സംസ്ഥാനത്ത് ഏറ്റവും അധികം കോവിഡ് രോഗികൾ ഉള്ള ജില്ലകളിൽ ഒന്നാണ് കോഴിക്കോട്. രോഗം ഗുരുതരാവസ്ഥയിൽ എത്തിയവരിൽ ഏറിയപങ്കും കോഴിക്കോട് മെഡിക്കൽ കോളെജ് ആശുപത്രിയിൽ ആണ് ചികിത്സ തേടുന്നത്. ഇവരുടെ ആവശ്യത്തിന് വേണ്ട മെഡിക്കൽ ഓക്സിജൻ ഉത്പാദിപ്പിക്കാൻ കോഴിക്കോട് മെഡിക്കൽ കോളേജിൽ സൗകര്യം പര്യാപ്തമാകാത്തതിനെ തുടർന്നാണ് മെയ് ഒന്നിന് കളക്ടർ അടിയന്തരമായി ഉത്തരവ് പുറപ്പെടുവിക്കുന്നത്. ഇതേ തുടർന്ന്, വിഷയത്തിന്റെ അടിയന്തര പ്രാധാന്യം കണക്കിലെടുത്തുകൊണ്ട് മെയ് ദിനത്തിലെ അവധി വേണ്ടെന്ന് വെച്ച് ഉരാളുങ്കൽ തൊഴിലാളികൾ ടാങ്ക് മാറ്റിവയ്ക്കുന്ന പ്രവർത്തനം ആരംഭിക്കുകയായിരുന്നു.

INOX ഓക്സിജൻ ടാങ്ക് നിർമ്മാതാക്കളുടെ സാങ്കേതികപിന്തുണയോടെയാണ് ഊരാളുങ്കൽ സൊസൈറ്റി പ്രവർത്തനങ്ങൾ നടത്തിയത്.
ഓക്സിജൻ ടാങ്ക് മാറ്റി സ്ഥാപിക്കുന്നതിൽ സൊസൈറ്റിയെ പ്രതിരോധ സെക്രട്ടറി അജയ് കുമാർ ട്വിറ്ററിലൂടെ അഭിനന്ദിച്ചു. ഒരാഴ്ച കൊണ്ടാണ് പ്രവർത്തികൾ പൂർത്തീകരിച്ചത്. ജില്ലാ കലക്ടർ സാംബ ശിവ റാവു ,എൻ.ആർ.എച്ച്.എം ജില്ലാ കോർഡിനേറ്റർ ഡോ: നവീൻ എന്നിവർ സ്ഥലത്തെത്തി. പുതിയ ബ്ലോക്കിന് മുൻവശത്താണ് ടാങ്ക്. എഴുനൂറ് രോഗികളെ കിടത്തി ചികിത്സിക്കാൻ കഴിയുന്ന ഈ ബ്ലോക്കിൽ 120 ഐ.സി.യു ബെഡ്ഡുകളും ഉണ്ട്. എല്ലാ ആശുപത്രികളിലും ഇത്തരത്തിലുള്ള ഓക്സിജൻ ടാങ്ക് ആവശ്യമാണെന്ന് കലക്ടർ പറഞ്ഞു.

കൊയിലാണ്ടി: കോവിഡ് പ്രോട്ടോകോൾ പാലിച്ച് വിവാഹം പോലീസിൻ്റെ അഭിനന്ദനവും മംഗളപത്രവും നൽകി.ചെറിയമങ്ങാട് കിണറ്റിൻകര വൽസരാജിൻ്റെയും സ്നേഹയുടെയും മകൾ ശ്രുതിയും’ താനൂർ കാരയകത്ത് ദാമോദരൻ്റെയും ഷീലയുടെയും മകൻ നിദാന്തും തമ്മിലുള്ള വിവാഹമാണ് കൊയിലാണ്ടിയിലെ വധൂഗൃഹത്തിൽ കോവിഡ് പ്രോട്ടോകോൾ പാലിച്ച് 20 പേർ മാത്രം ചേർന്ന് നടത്തിയത്. റൂറൽ ജില്ലാ പോലീസ് മേധാവി ഡോ.ശ്രീനിവാസ് ഐ.പി.എസിൻ്റെ മംഗളപത്രം കൊയിലാണ്ടി എസ്.ഐ. സുലൈമാനും, സി.പി.ഒ.അഭിജിത്തും ചേർന്ന് വധൂവരൻമാർക്ക് കൈമാറി.

തിരുവന്തപുരം: തൊഴിലാളികള്‍ ഉള്‍പ്പെടെയുള്ള യാത്രികര്‍ക്ക് ഇന്നുമുതല്‍ പൊലീസ് പാസ് നിര്‍ബന്ധം. ഇന്നും ജില്ലാ അതിര്‍ത്തി മേഖലകളില്‍ കൂടുതല്‍ പരിശോധനയുണ്ടാകും. അവശ്യ സര്‍വീസുകള്‍ക്ക് മാത്രമാണ് പ്രവര്‍ത്തനാനുമതി.ചെക്ക്പോസ്റ്റുകളില്‍ സത്യവാങ്മൂലം പരിശോധിച്ചാണ് ആളുകളെ കടത്തി വിടുന്നത്. അടിയന്തര ആവശ്യങ്ങള്‍ക്കായി യാത്ര ചെയ്യുന്നവര്‍ക്ക് പൊലീസ് പാസ് നല്‍കി തുടങ്ങി. അപേക്ഷകരുടെ വിവരങ്ങള്‍ അതത് ജില്ലാ സ്പെഷ്യല്‍ ബ്രാഞ്ച് പരിശോധിച്ചാണ് പാസ് നല്‍കുന്നത്. അവശ്യ സര്‍വീസ് ആണെങ്കിലും ഓഫീസ് തിരിച്ചറിയല്‍ കാര്‍ഡില്ലാത്തവര്‍ക്ക് പാസിനായി അപേക്ഷിക്കാം. ജില്ല വിട്ടുള്ള അവശ്യ യാത്രികര്‍ക്ക് ഇ-പാസ് വേണം. പാസ് ഡൗണ്‍ലോഡ് ചെയ്ത് മൊബൈലില്‍ പൊലീസുകാരെ കാണിക്കാം.

അനാവശ്യ യാത്ര നടത്തുന്നവര്‍ക്കെതിരെയും കൊവിഡ് പ്രോട്ടോക്കോള്‍ ലംഘിക്കുന്നവര്‍ക്കെതിരെയും കര്‍ശന നടപടി സ്വീകരിക്കും.

നിയന്ത്രണം നഷ്ടപ്പെട്ട് ഭൗമാന്തരീക്ഷത്തിലേക്ക് കടന്ന ചൈനീസ് റോക്കറ്റ് ലോങ് മാര്‍ച്ച് 5 ബിയുടെ കോര്‍‌സ്റ്റേജ് കടലില്‍ പതിച്ചു. മാലിദ്വീപിന് സമീപം ഇന്ത്യന്‍ മഹാസമുദ്രത്തില്‍ പതിച്ചുവെന്ന് ചൈന അറിയിച്ചു. റോക്കറ്റില്‍ നിന്നുള്ള മിക്ക അവശിഷ്ടങ്ങളും അന്തരീക്ഷത്തില്‍ കത്തിനശിച്ചതായി ചൈനീസ് സ്റ്റേറ്റ് മാധ്യമങ്ങളെ ഉദ്ധരിച്ച് റോയിട്ടേഴ്‌സ് റിപ്പോര്‍ട്ട് ചെയ്യുന്നു. ചൈന കഴിഞ്ഞ മാസം വിക്ഷേപിച്ച റോക്കറ്റിന്റെ ഭാഗങ്ങളാണ് ഭീതിക്ക് വഴിയൊരുക്കിയത്.

യൂറോപ്യന്‍ ബഹിരാകാശ ഏജന്‍സി ഭൗമോപരിതലത്തില്‍ ഏതാണ്ട് 41.5 n നും 41.5 n അക്ഷാംശത്തിനും ഇടയിലുള്ള ഒരു റിസ്‌ക് സോണ്‍ പ്രവചിരുന്നു. ന്യൂയോര്‍ക്കിന് തെക്ക്, ആഫ്രിക്ക, ഓസ്‌ട്രേലിയ, ജപ്പാന് തെക്കായിട്ടുള്ള ഏഷ്യയുടെ ചില ഭാഗങ്ങള്‍, യൂറോപ്പില്‍ സ്‌പെയിന്‍, പോര്‍ച്ചുഗല്‍, ഇറ്റലി, ഗ്രീസ് എന്നിവയും യൂറോപ്യന്‍ ബഹിരാകാശ ഏജന്‍സിയുടെ റിസ്‌ക് സോണ്‍ എന്നിവയായിരുന്നു പ്രവചനത്തില്‍ ഉള്‍പ്പെട്ടത്. സാഹചര്യങ്ങളിലെ ചെറിയ മാറ്റങ്ങള്‍ പോലും പാതയെ ഗണ്യമായി മാറ്റുമെന്നാണ് അറിയിക്കുന്നത്.

എന്നാല്‍ സാധാരണ ഗതിയില്‍ റോക്കറ്റിനെ തിരിച്ച് ഇറക്കുന്നതിന് കൃത്യമായ ഒരു സാങ്കേതിക വിദ്യയുണ്ട്. un orbit burn സാങ്കേതിക വിദ്യയാണിത്. എന്നാല്‍ ഈ സംവിധാനം ചൈന ഈ റോക്കറ്റില്‍ നല്‍കിയിട്ടില്ല എന്ന് ചില ശാസ്ത്രജ്ഞർ ആരോപിക്കുന്നുണ്ട്.

ചൈനയുടെ ലാര്‍ജ് മോഡ്യുലര്‍ സ്‌പേസ് സ്റ്റേഷന്റെ പ്രധാനഭാഗം ടിയാന്‍ഹെ മൊഡ്യൂളിനെ ഏപ്രില്‍ 29നു ഭ്രമണപഥത്തിലെത്തിച്ചിരുന്നു. ടിയാന്‍ഹെ മൊഡ്യൂളില്‍ നിന്ന് വേര്‍പെട്ട റോക്കറ്റിന്റെ പ്രധാന ഭാഗം ഭൂമിയിലേക്ക് സുരക്ഷിതമായി തിരികെ ഇറക്കാനുള്ള ശ്രമത്തിനിടെയാണ് നിയന്ത്രണം നഷ്ടമായത്.

സംസ്ഥാനത്ത് ഇന്ന് മുതല്‍ ലോക്ക്ഡൗണ്‍ ആരംഭിച്ചു. അവശ്യസര്‍വ്വീസ് വിഭാഗത്തില്‍പ്പെട്ടവര്‍ക്ക് ലോക്ഡൗണ്‍ സമയത്ത് യാത്ര ചെയ്യുന്നതിന് അവരുടെ സ്ഥാപനം നല്‍കുന്ന തിരിച്ചറിയല്‍ കാര്‍ഡ് ഉപയോഗിക്കാം. ഇവര്‍ക്ക് പ്രത്യേകം പോലീസ് പാസ്സിന്റെ ആവശ്യമില്ല. വീട്ടുജോലിക്കാര്‍ക്കും കൂലിപ്പണിക്കാര്‍ക്കും തൊഴിലാളികള്‍ക്കും സ്വയം തയ്യാറാക്കിയ സാക്ഷ്യപത്രം കയ്യില്‍ കരുതി യാത്ര ചെയ്യാം

പോലീസ് പാസ്സിന് അപേക്ഷിക്കാനുള്ള ഓണ്‍ലൈന്‍ സംവിധാനം ഇന്ന് വൈകുന്നേരത്തോടെ നിലവില്‍ വരും. അതിനുശേഷം മേല്‍പ്പറഞ്ഞ വിഭാഗത്തില്‍പ്പെട്ടവര്‍ നേരിട്ടോ അവരുടെ തൊഴില്‍ദാതാക്കള്‍ മുഖേനയോ പാസ്സിന് അപേക്ഷിക്കേണ്ടതാണ്. അടിയന്തിരമായി പാസ്സ് ആവശ്യമുള്ളവര്‍ക്ക് സ്റ്റേഷന്‍ ഹൗസ് ഓഫീസര്‍മാരെ നേരിട്ട് സമീപിച്ച് പാസ്സിന് അപേക്ഷ നല്‍കാവുന്നതാണ്. ഇരുവശത്തേയ്ക്കും യാത്ര ചെയ്യുന്നതിനുള്ള പാസ്സ് യാത്ര തുടങ്ങുന്ന സ്ഥലത്തുള്ള സ്റ്റേഷന്‍ ഹൗസ് ഓഫീസര്‍ തന്നെ നല്‍കും.

സംസ്ഥാനത്ത് ഇന്ന് മുതല്‍ സമ്പൂര്‍ണ ലോക്ഡൗണ്‍ നിലവില്‍ വന്നു. പൊലീസ് രാവിലെ തന്നെ പരിശോധന തുടങ്ങി. മുതിര്‍ന്ന ഉദ്യോഗസ്ഥരുടെ മേല്‍നോട്ടത്തില്‍ 25,000 പൊലീസുകാരെ വിന്യസിച്ചാണ് നിയന്ത്രണങ്ങള്‍ കര്‍ശനമാക്കുന്നത്. അത്യാവശ്യ കാര്യങ്ങള്‍ക്ക് പുറത്ത് പോകാന്‍ പൊലീസ് പാസ് നല്‍കും. വിവാഹം, മരണം, ആശുപത്രി യാത്രകള്‍ എന്നിവയടക്കം അത്യാവശ്യങ്ങള്‍ക്ക് പുറത്തിറങ്ങുന്നവരെല്ലാം സത്യവാങ്മൂലം നല്‍കണം.

 9 ദിവസമാണ് സംസ്ഥാനം അടച്ചിടുക. അനാവശ്യമായി വീട്ടിൽ നിന്ന് പുറത്തിറങ്ങുന്നവർക്കെതിരെ പൊലീസ് കേസെടുക്കും. അവശ്യ സർവീസുകൾക്കു മാത്രമാണ് പ്രവർത്തിക്കാൻ അനുമതിയുള്ളത്. കർശന നിയന്ത്രണങ്ങൾ ഏർപ്പെടുത്താനാണ് സർക്കാർ തീരുമാനം. കോവിഡ്‌  അതിവ്യാപനം പിടിച്ചുനിര്‍ത്താന്‍ മറ്റ് മാര്‍ഗങ്ങളില്ലാത്തതിനാലാണ് കേരളം വീണ്ടും അടച്ചിടുന്നതെന്നാണ് മുഖ്യമന്ത്രി ഇന്നലെ പറഞ്ഞത്. ഇന്ന് മുതല്‍ ഈ മാസം 16 വരെ സമ്പൂര്‍ണ ലോക്ഡൗണ്‍ തുടരും.

പൊതു​ഗതാ​ഗതമുണ്ടാവില്ല. എല്ലാതരത്തിലുള്ള കൂട്ടംചേരലുകൾക്ക് നിരോധനം ഏർപ്പെടുത്തി. സ്വകാര്യ വാഹനം പുറത്തിറക്കരുത്. എന്നാൽ അവശ്യ വസ്തുക്കളുടെ കടകൾ തുറന്നു പ്രവർത്തിക്കും. രാവിലെ 6മുതല്‍ വൈകുന്നേരം 7.30വരെ അവശ്യ സാധനങ്ങള്‍ വില്‍ക്കുന്ന കടകള്‍ തുറക്കാം. ഹോട്ടലുകളിൽ നിന്ന് ഹോം ഡെലിവറി മാത്രമാണുണ്ടാവുക. ബേക്കറികൾ തുറന്നു പ്രവർത്തിക്കും.

അന്തർ ജില്ലാ യാത്രകൾ ഒഴിവാക്കാൻ കഴിയാത്തവർ പേരും മറ്റു വിവരം എഴുതിയ സത്യവാങ്മൂലം കൈയിൽ കരുതണം. വിവാഹം, മരണാനന്തര ചടങ്ങുകൾ, രോഗിയെ കാണൽ എന്നിവയ്‌ക്കേ സത്യവാങ്മൂലത്തോടെ യാത്ര ചെയ്യാൻ അനുവാദമുള്ളൂ. കാർമ്മികത്വം വഹിക്കുന്നവർ ക്ഷണക്കത്തും സത്യവാങ്മൂലവും കൈയിൽ കരുതണം.

മറ്റ് സംസ്ഥാനങ്ങളിൽ നിന്ന് യാത്ര ചെയ്ത് വരുന്നവർ കോവിഡ് ജാഗ്രത പോർട്ടലിൽ രജിസ്റ്റർ ചെയ്യണം. അത് നിർബന്ധമാണ്. രജിസ്റ്റർ ചെയ്തില്ലെങ്കിൽ അവർ സ്വന്തം ചെലവിൽ 14 ദിവസം ക്വാറന്റൈനിൽ കഴിയണം. ലോക്ക്ഡൗൺ കാലത്ത് തട്ടുകടകൾ തുറക്കരുത്. വാഹന റിപ്പയർ വർക് ഷോപ്പ് ആഴ്ചയുടെ അവസാനം രണ്ട് ദിവസം തുറക്കാം. ഹാർബറിൽ ലേല നടപടി ഒഴിവാക്കേണ്ടതാണ്. അതിഥി തൊഴിലാളികൾക്ക് നിർമ്മാണ സ്ഥലത്ത് തന്നെ ഭക്ഷണവും താമസം കരാറുകാരൻ നൽകണം. ചിട്ടിപ്പണം പിരിക്കാനും മറ്റും ധനകാര്യസ്ഥാപന പ്രതിനിധികൾ ഗൃഹ സന്ദർശനം നടത്തുന്നത് ഒഴിവാക്കണം.

സംസ്ഥാനത്തെ സർക്കാർ ഓഫീസുകൾ പൂർണ്ണമായും അടച്ചിടും. ബാങ്ക്, ഇൻഷ്യുറൻസ് സ്ഥാപനങ്ങൾ പത്ത് മുതൽ 1 മണി വരെ പ്രവർത്തിപ്പിക്കാം. ബാങ്കുകൾ ഒന്നിടവിട്ട ദിവസം പ്രവർത്തിക്കുന്നതാണ് നല്ലത്. പ്രൈവറ്റ് സെക്യൂരിറ്റി സർവ്വീസ് പ്രവർത്തിക്കാം. പെട്രോൾ പമ്പുകളും വർക്ക്ഷോപ്പുകളും തുറക്കാം.

പൊതുഗതാഗതം പൂർണമായും ഇല്ല. അന്തർ ജില്ലാ യാത്രകള്‍ പാടില്ല. അടിയന്തിര ആവശ്യത്തിന് മാത്രം യാത്ര ചെയ്യുന്നവർ കൊവിഡ് ജാഗ്രതാ പോർട്ടലിൽ രജിസ്റ്റർ ചെയ്യണം. അവശ്യവസ്തുക്കളും മരുന്നും വാങ്ങാന്‍ സ്വകാര്യ വാഹനങ്ങള്‍ നിരത്തിലിറക്കാമെന്ന് സര്‍ക്കാര്‍ ലോക്ക്ഡൗണ്‍ മാര്‍ഗ നിര്‍ദേശങ്ങളില്‍ വ്യക്തമാക്കി. കോവിഡ് വാക്‌സിനേഷനു വേണ്ടിയും സ്വന്തം വാഹനങ്ങളില്‍ പോവാം.

വീട്ടു ജോലിക്കാർക്കും ഹോം നഴ്‌സുമാർക്കും യാത്രകൾക്ക് അനുമതിയുണ്ട്. വിമാന സർവീസും ട്രെയിൻ സർവീസും ഉണ്ടാകും. സ്വകാര്യവാഹനങ്ങൾക്ക് കർശന നിയന്ത്രണമേർപ്പെടുത്തും. ഓട്ടോ ടാക്സി അവശ്യ സേവനത്തിനു മാത്രം. അനാവശ്യമായി പുറത്തിറങ്ങുന്നവർക്കെതിരെ കേസെടുക്കും. അത്യാവശ്യങ്ങൾക്ക് പുറത്തിറങ്ങുന്നവർ സത്യവാങ്മൂലം കരുതണം.

അവശ്യ സർവ്വീസിലുള്ള ഓഫീസുകള്‍ മാത്രം പ്രവർത്തിക്കും. ആശുപത്രി വാക്സിനേഷൻ എന്നിവയ്ക്കുള്ള യാത്രക്ക് തടസ്സമില്ല. എയർപോർട്ട്, റെയിൽവേ സ്റ്റേഷൻ എന്നിവയിൽ നിന്നുള്ള യാത്രക്കും തടസ്സമില്ല. മുൻ കൂട്ടി നിശ്ചയിച്ച വിവാഹച്ചടങ്ങുകളിൽ പരമാവധി 20 പേരെ മാത്രം പങ്കെടുപ്പിക്കാം. ഇതിന് മുൻകൂട്ടി പൊലീസിന്റെ അനുമതി വാങ്ങുകയും ജാഗ്രത പോർട്ടലിൽ രജിസ്റ്റർ ചെയ്യുകയും വേണം. മരണാനന്തര ചടങ്ങിൽ 20 ആളുകൾ മാത്രമേ പാടുള്ളു. ആരാധാനലയങ്ങളിൽ ആരെയും പ്രവേശിപ്പിക്കരുത്. മുഴുവൻ വിദ്യാഭ്യാസ സ്ഥാപനങ്ങളും അടച്ചിടും. വിദ്യാഭ്യാസ പരിശീലന കേന്ദ്രങ്ങളും അടക്കണം. ലോക്ഡൗണിൽ കുടുങ്ങിയ ആളുകളെയും ടൂറിസ്റ്റുകൾക്കും വേണ്ടി ഹോട്ടലുകളും ഹോം സ്റ്റേ കളും തുറക്കാം. ഇലക്ട്രിക്, പ്ലംബിങ് പോലെയുള്ള ടെക്നിഷ്യൻസിന് പ്രവർത്തിക്കാം.

തിരുവനന്തപുരം: അടുത്ത ഞായറാഴ്ചവരെ അടച്ചിടലിന് തുല്യമായ നിയന്ത്രണം സംസ്ഥാനത്തുണ്ടാകും. കോവിഡ് നിയന്ത്രണവിധേയമാക്കാൻ സർക്കാർ പ്രഖ്യാപിച്ച നിയന്ത്രണങ്ങൾ

അടിയന്തര സേവനമേഖലയിലുള്ള സംസ്ഥാന-കേന്ദ്രസർക്കാർ സ്ഥാപനങ്ങൾക്കും സ്വയംഭരണ സ്ഥാപനങ്ങൾക്കും കോർപ്പറേഷനുകൾക്കും തടസ്സമില്ലാതെ പ്രവർത്തിക്കാം. ഇവയിലെ ജീവനക്കാർക്ക് യാത്രാവിലക്കില്ല. മറ്റുഓഫീസുകൾ അത്യാവശ്യം ജീവനക്കാരെ ഉപയോഗിച്ച് പ്രവർത്തിക്കണം.

• അടിയന്തരാവശ്യം എന്നനിലയിലുള്ള വ്യവസായ സംരംഭങ്ങൾ, കമ്പനികൾ, മറ്റ് സ്ഥാപനങ്ങൾ എന്നിവയ്ക്കും പ്രവർത്തിക്കാം. ജീവനക്കാർ യാത്രയ്ക്കായി സ്ഥാപനത്തിന്റെ തിരിച്ചറിയിൽ രേഖ കരുതണം.

• മെഡിക്കൽ ഓക്സിജൻ വിതരണം ചെയ്യുന്ന എല്ലാ ഏജൻസികൾക്കും പ്രവർത്തിക്കാം.

• ടെലികോം, ഇന്റർനെറ്റ് സർവീസ് പ്രൊവൈഡേഴ്സ്, പെട്രോനെറ്റ്, പെട്രോളിയം-പാചക വാതക യൂണിറ്റ് എന്നിവയുടെ വാഹനങ്ങൾക്കും ജീവനക്കാർക്കും തടസ്സമില്ല.

• ഐ.ടി.-അനുബന്ധ സ്ഥാപനങ്ങളിൽ അത്യാവശ്യ ജീവനക്കാർക്കല്ലാതെ ബാക്കിയെല്ലാവർക്കും വർക്ക് ഫ്രം ഹോം, അല്ലെങ്കിൽ വിശ്രമം അനുവദിക്കണം.

• മരുന്ന്, പഴം, പച്ചക്കറി, മത്സ്യം, പാൽ, പലചരക്ക് തുടങ്ങിയ അവശ്യസാധനങ്ങൾ വിൽക്കുന്ന കടകൾ, വാഹനങ്ങളുടെയും ഉപകരണങ്ങളുടെയും സർവീസ് സെന്ററുകൾ എന്നിവയ്ക്ക് പ്രവർത്തിക്കാം. ജീവനക്കാർ ഇരട്ടമാസ്കും കൈയുറയും ധരിക്കണം. രാത്രി 9 മണിക്ക് എല്ലാസ്ഥാപനങ്ങളും അടയ്ക്കണം.

• ഹോട്ടലുകളിലും റസ്റ്റോറന്റുകളിലും രാത്രി 9 മണിവരെ ഹോം ഡെലിവറിയും പാർസലും മാത്രം അനുവദിക്കും.

• ബാങ്കുകളിൽ പൊതുജനങ്ങൾക്ക് പത്തുമുതൽ ഒരുമണിവരെ മാത്രം പ്രവേശനം.

• ദീർഘദൂര ബസുകൾ, തീവണ്ടികൾ, വിമാനസർവീസ്, ചരക്ക് സർവീസ് എന്നിവയ്ക്ക് മുടക്കമുണ്ടാവില്ല. ബസ് സ്റ്റേഷൻ, റെയിൽവേ സ്റ്റേഷൻ, വിമാനത്താവളം എന്നിവിടങ്ങളിലേക്കുള്ള പൊതു-സ്വകാര്യ-ടാക്സി വാഹനങ്ങൾ അനുവദിക്കും. ഇങ്ങനെ പോകുന്നവർ യാത്രാരേഖ കരുതണം.

• കോവിഡ് ജാഗ്രത പോർട്ടലിൽ രജിസ്റ്റർചെയ്ത വിവാഹം, ഗൃഹപ്രവേശം എന്നിവ കോവിഡ് മാനദണ്ഡങ്ങൾ പാലിച്ച് നടത്താം. വിവാഹത്തിന് പരമാവധി 50 പേർമാത്രം. ശവസംസ്കാര ചടങ്ങുകളിൽ പരമാവധി 20 പേർക്ക് പങ്കെടുക്കാം.

• മറുനാടൻ തൊഴിലാളികൾക്ക് തൊഴിലിടത്തിൽ ജോലിയെടുക്കുന്നതിന് തടസ്സമില്ല.

• വീട്ടുജോലിക്ക് പോകുന്നവരെയും പ്രായമായവരെ ശുശ്രൂഷിക്കാൻ എത്തുന്നവരുടെയും യാത്ര തടയില്ല.

• റേഷൻ കടകൾ, സിവിൽ സപ്ലൈസ് ഔട്ട്ലറ്റുകൾ എന്നിവയ്ക്ക് പ്രവർത്തിക്കാം.

• കൃഷി, പ്ലാന്റേഷൻ, മൃഗസംരക്ഷണം തുടങ്ങിയ മേഖലകളിലെ പ്രവർത്തനങ്ങൾ, വ്യവസായം, ചെറുകിട ഇടത്തരം സംരംഭങ്ങൾ, നിർമാണ പ്രവർത്തനങ്ങൾ എന്നിവയെല്ലാം കോവിഡ് പ്രോട്ടോകോൾ പാലിച്ച് നടത്താം.

• ആരാധനാലയങ്ങളിൽ പരമാവധി 50 പേർക്ക് പ്രവേശനം അനുവദിക്കും.

• സിനിമ, സീരിയൽ, ഡോക്യുമെന്ററി തുടങ്ങിയ ഇൻഡോർ-ഔട്ട്ഡോർ ഷൂട്ടിങ്ങുകളും അനുവദിക്കില്ല.

കൊയിലാണ്ടി:സ്വച്ഛ് ഭാരത് മിഷൻ്റെ ഭാഗമായി – മഴക്കാലപൂർവ്വ ശുചീകരണ പ്രവൃത്തികൾ കൊയിലാണ്ടി നഗരസഭയിലെ 35 ആം വാർഡിലെ പൊതുസ്ഥലങ്ങൾ വൃത്തിയാക്കുന്ന പ്രവൃത്തിക്ക് തുടക്കമായി. കൗൺസിലർ കെ.കെ.വൈശാഖിൻ്റെ നേതൃത്വത്തിലാണ് ശുചീകരണ പ്രവൃത്തികൾ ആരംഭിച്ചത്. വാർഡിൽ അടിഞ്ഞുകൂടിയ പ്ലാസ്റ്റിക്  മാലിന്യങ്ങൾ മുഴുവൻ മാറ്റി പാക്‌ചെയ്തു ഇനി അത് കയറ്റിഅയക്കും 2 പ്രദേശം കൂടി ചെയ്യാൻ ഉണ്ട് , അതോടപ്പം തീരമേഖലയിലെ മാലിന്യങ്ങളും മാറ്റാനുള്ള പ്രവർത്തവും തുടങ്ങുകയാണ് മെയ് 30 നു മുൻപായി വാർഡ് പൂർണമായി വൃത്തിയാക്കുക യാ ണ് ലക്ഷ്യമെന്ന് വൈശാഖ് പറഞ്ഞു. നാട്ടുകാരുടെ പൂർണ്ണ പിന്തുണയോടെയാണ് പദ്ധതി നടപ്പിലാക്കുന്നതെന്ന് കൗൺസിലർ പറഞ്ഞു.  നിരവധി പേർ പങ്കെടുത്തു

കൊയിലാണ്ടി: ജനസംഘം സ്ഥാപക നേതാവും ,സ്വാതന്ത്രസമര സേനാനിയും, ബി.ജെ.പി.യുടെ ദേശീയ സമിതി അംഗവുമായിരുന്ന എ..കെ ശങ്കരമേനോൻ അനുസ്മരണം  എൻ.പി രാധാകൃഷ്ണൻ ഉദ്ഘാടനം ചെയ്തു . എസ്.ജയ്കി ഷ് മാസ്റ്റ്ർ അദ്ധ്യക്ഷത വഹിച്ചു, കെ.പി മോഹനൻ മാസ്റ്റർ അനുസ്മരണ പ്രഭാഷണം നടത്തി, കെ.വി സുരേഷ് സ്വാഗതം പറഞ്ഞു, വി.കെ ഷാജി നന്ദി പറഞ്ഞു പരിപാടിയിൽ വി.കെ.ജയൻ, വായനാരി വിനോദ് ,അഡ്വ.വി.സത്യൻ, എ.പി രാമചന്ദ്രൻ  തുടങ്ങിയവർ പങ്കെടുത്തു.

കൊയിലാണ്ടി: പിറന്നാളിനായി മാറ്റിവെച്ച തുക മുഖ്യമന്ത്രിയുടെ ദുരിതാശ്വാസ നിധിയിലെക്ക് കൈമാറി വിദ്യാർത്ഥി മാതൃകയായി. കൊയിലാണ്ടി വൊക്കേഷണൽ ഹയർ സെക്കണ്ടറി സ്കൂളിലെ സീനിയർ സ്റ്റുഡൻ്റ് പോലീസ് കേഡറ്റ് തരുൺ എസ് കുമാറാണ് മാതൃകയായത്. സ്കൂളിൽ വെച്ച് നടന്ന ചടങ്ങിൽ വാർഡ് കൗൺസിലർ എ .ലളിത ഏറ്റുവാങ്ങി.പി.ടി.എ.പ്രസിഡണ്ട്, അഡ്വ.പി.പ്രശാന്ത്. എസ്.പി.സി.പോലീസ് എസ് ഐ.മുനീർ.,എഫ്.എം..നസീർ മാസ്റ്റർ, റംല, ശ്രീലാൽ പെരുവെട്ടൂർ, പി.സുധീർ കുമാർ ‘അദ്ധ്യാപകരായ, എം.ബി.പ്രസന്ന, പി.സിന്ധു, ടി. സജിത ,എം.ജ്യോത്സ്ന തുടങ്ങിയവർ പങ്കെടുത്തു.

കൊയിലാണ്ടി: :പ്രതിസന്ധികളിൽ പകച്ചു നിൽക്കാതെ ഇച്ഛാശക്തിയോടെ വിവര സാങ്കേതിക വിദ്യയുടേയും കലയുടേയും സഹവർത്തികരുടേയും സാധ്യതകൾ ഉപയോഗപ്പെടുത്തി അടച്ചിടൽ കാലത്ത് മാതൃകാ വിദ്യാഭ്യാസമൊരുക്കി പ്രധാനാധ്യാപകൻശശികുമാർ പാലയ്ക്കൽ കാപ്പാട് ഗവ. മാപ്പിള യു.പി.സ്കൂളിൻ്റെ പടിയിറങ്ങി.ഭിന്നശേഷി ക്കാർ ഉൾപ്പടെ മുഴുവൻ വിദ്യാർഥികളേയും ഓൺലൈൻ – ഓഫ് ലൈൻ പ്ലാറ്റ്ഫോമുകളിൽ എത്തിച്ച് പി.ടി.എ., എസ്.എസ്.ജി, എസ്.എം.സി, സ്റ്റാഫ് കൗൺസിൽ സഹകരണത്തോടെ വ്യത്യസ്തവും ആകർഷകവും നിരന്തര മൂല്യനിർണയാവസരമുള്ളനൂറോളം പoന പരിപാടികളാണ് സ്കൂൾ ആവിഷ്ക്കരിച്ചത്.കലാ രംഗത്തേയും മാധ്യമ രംഗത്തേയും ദീർഘകാല പ്രവർത്തന പരിചയമാണ് ശശിമാസ്റ്റർക്ക് ടീം കാപ്പാടിനെ നൂതന വഴിക്ക് നയിക്കാൻ പ്രാപ്തി നൽകിയത്. സ്വാതന്ത്ര്യ ദിനത്തിൽസ്കൂളിൽ ആരംഭിച്ച ‘വിദ്യാദർശൻ ‘ ചാനലിൽ പങ്കെടുത്ത് വിദ്യാഭ്യസ മന്ത്രി സി.രവീന്ദ്രനാഥ് ‘സ്ക്കൂൾ പ്രവർത്തനം മാതൃകാപരവും അനുകരണീയവും’ എന്ന് വിശേഷിപ്പിച്ചത് പ്രചോദകമായി.അനശ്വരായ സാഹിത്യകാരൻ യു.എ.ഖാദർ, ഐ.എസ്.ആർ.ഒ.സീനിയർ ശാസ്ത്രജ്ഞ ഡോ. എസ്. ഗീത, അമേരിക്കൻ സയൻ്റിസ്റ്റ് ഡോ. വിപിൻ ഗോപാൽ, ഡോ.ഖദീജ മുംതാസ്, ഡോ.കല്പറ്റ നാരായണൻ, ദേശീയ പരിസ്ഥിതി പ്രവർത്തകൻ എസ്.പി.ഉദയ്കുമാർ, വി.എസ്.സി.ടെക്നിക്കൽ ഡയരക്ടർ ഡോ.ഹാരിഷ്, ഫോക്ലോറിസ്റ്റ് ഡോ.കോയ കാപ്പാട്, മന:ശാസ്ത്രജ്ഞൻ ഡോ.ഭാർഗ്ഗവൻ ,ജൈവകർഷകൻ അബൂബക്കർ ഹാജി ,വൈക്കം മുഹമ്മദ് ബഷീറിൻ്റെ മകൾ ഷാഹിന തുടങ്ങിയ 50 പ്രതിഭകൾ വ്യത്യസ്ത വേദികളിൽ കുട്ടികളുമായി സംവദിച്ചു. ശശി മാസ്റ്ററുടെ സംവിധാനത്തിൽ വിദ്യാർഥികൾ വീടുകളിൽ ഒരുക്കിയ നിശ്ചല – ചലന ദൃശ്യങ്ങളായ ‘ഇത്തിഹാദ് കിസബർമതി ‘, ‘ഇമ്മിണി ബല്യൊന്ന് ‘ ഏറ്റവും ജനശ്രദ്ധ നേടി. കേരള ഐ.ടി.വകുപ്പിൻ്റെ നിമ്പിൾ ഇ.2. പാഠശാല, ഡയറ്റിൻ്റെ പഠനവിടവ് പൂരണ പദ്ധതി, കോഴിക്കോട് വിദ്യാഭ്യാസ സമിതിയുടെ ഓൺലൈൻ മാർഗ്ഗരേഖ, ചേമഞ്ചേരി ഗ്രാമപഞ്ചായത്തിൻ്റെ സഹായം എന്നിവ ടീം കാപ്പാടിന് ദിനാബോധം നൽകി. ഓൺലൈൻ പഠനത്തിന് ബുദ്ധിമുട്ട് നേരിടുന്ന കുട്ടികളെ ടി.വി യും പoനോപകരണവും നൽകുന്ന ‘ കൂടെ.. തണലായ് ‘ പദ്ധതിയുംസ്കൂളിൽ പ്രധാനാധ്യാപക നേതൃത്വത്തിൽ രൂപീകരിച്ചിട്ടുണ്ട്. വിദ്യാഭ്യാസ പ്രകിയയുടെ കണ്ണി മുറിയാതെ വിദ്യാർഥികൾക്കായി സർഗാത്മക വിദ്യാഭ്യാസത്തിന് നേതൃത്വം നൽകി വിരമിക്കുന്ന പ്രധാനാധ്യാപകന് എച്ച്.എം ഫോറം, പി ടി.എ., സ്റ്റാഫ് യോഗം, വിദ്യാർഥി കൗൺസിൽ എന്നിവർ യാത്രയയപ്പ് നൽകി. ബി.പി.സി. ഒ.ഗിരി ഉപഹാര സമർപ്പണം നടത്തി.

കൊയിലാണ്ടി: ദേശീയപാതയിൽ ഷഹാനിയ ടവറിൽ പ്രവർത്തിക്കുന്ന പരാഗ് ക്ലോത്ത് മാർട്ടിൽ ഏപ്രിൽ 10-ാം തിയ്യതിവരെ തുണിത്തരങ്ങളും മറ്റും വാങ്ങാൻ എത്തിയവർ നിർബന്ധമായും ആർ.ടി.പി.സി.ആർ. ടെസ്റ്റ് നടത്തണമെന്ന് നഗരസഭ ഹെൽത്ത് ഇൻസ്പെക്ടർ അറിയിച്ചു. സ്ഥാപനത്തിൽ തൊഴിലെടുക്കുന്ന ഒരു ഇതര സംസ്ഥാന തൊഴിലാളി മരണപ്പെട്ട സാഹചര്യത്തിലാണ് ഇവർക്ക് കോവിഡ് ടെസ്റ്റ് നടത്താൻ ആവശ്യപ്പെടുന്നത്.

നഗരസഭ ആരോഗ്യ വിഭാഗവും പോലീസും ചേർന്ന് സിസിടിവി ദൃശ്യം പരിശോധിച്ച് ആളുകളെ കണ്ടെത്താനുള്ള ശ്രമത്തിലാണ്. വിഷു പ്രമാണിച്ച് ആളുകൾ കൂട്ടത്തോടെ എത്തിയത് വലിയ ആശങ്ക ഉണ്ടാക്കുന്നുണ്ടെന്ന് ഹെൽത്ത് ഇൻസ്പെക്ടർ പറഞ്ഞു. കൊറോണ വ്യാപകമാകുന്ന സാഹചര്യത്തിൽ ജനങ്ങൾ സാമൂഹിക അകലം പാലിച്ച് കോവിഡ് മാനദണ്ഡങ്ങൾ കൃത്യമായി പാലിക്കണമെന്നും അദ്ധേഹം ആവശ്യപ്പെട്ടു.

കൊയിലാണ്ടി: കോവിഡ് വ്യാപനം കൊയിലാണ്ടി കടുത്ത നിയന്ത്രണത്തിലേക്ക്.  കൊവിഡ് നിയന്ത്രണങ്ങൾ പൂർണ്ണമായും പാലിക്കുന്നതിന് നഗരത്തിൽ കടുത്ത നിയന്ത്രണങ്ങൾ നടത്തുന്നതിനും വാക്സിനേഷൻ പൂർണ്ണതയിലെത്തിക്കുന്നതിനും ഇന്ന് ചേർന്ന നഗരസഭ തല ആർ.ആർ.ടി. യോഗവും, തുടർന്ന് നടന്ന സർവ്വകക്ഷി, വ്യാപര, സന്നദ്ധ സംഘടന, മത സ്ഥാപന പ്രതിനിധികളുടെ യോഗവും തീരുമാനിച്ചു.

വാർഡ് തല ആർ.ആർ.ടി.യോഗങ്ങൾ 3 ദിവസത്തിനകം പൂർത്തിയാക്കും. സാമൂഹിക അകലം പാലിക്കുന്നതിന് മുൻ സിപ്പൽ തല നിരീക്ഷണ സമിതിയുടെ പ്രവർത്തനം സജീവമാക്കും. ഏപ്രിൽ 21 മുതൽ 24 വരെ ടൗൺ ഹാളിൽ വെച്ചും, തുടർന്ന് പ്രാദേശികമായും വാക്സിനേഷൻ ക്യാമ്പുകൾ  നടത്താനും തീരുമാനിച്ചു.

യോഗത്തിൽ ചെയർ പേഴ്സൻ കെ.പി.സുധ അധ്യക്ഷത വഹിച്ചു. ജില്ലാ മെഡിക്കൽ ഓഫീസറുടെ പ്രതിനിധികളായി ഡോ: പ്രമോദ് കുമാർ പി.പി, ഡോ : സുരേഷ്. ടി, താലൂക്ക് ആശുപത്രി സുപ്രണ്ട് ഡോ: പ്രതിഭ, തിരുവങ്ങൂർ, അരിക്കുളം മെഡിക്കൽ ഓഫീസർമാർ. സ്റ്റാന്റിഗ് കമ്മറ്റി ചെയർമാൻമാർ, കൗൺസിൽ പാർട്ടി ലീഡർമാർ, ഹെൽത്ത് ഇൻസ്പെക്ടർമാർ, വിവിധ രാഷ്ട്രീയ പാർട്ടി പ്രതിനിധികൾ, വ്യാപാര സംഘടനാ പ്രതിനിധികൾ, ഫയർ ഓഫീസർ, പോലീസ് ഓഫീസർ, തുടങ്ങിയവർ സംസാരിച്ചു. വൈസ് ചെയർമാൻ അഡ്വ: കെ. സത്യൻ സ്വാഗതവും, മുൻസിപ്പൽ സെക്രട്ടറി എൻ. സുരേഷ് കുമാർ എന്നിവർ സംസാരിച്ചു. 

കൊയിലാണ്ടി: കൊല്ലം പിഷാരികാവ് ക്ഷേത്രോത്സവത്തോടനുബന്ധിച്ച് തിരക്ക് നിയന്ത്രിക്കുന്നതിനായി ഏപ്രില്‍ 6 ചൊവ്വാഴ്ച രാവിലെ 8 മണി മുതൽ രാത്രി 8 മണി വരെ കണ്ണൂർ-കോഴിക്കോട് ദേശീയപാതയിൽ ഗതാഗത ക്രമീകരണം ഏർപ്പെടുത്തുമെന്ന് കൊയിലാണ്ടി പോലീസ് അറിയിച്ചു. കണ്ണൂരിൽ നിന്നും കോഴിക്കോടേക്ക് പോകുന്ന വാഹനങ്ങൾ പയ്യോളിയിൽ നിന്നും ഇടത്തോട്ട് തിരിഞ് പേരാമ്പ്ര ഉള്ളിയേരി വഴി കോഴിക്കോടേക്ക് പോകേണ്ടതും. കോഴിക്കോട് ഭാഗത്തു നിന്ന് വരുന്ന വാഹനങ്ങൾ ഉള്ളിയേരി പേരാമ്പ്ര വഴി പോവേണ്ടതും ആണ്.

കൊയിലാണ്ടി: പെരുവട്ടൂർ 121-ാം ബൂത്തിലെ അവശ വോട്ടറെ കെ.പി.സി.സി. അംഗത്തിന്റെ ഒത്താശയോടെ നിർബന്ധിച്ച് വോട്ട് ചെയ്യിച്ചതായി പരാതി. പെരുവട്ടൂർ നടേരി റോഡിൽ ഫാത്തിമാസിൽ 81 വയസ്സുള്ള പാത്തുമ്മക്കുട്ടിയുടെ വോട്ടാണ് ഇത്തരത്തിൽ തെരഞ്ഞെടുപ്പ് ചട്ടം ലംഘിച്ച് രേഖപ്പെടുത്തിയതായി പരാതി കൊടുത്തിട്ടുള്ളത്. സംഭവവുമായി ബന്ധപ്പെട്ട LDF ബൂത്ത് ഏജൻ്റ് എ.കെ. രമേശൻ തെരഞ്ഞെടുപ്പ് കമ്മീഷന് പരാതി നൽകി. ബൂത്ത് ഏജൻ്റ്മാരെയും ബി.എൽ.ഒ.യെയും ബി.എൽ.എ.യെയും അറിയിക്കാതെ ചില തെരഞ്ഞെടുപ്പ് ഉദ്യോഗസ്ഥർ കോൺഗ്രസ്സ് നേതാക്കളുടെ താൽപ്പര്യ പ്രകാരം നിശ്ചയിച്ച ദിവസത്തിന് ഒരു ദിവസം മുമ്പ് വീട്ടിലെത്തി വോട്ട് രേഖപ്പെടുത്തിയെന്നാണ് നാട്ടുകാർ പറയുന്നത്.

കൊയിലാണ്ടി : യു.ഡി.എഫ്. അധികാരത്തിൽവന്നാൽ കെ. റെയിൽ നടപ്പാക്കില്ലെന്ന് മുൻ മുഖ്യമന്ത്രി ഉമ്മൻചാണ്ടി പറഞ്ഞു. കൊയിലാണ്ടിയിൽ എൻ. സുബ്രഹ്മണ്യന്റെ തിരഞ്ഞെടുപ്പ് പൊതുയോഗത്തിൽ സംസാരിക്കുകയായിരുന്നു അദ്ദേഹം. മഠത്തിൽ അബ്ദുറഹ്മാൻ അധ്യക്ഷത വഹിച്ചു. അച്യുതാനന്ദൻ സർക്കാരിൻ്റെ കാലത്ത് കൊണ്ടുവന്ന പദ്ധതി യു.ഡി.എഫ്. സർക്കാർ പഠനം നടത്തി തള്ളിയതാണ്. വോട്ട് ചെയ്യുന്നതുവരെ യു.ഡി.എഫ്. പ്രവർത്തകർ ജാഗ്രതപുലർത്തണം. കൃത്രിമ വോട്ടിലൂടെ അധികാരത്തിൽ തുടരാമെന്ന സി.പി.എമ്മിന്റെ ശ്രമം തടയാൻ ജാഗരൂകരാവണം -ഉമ്മൻചാണ്ടി പറഞ്ഞു.

ചേമഞ്ചേരി :വാഹനാപകടത്തിൽ യൂവാവ് മരണപ്പെട്ടു കാഞ്ഞിലശ്ശേരി സ്വദേശി പൂക്കായത്ത്താഴെക്കുനി അമൽജിത്താണ് 20മരണപ്പെട്ടത്. ബൈക്കിന് പിറകിൽ സഞ്ചരിക്കവെ ചേമഞ്ചേരി റജിസ്ത്രാൾ ഓഫീസിന് സമീപം വെച്ച് ഞായറാഴ്ച വൈകീട്ട് അഞ്ച് മണിയോട് കൂടി അമൽജിത്ത് സഞ്ചരിച്ച ബൈക്കിന് വടകര ഭാഗത്ത് നിന്ന് കോഴിക്കോട് ഭാഗത്തേക്ക് പോവുകയായിരുന്നു ആംബുലെൻസ് ബൈക്കിൽ ഇടിക്കുകയായിരുന്നു ബൈക്കിന് പിറകിൽ സഞ്ചരിക്കുകയായിരുന്ന അമൽജിത്ത് റോഡിലേക്ക് തെറിച്ച് വീഴുകയായിരുന്നു മെഡിക്കൽ കോളെജിൽ എത്തിച്ചെങ്കിലും ജീവൻ രക്ഷിക്കാനായില്ല ബൈക്കോടിച്ച ആരോമൽ നിസാര പരിക്കുകളോടെ മെഡിക്കൽ കോളെജിൽ ചികിത്സയിലാണ് മാര്യാംപുനത്തിൽ സുരേഷിന്റെയും ബിന്ദുവിന്റയും മകനാണ് സഹോദരി അശ്വതി

കൊയിലാണ്ടി: എൻ.ഡി.എ.സ്ഥാനാർത്ഥി എൻ.പി.രാധാകൃഷ്ണൻ്റെ തെരഞ്ഞെടുപ്പ് സന്ദർശന പരിപാടികൾ ആവേശപൂർവ്വം പുരോഗമിക്കുന്നു. ചെങ്ങോട്ടുകാവ്, ചേമഞ്ചേരി പഞ്ചായത്തുകളിൽ സന്ദർശനം നടത്തി. ഞാണംപൊയിൽ, ചേലിയ, മേലൂര്, തുടങ്ങിയ സ്ഥലങ്ങളിലെ പ്രമുഖ വ്യക്തിത്വങ്ങളെയും,സ്ഥാപനങ്ങളിലും സന്ദർശനം നടത്തി. ആവേശകരമായ സ്വീകരണമാണ് ലഭിച്ചത്.ഉച്ചയ്ക്ക് ശേഷം ചേമഞ്ചേരി പഞ്ചായത്തിലെ വെങ്ങളം, കാട്ടിൽ പീടിക, കാഞ്ഞിശ്ശേരി, തുടങ്ങിയ കേന്ദ്രങ്ങളിൽ പ്രമുഖരെയും, മുൻ കാല പ്രവർത്തകരെയും കണ്ട് വോട്ടഭ്യർത്ഥിച്ചു. ആർ.എസ്.എസ്.സംസ്ഥാനനേതാവ്, കെ.പി.രാധാകൃഷ്ണനെ  സന്ദർശിച്ച് അനുഗ്രഹം വാങ്ങി. എസ്.ആർ.ജയ്കി ഷ്, അഡ്വ.വി.സത്യൻ, വായനാരി വിനോദ് ,മണി, ഗലേഷ്, ഉണ്ണികൃഷ്ണൻ മുത്താമ്പി, വി.കെ.ഉണ്ണികൃഷ്ണൻ, വി.കെ.മുകുന്ദൻ, കെ.പി.എൽ.മനോജ്,, റെനീഷ്, തുടങ്ങിയവർ അനുഗമിച്ചു.

കൊയിലാണ്ടി: കഥകളി വിദ്യാലയം ചേലിയ,  ഗുരു ചേമഞ്ചേരി കുഞ്ഞിരാമൻ നായർ അനുസ്മരണ പരിപാടി നടത്തി. കഥകളി പഠനത്തിനായി  ജന്മനാട്ടിൽ ഗുരു  സ്ഥാപിച്ച കഥകളി വിദ്യാലയത്തിൽ നടന്ന  ‘ഗുരു സ്മൃതി ‘  പരിപാടിയിൽ സാംസ്കാരിക പ്രവർത്തകരും, ശിഷ്യരും പ്രശിഷ്യരും , ആരാധകരും, നാട്ടുകാരുമടക്കം നൂറുകണക്കിനാളുകൾ  പങ്കെടുക്കുകയുണ്ടായി .  ഗുരുവിൻ്റെ ഛായാപടത്തിനു മുന്നിൽ  കളിവിളക്കിനു തിരി തെളിയിച്ചു കൊണ്ട് ശ്രദ്ധാഞ്ജലിക്ക് തുടക്കം കുറിച്ചത്  കലാമണ്ഡലം റിട്ട.  പ്രിൻസിപ്പൽ ബാലസുബ്രഹ്മണ്യൻ ആശാനായിരുന്നു . തുടർന്ന് സദസ്സ്  പുഷ്പാർച്ചനയും  ഗുരു വന്ദനവും നടത്തി . ഗുരുവിനോടുള്ള ആദരസൂചകമായി അദ്ദേഹത്തിനു പ്രിയപ്പെട്ട കഥകളി പദങ്ങൾ കലാനിലയം ഹരിയും ഗുരുവിൻ്റെ ജീവിതത്തെ ആസ്പദമാക്കി യു കെ രാഘവൻ മാസ്റ്റർ രചിച്ച  കവിത സംഗീതാദ്ധ്യാപികയായ ദിവ്യ കിരണും ആലപിച്ചു . അനുസ്മരണ  സമ്മേളനത്തിൽ കലാമണ്ഡലം ബാല സുബ്രഹ്മണ്യൻ ,കലാ ഗവേഷകനായ കെ.കെ. മാരാർ, ചരിത്രകാരൻ  ഡോ. എം.ആർ രാഘവവാരിയർ, ഗുരുവിൻ്റെ സതീർഥ്യനായ ശിവദാസ് ചേമഞ്ചേരി , യു.കെ. രാഘവൻ, ഡോ. എൻ.വി. സദാനന്ദൻ, അഞ്ജലി സാരംഗി എന്നിവർ അനുസ്മരണ ഭാഷണം നടത്തി.  കഥകളി വിദ്യാലയം പ്രസിഡണ്ട് വിജയരാഘവൻ ചേലിയ അദ്ധ്യക്ഷത വഹിച്ചു. സിക്രട്ടരി  പ്രശോഭ് ജി സ്വാഗതവും, പി ടി എ പ്രസിഡണ്ട്  മനോജ് ഇഗ്ളു നന്ദിയും പറഞ്ഞു.

കൊയിലാണ്ടി: കൊയിലാണ്ടിയിൽ ആവേശം വാരി വിതറി എൻ.ഡി.എ.സ്ഥാനാർത്ഥി എൻ.പി.രാധാകൃഷ്ണൻ കൊയിലാണ്ടിയിൽ റോഡ് ഷോ നടത്തി. നൂറ് കണക്കിനാളുകൾ പങ്കെടുത്തു, ഈസ്റ്റ് റോഡിൽ നിന്നും ആരംഭിച്ച് നഗരം ചുറ്റി തെരഞ്ഞെടുപ്പ് കമ്മിറ്റി ഓഫീസിൽ സമാപിച്ചു, എസ്.ആർ.ജയ്കി ഷ്, ഉണ്ണികൃഷ്ണൻ മുത്താമ്പി, അഡ്വ.വി.സത്യൻ, വായനാരി വിനോദ് ,വി.കെ.മുകുന്ദൻ, കെ.പി.മോഹനൻ, എസ്.അതു ൽ..കെ.പി.എൽ മനോജ്, വി.കെ.ജയൻ, ഒ.മാധവൻ, അഭിൻ അശോക്, തുടങ്ങിയവർ നേതൃത്വം നൽകി.

കൊയിലാണ്ടി: സി.പി.എം.ഭരണത്തിൽ പൊതുകടം വർധിച്ചതല്ലാതെ നാടിന് വേണ്ടി എന്ത് ചെയ്തു വെന്ന് പറയാനാ വാതെ പിണറായി സർക്കാർ നട്ടം തിരിയുകയാണെന്ന് എം.കെ. രാഘവൻ എം.പി. പറഞ്ഞു. കൊയിലാണ്ടിയിലെ യു.ഡി.എഫ്. സ്ഥാനാർഥി എൻ. സുബ്രഹ്മണ്യനെ വിജയിപ്പിക്കണമെന്ന സന്ദേശവു മായി യൂത്ത് ലീഗ് നിയോജക മണ്ഡലം കമ്മിറ്റി നടത്തിയ യുവ യാത്ര സംഗമം ഉദ്ഘാടനം ചെയ്ത് സംസാരി ക്കുകയായിരുന്നു അദ്ദേഹം. കരയിലെ മുഴുവൻ സമ്പത്തും കൊള്ളടിച്ച ശേഷം കടൽ പോലും വിൽക്കാനും ഇവർ മടിച്ചില്ല. ഇന്ത്യയിലെ അവസാനത്തെ കമ്മ്യൂണിസ്റ്റ് മുഖ്യമന്ത്രിയാവണമെന്ന വാശിയിലാണ് പിണറായി വിജയൻ – രാഘവൻ പറഞ്ഞു. രണ്ടിടങ്ങളിൽ നിന്നാരംഭിച്ച യുവ യാത്ര കൊയിലാണ്ടി സ്റ്റേഡിയത്തിൽ സമാപിച്ചു. വടക്കൻ ജാഥ പയ്യോളിയിൽ നിന്നും തെക്കൻ ജാഥ കാട്ടിലെ പീടികയിൽ നിന്നുമാണ്  തുടങ്ങിയത്. നൂറു കണക്കിന് യുവാക്ക ളാണ്  കാൽനടയായെത്തിയത്. സമാപന പൊതുയോഗത്തിൽ സമദ് നടേരി അധ്യക്ഷനായി. സ്ഥാനാർഥി എൻ. സുബ്രഹ്മണ്യൻ, ഇസ്മായിൽ വയനാട്,  ടി.ടി.  ഇസ്മായി ൽ, വി.പി. ഇബ്രാഹിം കുട്ടി, സമദ് പൂക്കാട്,  അലി കൊയിലാണ്ടി, എസ്.എം. ബാസിത്ത് തുടങ്ങിയവർ സംസാരിച്ചു.ജാഥയ്ക്ക് ഒ.കെ. ഫൈസൽ, ആസിഫ് കലാം, ടി.സി. നിസാർ, കെ.കെ. റിയാസ്, കെ.എം. ഷമീം, റഫീക്ക്‌, സുനൈദ്, ഫാസിൽ നടേരി, യഹിയ കോവുമ്മൽ, ഫസൽ പനായി, ഷഫീക്ക് കരേക്കാട്, നിസാർ മാടാക്കര തുടങ്ങിയവർ നേതൃത്വം നൽകി.

കൊയിലാണ്ടി :ഏപ്രിൽ 8, 9, 10, 11 തിയ്യതികളിൽ നടക്കുന്ന ചരിത്ര പ്രസിദ്ധമായ കൊല്ലം പാറപ്പള്ളി മഖാം ഉറൂസിനോടാനുബന്ധിച്ചുള്ള സ്വാഗത സംഘം ഓഫീസിന്റെ ഉദ്ഘാടനം കോഴിക്കോട് വലിയ ഖാളി  സയ്യിദ് മുഹമ്മദ്‌ കോയ ജമലുല്ലൈലി തങ്ങൾ നിർവ്വഹിച്ചു.
കൊല്ലം മഹല്ല് നാഇബ് ഖാളി മുഹമ്മദ്‌ സബറത്ത് റഹ്‌മാനി, മഹല്ല് പ്രസിഡന്റ് സിദ്ദീഖ് കൂട്ടുമ്മുഖം, മൊയ്തു ഹാജി മൊകേരി, അൻസാർ കൊല്ലം, എം. കെ. അബ്ദുൽ ഗഫൂർ, മുഹമ്മദ്‌ ദാരിമി, ടി. ടി. കെ. അഷ്‌റഫ്‌ തുടങ്ങിയവർ സംബന്ധിച്ചു.

കൊയിലാണ്ടി ഗവ: വൊക്കേഷണൽ ഹയർ സെക്കണ്ടറി സ്കൂളിൽ ശാസ്ത്ര പ്രതിഭയും മുൻ രാഷ്ട്രപതിയുമായ എ പി ജെ അബ്ദുൾ കലാമിന്റെ അർദ്ധ കായ പ്രതിമ സ്ഥാപിച്ചു. ഈ സ്കൂളിലെ കലാദ്ധ്യാപകനായ കെ റജികുമാർ ആണ് ശില്പം നിർമ്മിച്ചത്. മികച്ച ശില്പി കൂടിയാണ് ഈ അദ്ധ്യാപകൻ. സർവ്വീസിൽ നിന്നു ഈ വർഷം പിരിയുന്ന പ്രധാനാദ്ധ്യാപിക പി ഉഷാകുമാരിയാണ് ശില്പം സ്കൂളിന് സംഭാവനയായി നൽകിയത്. പി ടി എ പ്രസിഡണ്ട് അഡ്വ.പി പ്രശാന്ത് അനാച്ഛാദന കർമ്മം നിർവ്വഹിച്ചു. വിദ്യാർത്ഥികൾ മഹാന്മാരെ അറിയുക എന്ന പഠനപ്രവർത്തനമാണ് ഇതു വഴി ലക്ഷ്യം വെക്കുന്നതെന്ന് ശില്പി പറഞ്ഞു.വടകര ഡി ഇ ഒ സി കെ വാസു മുഖാതിഥി ആയിരുന്നു. വൈസ് പ്രസിഡണ്ടുമാരായ വി സുചീന്ദ്രൻ, എ പ്രഭാകരൻ, പി വൽസല , എം ജി പ്രസന്ന, എൻ.കെ. വിജയൻ ,ശ്രീലാൽ പെരുവെട്ടൂർ തുടങ്ങിയവർ സംസാരിച്ചു.

കൊയിലാണ്ടി: എൻ.ഡി.എ.സ്ഥാനാർത്ഥി എൻ.പി.രാധാകൃഷ്ണൻ്റെ തെരഞ്ഞെടുപ്പ് കൺവെൻഷൻ ജില്ലാ വൈ. പ്രസി. എം.സി.ശശീന്ദ്രൻ ഉൽഘാടനം ചെയ്തു  ശബരിമലവിഷയത്തിൽ വിശ്വാസികളെ മുന്നിൽ നിന്നു കുത്തിയ എൽ.ഡി.എഫിനെയും, പിന്നിൽ നിന്ന് കുത്തിയ യു.ഡി.എഫിനെയും വിശ്വാസികൾ പാഠം പഠിപ്പിക്കുമെന്നും എൻ.ഡി.എ. കേരളത്തിൽ വൻ ശക്തിയാവുമെന്നും മുഖ്യ പ്രഭാഷണം നടത്തിയ. ഉത്തരമേഖലാ വൈ: പ്രസി ടി.വി.ഉണ്ണികൃഷ്ണൻ പറഞ്ഞു. എസ്. ആർ.ജയ് കിഷ് അദ്ധ്യക്ഷത വഹിച്ച യോഗത്തിൽ ജില്ലാ ട്രഷറർ വി.കെ.ജയൻ, അഡ്വ.വി.സത്യൻ, എ.പി.രാമചന്ദ്രൻ – വി.കെ.ഉണ്ണിക്കൃഷ്ണൻ, ,എൻ.വി.ഗോപിനാഥ്, വയനാരി വിനോദ് ,ഉണ്ണികൃഷ്ണൻ മുത്താമ്പി,.ടി.കെ.പത്മനാഭൻ ,കെ.പി.മോഹനൻ, സ്മിതാലക്ഷ്മി ടീച്ചർ, വി.കെ.മുകുന്ദൻ, യു.പി. ജയാനന്ദൻ (കാമരാജ് കോൺഗ്രസ്) തുടങ്ങിയവർ സംസാരിച്ചു. തെരഞ്ഞെടുപ്പ് കമ്മിറ്റി ഭാരവാഹികളായി വയനാരി വിനോദ് (ചെയർമാൻ) എസ്.ആർ.ജയ് കിഷ് (ജന. ‘ കൺവീനർ) ഒ.മാധവൻ ട്രഷറർ) എന്നിവരടങ്ങിയ 251 അംഗ കമ്മിറ്റി രൂപീകരിച്ചു.

കൊയിലാണ്ടി: എൻ.ഡി.എ.സ്ഥാനാർത്ഥി.എൻ.പി.രാധാകൃഷ്ണൻ നാമനിർദേശ പത്രിക സമർപ്പിച്ചു. അസി.റിട്ടേണിംഗ് ഓഫീസറായ പന്തലായനി ബ്ലോക്ക് പഞ്ചായത്ത് സെക്രട്ടറി കെ ഫത്തീല മുൻപാകെയാണ് നാമനിർദേശ പത്രിക സമർപ്പിച്ചത് .കൊയിലാാണ്ടി സ്റ്റേേഡിയത്തിൽ നിന്നും പ്രകടനമായാണ് നാമനിർദേശ പത്രിക.സമർപ്പണത്തിനായി എത്തിയത്. നേതാക്കളായ എസ്.ആർ.ജയ് കിഷ്, അഡ്വ.വി.സത്യൻ, വായനാരി വിനോദ് ,ഏ പി.രാമചന്ദ്രൻ , വി.കെ.ജയൻ, കെ.വി.സുരേഷ്, ഉണ്ണികൃഷ്ണൻ മുത്താമ്പി, എം.സി.ശശീന്ദ്രൻ ,വി.കെ.മുകുന്ദൻ, വി.കെ.രാമൻ, പി.കനക ,എസ്.അതുൽ , അഡ്വ.എൻ.അജീഷ് ,തുടങ്ങിയവരും സ്ഥാനാർത്ഥിയോടൊപ്പം ഉണ്ടായിരുന്നു.

കൊയിലാണ്ടി: ഐക്യ ജനാധിപത്യ മുന്നണി സ്ഥാനാർത്ഥി എൻ. സുബ്രഹ്മണ്യൻ നാമനിർദ്ദേശ പത്രിക സമർപ്പിച്ചു. അസി.റിട്ടേണിംഗ് ഓഫീസറായ പന്തലായനിബ്ലോക്ക് പഞ്ചായത്ത് സെക്രട്ടറി കെ. ഫത്തീല മുൻപാകെയാണ് പത്രികാ സമർപ്പണം നടത്തിയത്. ഡി.സി.സി. പ്രസിഡൻ്റ് യു. രാജീവൻ, ടി.ടി. ഇസ്മായിൽ, .യു.ഡി.എഫ്. തിരഞ്ഞെടുപ്പു കമ്മറ്റി മണ്ഡലം ചെയർമാൻ മഠത്തിൽ അബ്ദുറഹിമാൻ,  വി.പി. ഭാസ്കരൻ എന്നിവർക്കൊപ്പമാണ് പത്രിക സമർപ്പിച്ചത്. യു.ഡി.എഫ്. നേതാക്കളായ  സി.വി. ബാലകൃഷ്ണ ൻ, പി. രത്നവല്ലി, മഠത്തിൽ നാണു,  രാജേഷ് കീഴരിയൂർ, പടന്നയിൽ പ്രഭാകരൻ,   അക്ഷയ് പൂക്കാട്, വി.പി. ഇബ്രാഹിം കുട്ടി, പി. ബാലകൃഷ്ണൻ, ഇ.ടി. പത്മനാാഭൻ, കെ.പി. വിനോദ് കുമാർ തുടങ്ങിവർ ക്കൊപ്പമാണ്  പത്രിക സമർപ്പണ ത്തിനെത്തിയത്.

കൊയിലാണ്ടി: എൻ.ഡി.എ കൊയിലാണ്ടി നിയോജക മണ്ഡലം സ്ഥാനാർത്ഥിയുടെ തെരഞ്ഞെടുപ്പ് കമ്മിറ്റി ഓഫീസ് കൊയിലാണ്ടി പഴയ ആർ .ടി.ഒ.ഓഫീസിനു സമീപത്തെ കെട്ടിടത്തിൽ പ്രവർത്തനം തുടങ്ങി. . കൊല്ലം പിഷാരികാവ് ക്ഷേത്രം മുൻ മേൽശാന്തി നാരായണൻ മൂസ്സത് ദീപം കൊളുത്തി ചടങ്ങ് നിർവ്വഹിച്ചത്. നിയോജക മണ്ഡലം പ്രസിഡണ്ട് എസ്.ആർ.ജയ് കിഷ്, സ്റ്റേ, റ്റ് കമ്മിറ്റി മെംബർ അഡ്വ.വി.സത്യൻ, വായനാരി വിനോദ് , ജില്ലാ ട്രഷറർ വി.കെ.ജയൻ, ഉണ്ണികൃഷ്ണൻ മുത്താമ്പി,എം.സി.ശശീന്ദ്രൻ , കെ.വി.സുരേഷ്, സ്ഥാനാർത്ഥി എൻ.പി.രാധാകൃഷ്ണൻ , ,എ .പി .രാമചന്ദ്രൻ ,ഒ.മാധവൻ, കെ.പി.മോഹനൻ, വി.കെ.മുകുന്ദൻ, കെ.പി.എൽ.മനോജ്, സംബന്ധിച്ചു.

കൊയിലാണ്ടി: എൻ.ഡി.എ.സ്ഥാനാർത്ഥി എൻ.പി.രാധാകൃഷ്ണൻ ‘ പയ്യോളിയിൽ പര്യടനം നടത്തി. ബലിദാനി സി.ടി.മനോജിൻ്റെ ബലികുടീരത്തിൽ പുഷ്പാർച്ചന നടത്തികൊണ്ടാണ് പ്രചരണം ആരംഭിച്ചത്.തുടർന്ന് പ്രമുഖരായ വ്യക്തികളെയും, പ്രവർത്തകരെയും കണ്ട് വോട്ടഭ്യർത്ഥിച്ചു.കൂടാതെ അയനിക്കാട്, നൃത്തകലാലയം, മൂടാടി, തിക്കോടി മേഖലകളിലും പര്യടനം നടത്തി. കെ.വി.സുരേഷ്,എസ്.ആർ.ജയ് കാഷ്, അഡ്വ.വി.സത്യൻ, വിശ്വൻപിലാച്ചേരി, എം.സി.ശശീന്ദ്രൻ ,അതുൽ എസ്, പി.പി.സന്തോഷ്, അംബികാ ഗിരിവാസൻ ,സതീശൻ, ഒ.ബി.സി. മോർച്ച നിയോജക മണ്ഡലം പ്രസിഡണ്ട് സതീശൻ മൊച്ചേരി തുടങ്ങിയവരും പങ്കെടുത്തു.

കൊയിലാണ്ടി: ഇടതുപക്ഷ ജനാധിപത്യ മുന്നണി സ്ഥാനാർത്ഥി കാനത്തിൽ ജമീല നാമനിർദ്ദേശ പത്രിക സമർപ്പിച്ചു. അസി.റിട്ടേണിംഗ് ഓഫീസറായ പന്തലായനിബ്ലോക്ക് പഞ്ചായത്ത് സെക്രട്ടറി കെ ഫത്തീല മുൻപാകെയാണ് പത്രികാ സമർപ്പണം നടത്തിയത്. കെ ദാസൻ എം എൽ എ, എൽ ഡി എഫ് തെരഞ്ഞെടുപ്പു കമ്മറ്റി മണ്ഡലം ചെയർമാൻ എം പി ശിവാനന്ദൻ എന്നിവർക്കൊപ്പമാണ് പത്രിക സമർപ്പിച്ചത്. മണ്ഡലത്തിലെ ആദ്യ പത്രികാസമർപ്പണമാണിത്. എൽ ഡി എഫ് തെരഞ്ഞെടുപ്പു കമ്മറ്റി ഓഫീസിൽ നിന്ന് നേതാക്കളും പ്രവർത്തകരുമായി നൂറുകണക്കിനാളുകളുടെ അകമ്പടിയോടെ പ്രകടനമായി എത്തിയാണ്‌ പത്രിക സമർപ്പിച്ചത്.

തിരുവനന്തപുരം: കഥകളി രംഗത്ത് പ്രതിഭ കൊണ്ടും പ്രതിബദ്ധത കൊണ്ടും വിസ്മയം തീർത്ത കലാകാരനായിരുന്നു ഗുരു ചേമഞ്ചേരിയെന്ന് മുഖ്യമന്ത്രി പിണറായി വിജയന്. കഥകളിയിലെ അതുല്യ ഗുരുവായ ചേമഞ്ചേരിയുടെ വിയോഗത്തിൽ മുഖ്യമന്ത്രി അഗാധമായ ദുഃഖം രേഖപ്പെടുത്തി. കഥകളിയുടെ പ്രചാരത്തിനും ഇളംതലമുറയെ കഥകളി പരിശീലിപ്പിക്കുന്നതിനും ജീവിതം സമര്പ്പിച്ച കലാകാരനായിരുന്നു ഗുരു. 1945-ല് തലശ്ശേരിയില് സ്ഥാപിച്ച നാട്യ വിദ്യാലയം ഉത്തര കേരളത്തിലെ ആദ്യ നൃത്ത വിദ്യാലയമായിരുന്നു. പിന്നീട് ഒരുപാട് കലാ സ്ഥാപനങ്ങള് അദ്ദേഹം പടുത്തുയര്ത്തി. അനേകം കഥകളി -നൃത്തവിദ്യാലയങ്ങള്ക്ക് പിന്തുണ നല്കി. കഥകളിയെ ജനങ്ങളിലെത്തിക്കാന് വിദ്യാലയങ്ങള്തോറും കഥകളി അവതരിപ്പിച്ചു. കുട്ടികളില് കഥകളി ആസ്വാദനശേഷി ഉണ്ടാക്കാന് ഇത്രയധികം പ്രയത്നിച്ച മറ്റൊരു കലാകാരനില്ല.

ശിഷ്യസന്പത്തിന്‍റെ കാര്യത്തിലും ഗുരു അദ്വിതീയന് തന്നെ. അദ്ദേഹം പഠിപ്പിച്ച്‌ അനുഗ്രഹിച്ച കലാകാരന്മാര് ഇന്ന് കേരളത്തിലെമ്ബാടും ഗുരുക്കന്മാരായി പുതുതലമുറയെ പരിശീലിപ്പിച്ചുകൊണ്ടിരിക്കുന്നു. മോഹിനിയാട്ടം, ഭരതനാട്യം തുടങ്ങിയ ശാസ്ത്രീയ നൃത്തങ്ങളിലും തലയെടുപ്പുളള ഗുരുവാണ് ചേമഞ്ചേരി. നൂറു വയസ്സ് പിന്നിട്ടശേഷവും അരങ്ങില് ഉറച്ച ചുവടുകള് വെച്ച അദ്ദേഹത്തെ വിസ്മയത്തോടെയാണ് കേരളം കണ്ടത്. കഥകളി ആചാര്യന് എന്ന നിലയില് മാത്രമല്ല, മഹാനായ മനുഷ്യസ്നേഹി എന്ന നിലയിലും കേരളം ഗുരു ചേമഞ്ചേരി കുഞ്ഞിരാമന് നായരുടെ സംഭാവനകള് എന്നും സ്മരിക്കുമെന്ന് മുഖ്യമന്ത്രി പറഞ്ഞു.

കൊയിലാണ്ടി: കഥകളിയാചാര്യനും നൃത്തഅധ്യാപകനുമായ ഗുരു ചേമഞ്ചേരി കുഞ്ഞിരാമൻനായർ അന്തരിച്ചു. 105 വയസായിരുന്നു. പുലർച്ചെ നാലോടെ കോഴിക്കോട് കൊയിലാണ്ടി ചേലിയയിലെ വീട്ടിലാണ് അന്ത്യം.കഥകളിക്കായി മാറ്റിവെച്ച ജീവിതമായിരുന്നു അദ്ദേഹത്തിന്റേത്. ഭരതനാട്യം, കേരള നടനം എന്നീ കലാരൂപങ്ങളിലും പ്രാവീണ്യമുണ്ടായിരുന്നു. 15 വയസുമുതൽ കഥകളി രംഗത്തുള്ള അദ്ദേഹത്തെ പത്മശ്രീ പുരസ്കാരം, വയോജന ശ്രേഷ്ഠ പുരസ്കാരം. കലാമണ്ഡല പുരസ്കാരം, ഉള്പ്പെടെ നിരവധി അംഗീകാരങ്ങൾ തേടിയെത്തി. കഥകളിയിലെ തെക്ക്- വടക്ക് സമ്പ്രദായങ്ങളെയും ഭരതനാട്യത്തിലെയും മറ്റും ചില ഘടകങ്ങളെയും സമന്വയിപ്പിച്ച് തന്റേതായ ശൈലി അദ്ദേഹം രൂപപ്പെടുത്തിയിരുന്നു.

കൊയിലാണ്ടി: പൊയിൽക്കാവ്. പൊയിൽക്കാവ് ക്ഷേത്രോത്സവം സുരക്ഷാ മാനദണ്ഡങ്ങൾ പാലിച്ച് കലാപരിപാടികൾ ഒഴിവാക്കി പതിവ് ചടങ്ങുകൾ മാത്രമാക്കി നടത്താൻ തീരുമാനിച്ചു. പഞ്ചായത്ത് ഓഫീസിൽ വിളിച്ചു ചേർത്ത പോലീസ്, റവന്യൂ, ഫയർ, ആരോഗ്യവിഭാഗം ഉദ്യോഗസ്ഥരും ക്ഷേത്ര ആഘോഷകമ്മിറ്റി ഭാരവാഹികൾ, രാഷ്ട്രീയ പാർട്ടി പ്രതിനിധികൾ എന്നിവരുടെ സംയുക്ത യോഗത്തിലാണ് തീരുമാനമായത്. കോവിഡ് പ്രോട്ടോക്കോൾ പാലിച്ച് കൊണ്ട് മുഴുവൻ ആളുകളുടെ സഹകരണം അഭ്യർത്ഥിച്ചിട്ടുണ്ട്.

യോഗത്തിൽ പഞ്ചായത്ത് പ്രസിഡണ്ട് ഷീബ മലയിൽ അധ്യക്ഷതവഹിച്ചു. വൈസ് പ്രസിഡണ്ട് പി. വേണു, സ്റ്റാന്റിംഗ് കമ്മിറ്റി ചെയർമാന്മാരായ ബേബി സുന്ദർരാജ്, ഗീത കാരോൽ, ബിന്ദു, പഞ്ചായത്തംഗം രമേശൻ മറ്റ് രാഷ്ട്രീയ പാർട്ട് പ്രതിനിധികൾ തുടങ്ങിയവർ സംബന്ധിച്ചു.

കൊ​യി​ലാ​ണ്ടി: ഇ​ട​തു​മു​ന്ന​ണി സ്ഥാ​നാ​ര്‍​ത്ഥി കാ​ന​ത്തി​ല്‍ ജ​മീ​ല തെ​ര​ഞ്ഞെ​ടു​പ്പ് പ്ര​ചാ​ര​ണം തു​ട​ങ്ങി. കാ​ന​ത്തി​ല്‍ ജ​മീ​ല വി​വി​ധ കേ​ന്ദ്ര​ങ്ങ​ള്‍ സ​ന്ദ​ര്‍​ശി​ച്ച്‌ വോ​ട്ട് അ​ഭ്യ​ര്‍​ഥി​ച്ചു. കാ​പ്പാ​ട് ക​നി​വ് സ്നേ​ഹ​തീ​രം അ​ന്തേ​വാ​സി​ക​ളെ കാ​ന​ത്തി​ല്‍ ജ​മീ​ല സ​ന്ദ​ര്‍​ശി​ച്ചു. പ​ന്ത​ലാ​യ​നി ബ്ലോ​ക്ക് പ​ഞ്ചാ​യ​ത്ത് പ്ര​സി​ഡണ്ട് പി. ​ബാ​ബു​രാ​ജ്, ചേ​മ​ഞ്ചേ​രി പ​ഞ്ചാ​യ​ത്ത് പ്ര​സി​ഡണ്ട് സ​തി കി​ഴ​ക്ക​യി​ല്‍, ടി.​വി. ച​ന്ദ്ര​ഹാ​സ​ന്‍, സ​തീ​ഷ് ച​ന്ദ്ര​ന്‍, സ​ലാം കാ​ക്ക​ച്ചി​ക​ണ്ടി, പി.​ബ​ഷീ​ര്‍ എ​ന്നി​വ​രും കൂ​ടെ​യു​ണ്ടാ​യി​രു​ന്നു.

കൊയിലാണ്ടി: രണ്ടാം ശനിയാഴ്ചയും ഞായറാഴ്ച പൊതു അവധിയും തിങ്കൾ ചൊവ്വ ദിവസങ്ങളിലെ ബാങ്ക് ജീവനക്കാരുടെ അഖിലേന്ത്യാ പണിമുടക്കും നടക്കുന്നതിനാൽ തുടർച്ചയായ 4 ദിവസങ്ങളിലാണ് ബാങ്കിംഗ് മേഖല നിശ്ചലമാകുക. ജീവനക്കാരുടെ ഐക്യ വേദിയുടെ നേതൃത്വത്തിലാണ് രണ്ട് ദിവസം രാജ്യ വ്യാപകമായി പണിമുടക്കുന്നത്. മിക്ക ബാങ്കുകളിലും ഭൂരിഭാഗം ജീവനക്കാരും പണിമുടക്കുന്നതോടെ മേഖല പൂർണ്ണമായും നിശ്ചലമാകുമെന്നാണ് അറിയുന്നത്. ഇടപാടുകാർ നന്നെ വിഷമത്തിലാകുമെന്നാണ് കണക്ക്കൂട്ടൽ എ.ടി.എം. കൗണ്ടറിൽ മതിയായ പണം ഇല്ലാതാകുന്നതോടെ ജനങ്ങൾ വലിയതോതിൽ പ്രയാസം നേരിടും.

കൊയിലാണ്ടി: മഹാശിവരാത്രി ക്ഷേത്രങ്ങളിൽ ഭക്തജന തിരക്ക്.ദക്ഷിണകാശി എന്നറിയപ്പെടുന്ന കാഞ്ഞിലശ്ശേരി ക്ഷേത്രത്തിൽ ശിവരാത്രി ദിവസമായ ഇന്ന് വൻ തിരക്കാണ് രാവിലെ കാഴ്ചശീവേലി, വൈകീട്ട് മലക്കെഴുന്നള്ളിപ്പ്, ആലിൻകീഴ് മേളം, തായമ്പക, രാത്രി കുളിച്ചാറോട്ടോടെ ഉൽസവം സമാപിക്കും. മാരാമുറ്റം തെരു മഹാ ഗണപതി ക്ഷേത്രത്തിൽ ശിവരാത്രി മഹോത്സവത്തിൻ്റെ ഭാഗമായി രാവിലെ ശീവേലി എഴുന്നള്ളിപ്പ് നടന്നു. പന്തലായനി ശിവക്ഷേത്രം, മേലൂർ ശിവക്ഷേത്രം കൊരയങ്ങാട് തെരു മഹാഗണപതി ക്ഷേത്രം, പഴയ തെരു ഗണപതി ക്ഷേത്രം, തുടങ്ങിയ ക്ഷേത്രങ്ങളിലും. ശിവരാത്രിയുടെ ഭാഗമായി വിവിധ പൂജകളും, രാത്രി എഴുനള്ളിപ്പും ഉണ്ടായിരിക്കും.

കൊയിലാണ്ടി : കീഴരിയൂർ തിയേറ്റർ വില്ലേജിൻ്റെ ആഭിമുഖ്യത്തിൽ സാംസ്കാരികോൽസവമായി സംഘടിപ്പിച്ച ‘ഊരുൽസവം-2021’ എഴുത്തുകാരനും പ്രമുഖ പ്രഭാഷകനുമായ എം.ജെ.ശ്രീചിത്രൻ ഉദ്ഘാടനം ചെയ്തു.മാലത്ത് നാരായണൻ സ്മാരക സാഹിത്യ അവാർഡ് നേടിയ കൊച്ചിൻ സർവകലാശാല അസി. ലൈബ്രേറിയൻ കെ.രതീഷിനുള്ള അവാർഡ്‌ സമർപ്പണം എം.ജെ ശ്രീചിത്രൻ നിർവഹിച്ചു. സംഘാടക സമിതി ചെയർമാൻ എം.ജി.ബൽരാജ് അധ്യക്ഷത വഹിച്ചു.ജില്ലാ പഞ്ചായത്ത് വൈസ് പ്രസിഡണ്ട് എം.പി.ശിവാനന്ദൻ, മേലടി ബ്ലോക്ക് പഞ്ചായത്ത് പ്രസിഡണ്ട് കെ.പി.ഗോപാലൻ നായർ, കീഴരിയൂർ ഗ്രാമ പഞ്ചായത്ത് പ്രസിഡണ്ട് കെ.കെ.നിർമല, ബ്ലോക്ക് മെമ്പർ സുനിതാ ബാബു, ഗ്രാമ പഞ്ചായത്ത് അംഗങ്ങളായ മാലത്ത് സുരേഷ്, നിഷവല്ലിപ്പടിക്കൽ, ഫൗസിയ കുഴുമ്പിൽ, എൻ.എം.സവിത, കുറുമയിൽ ജലജ, കെ.സി.രാജൻ, അമൽ സരാഗ, ഇ.എം.മനോജ്, കലാഭവൻ മണി പുരസ്കാരം നേടിയ നാടൻപാട്ട് വിദഗ്ധൻ കെ.ടി. ബാബു എന്നിവരെ ചടങ്ങിൽ ആദരിച്ചു.സജീവ് കീഴരിയൂർ, ബി.ഡലീഷ് എന്നിവർ പ്രസംഗിച്ചു. സംഘാടക സമിതി കൺവീനർ കണ്ണോത്ത് പ്രകാശൻ സ്വാഗതവും പി.കെ.ഷാജി നന്ദിയും പറഞ്ഞു.

കൊയിലാണ്ടി: തെരുവ് വിളക്കുകൾ കത്തിക്കാതെ നാടും നഗരവും ഇരുട്ടിലാഴ്ത്തിയ നഗരസഭയുടെ അനാസ്ഥക്കെതിരെ യു.ഡി.എഫ് കൗൺസിൽ പാർട്ടിയുടെ നേതൃത്വത്തിൽ നഗരസഭയിലേക്ക് മാർച്ചും പ്രതിഷേധ ധർണ്ണയും നടത്തി. മാസങ്ങളോളമായി നഗരസഭാ പരിധിയിൽ തെരുവ് വിളക്കുകൾ കണ്ണടച്ചിരിക്കുകയാണ്.  തെരുവ് വിളക്കുകൾ റിപ്പയർ ചെയ്യുന്നതിനായി ലക്ഷക്കണക്കിന് രൂപയാണ് നഗരസഭ ചെലവഴിക്കുന്നത് എന്ന് പറയുമ്പോഴും കൊയിലാണ്ടി പട്ടണം ഇരുട്ടിൽ തന്നെയാണ്. കരാറുകാരുമായുള്ള എ.എം.സി പുതുക്കുന്നതുമായി ബന്ധപ്പെട്ട സാങ്കേതിക കാരണങ്ങൾ പറഞ്ഞാണ് നഗരസഭ ഈ അനാസ്ഥ തുടരുന്നത്.

കെൽട്രോൺ കമ്പനിയുമായി കരാർ നിലനിൽക്കുമ്പോഴും തകരാറിലായ ലൈറ്റുകൾ റിപ്പയർ ചെയ്യാൻ ബന്ധപ്പെട്ട അധികാരികൾ ശ്രമിച്ചിട്ടില്ല. തകരാറിലായ വിവിധ കമ്പനികളുടെ തെരുവ് വിളക്കുകൾ ഉടൻ റിപ്പയർ ചെയ്യാനുള്ള നടപടികൾ ഇനിയും ആരംഭിച്ചിട്ടില്ലെങ്കിൽ ശക്തമായ സമരപരിപാടികളുമായി യു.ഡി.എഫ് കൗൺസിലർമാർ മുന്നോട്ട് പോകുമെന്ന് പി.രത്നവല്ലിടീച്ചർ, വി.പി ഇബ്രാഹിം കുട്ടി എന്നിവർ അറിയിച്ചു.

പ്രതിഷേധ ധർണ്ണയിൽ കൗൺസിലർമാരായ കേളോത്ത് വൽസരാജ്, കെ.എം.നജീബ്, മനോജ് പയറ്റുവളപ്പിൽ, എ.അസീസ് മാസ്റ്റർ, രജീഷ് വെങ്ങളത്ത് കണ്ടി, ജമാൽ മാസ്റ്റർ, ഫക്രുദ്ധീൻ മാസ്റ്റർ, ഫാസിൽ.പി പി, ഷീബ അരീക്കൽ, കെ.ടി.വി.റഹ്മത്ത്, ഷൈലജ.കെ.കെ, സുമതി. കെ.എം, ജിഷ പുതിയെടത്ത് തുടങ്ങിയവർ സംബന്ധിച്ചു.

കൊയിലാണ്ടി: ജി.എസ്.പ്രദീപ്  കൊയിലാണ്ടിയിൽ അശ്വമേധം പരിപാടി വ്യാഴാഴ്ച വൈകീട്ട് 3 മണിക്ക് പുതിയ ബസ് സ്റ്റാന്റ് പരിസരത്ത് വെച്ചാണ് പരിപാടി നടക്കും.

ഡിവൈഎഫ്ഐ മുഖമാസികയായ യുവധാരയുടെ നേതൃത്വത്തിലാണ് പരിപാടി സംഘടിപ്പിക്കുന്നത്. കേരളപ്പെരുമ, യുവധയുടെ അശ്വമേധം എന്ന പേരിലാണ് പരിപാടി.

കേരളത്തിലെ തിരഞ്ഞെടുക്കപ്പെട്ട 50 കേന്ദ്രങ്ങളിലാണ് പരിപാടി നടത്തുന്നത്. മാർച്ച് 1 ന് കോഴിക്കോട് വെച്ചാണ് അശ്വമേധത്തിന്റെ സംസ്ഥാന തല ഉദ്ഘാടനം നടന്നത്.

കൊയിലാണ്ടി: മുതിർന്ന കോൺഗ്രസ് നേതാവും കൊയിലാണ്ടി സ്പെഷ്യൽ ഗ്രേഡ് പഞ്ചായത്ത് മുൻ പ്രസിഡൻ്റുമായ പെരുവട്ടൂരിലെ വായനാരി രാമകൃഷ്ണൻ (85) അന്തരിച്ചു. കോൺഗ്രസ് ജില്ലാ സെക്രട്ടറി, ബ്ലോക്ക് – മണ്ഡലം കോൺഗ്രസ് പ്രസിഡൻ്റ്, കൊയിലാണ്ടി സർവ്വീസ് സഹകരണ ബാങ്ക് പ്രസിഡൻ്റ് തുടങ്ങിയ നിലകളിൽ പ്രവർത്തിച്ചിരുന്നു. പരേതരായ വായനാരി ഗോപാലൻ്റെയും മാണിക്യത്തിൻ്റെയും മകനാണ്. ഭാര്യ: സരോജിനി. മക്കൾ: രമ്യ (കൊയിലാണ്ടി സർവ്വീസ് സഹകരണ ബാങ്ക് മുചുകുന്ന് ശാഖ), രശ്മി (ജൂനിയർ അസി. ചെക്യാട് ഗ്രാമപഞ്ചായത്ത്). മരുമക്കൾ: അനീഷ് (എക്സൽ കോളേജ് വടകര), വിജേഷ് (ജില്ലാ പഞ്ചായത്തോഫീസ്, കണ്ണൂർ). സഹോദരങ്ങൾ: അശോകൻ (റിട്ട. കെ.എസ്.ആർ.ടി.സി), സോമൻ (റിട്ട. അധ്യാപകൻ), ചന്ദ്രമതി, ശാന്തകുമാരി, രമണി.

കോഴിക്കോട്: കോഴിക്കോട് ജില്ലയിലെ സിപിഐഎം സ്ഥാനാര്‍ത്ഥികളുടെ സാധ്യതാപട്ടിക തയ്യാറാക്കി ജില്ലാ സെക്രട്ടേറിയറ്റ്. സിറ്റിങ് എംഎല്‍എമാരെയടക്കം പരിഗണിച്ചാണ് സാധ്യതാപട്ടിക. കൊയ്‌ലാണ്ടിയില്‍ കെ ദാസന്‍, പേരാമ്പ്രയില്‍ ടിപി രാമകൃഷ്ണന്‍, കോഴിക്കോട് നോര്‍ത്തില്‍ എ പ്രദീപ് കുമാര്‍ എന്നിവരെയാണ് സിറ്റിങ് സീറ്റുകളില്‍ പരിഗണിക്കുന്നത്.

പേരാമ്പ്രയില്‍ ജില്ലാ സെക്രട്ടറി പി മോഹനന്റെയും കൊയ്‌ലാണ്ടിയില്‍ എ മഹബൂബിന്റെയും പേരുകള്‍ക്കൂടി സാധ്യതാപ്പട്ടികയിലുണ്ട്. ബേപ്പൂരില്‍ വികെസി മുഹമ്മദ് കോയക്ക് പകരം ഡിവൈഎഫ്‌ഐ അഖിലേന്ത്യാ അധ്യക്ഷന്‍ പിഎം മുഹമ്മദ് റിയാസിന്റെ പേരാണ് സാധ്യതാ പട്ടികയിലുള്ളത്.

ബാലുശ്ശേരിയില്‍ സച്ചിന്‍ ദേവിനാണ് സാധ്യത. കുറ്റ്യാടിയില്‍ കെപി കുഞ്ഞമ്മദ് കുട്ടിയെയും തിരുവമ്പാടി സീറ്റ് കേരള കോണ്‍ഗ്രസിന് നല്‍കേണ്ടന്ന തീരുമാനമാണ് സിപിഐഎമ്മിനുള്ളത്. ഗിരീഷ് ജോണിനെയാവും ഇവിടെ പാര്‍ട്ടി ഇറക്കുക. യുഡിഎഫ് വിട്ടെത്തിയ കേരള കോണ്‍ഗ്രസ് ജോസ് വിഭാഗത്തിന് തിരുവനമ്പാടി നല്‍കാന്‍ നേരത്തെ എല്‍ഡിഎഫില്‍ ആലോചനകള്‍ നടന്നിരുന്നെങ്കിലും വിട്ടുകൊടുക്കില്ലെന്ന നിലപാടായിരുന്നു സിപിഐഎമ്മിന്.

കോഴിക്കോട് നോര്‍ത്തില്‍ സംവിധായകന്‍ രഞ്ജിത്ത് പേര് ആദ്യഘട്ടത്തില്‍ ഉയര്‍ന്നിരുന്നെങ്കിലും എ പ്രദീപ് കുമാറിന് ഒരു അവസരം കൂടി നല്‍കാം എന്നാണ് ജില്ലാ നേതൃത്വത്തിന്റെ അഭിപ്രായം.

കൊയിലാണ്ടി: മേലൂർ മഹാ ശിവക്ഷേത്രത്തിനു മുൻവശത്തെ കുളത്തിൽ വിഗ്രഹം കണ്ടെത്തി പുറത്തെടുത്തു. നാല് അടിയോളം ഉയരമുള്ള വിഗ്രഹമാണ് പുറത്തെടുത്തത്. പുരാവസ്തു വകുപ്പ് ജീവനക്കാരുടെ നേതൃത്വത്തിൽ കുളത്തിൽ നടത്തിയ പരിശോധനയിലാണ് വിഗ്രഹം കണ്ടെത്തി പുറത്തെടുത്തത്.
വിഗ്രഹം തിരിച്ചറിയാനുള്ള പരിശോധന തുടരുകയാണ്. ഇത്തരത്തിലൊരു വിഗ്രഹം കുളത്തിൽ ഉണ്ട് എന്നത് കാലങ്ങളായി ഈ പ്രദേശത്തുകാർ പറഞ്ഞു വരുന്നതാണ്. പണ്ട് കാലത്ത്, 45 വർഷം മുമ്പ് വേനൽക്കാലമായാൽ കുളത്തിലെ വെള്ളം വറ്റാറുണ്ടായിരുന്നു. ആ സമയങ്ങളിൽ ഈ വിഗ്രഹത്തിൻ്റെ സിംഹഭാഗവും പുറത്ത് കാണാറുണ്ടായിരുന്നതായി ഇവിടുത്തെ പഴമക്കരായ നാട്ടുകാർ പറഞ്ഞു. തടർന്ന് 45 വർഷമായി കുറ്റാടി ഇറിഗേഷൻ്റെ കനാൽ വന്നതിന്ശേഷം കുളം വറ്റാതായതോടെയാണ് വിഗ്രഹത്തെപ്പറ്റി യാതൊരു സംസാരവും നാട്ടിൽ ഇല്ലാതായത്.

ഈ വിഗ്രഹവും വിശ്വാസവുമായി ബന്ധപ്പെട്ട നിരവധി കഥകളും ഇതിന്റെ പിറകിലുണ്ടെന്ന് പലരും പറയുന്നു. മേലൂർ ക്ഷേത്രത്തിന് സമീപം പൊളിഞ്ഞു വീഴാറായ മറ്റൊരു ക്ഷേത്രമുണ്ട്. അവിടുത്തെ പാത്തിക്കലപ്പൻ്റെ വിഗ്രഹമാണ് ഇതെന്നാണ് ചിലർ പറയുന്നത്. ഇത് ബുദ്ധന്റെയോ, ജൈനന്റെയോ ക്ഷേത്രമായിരുന്നു എന്ന് പറയുന്നവരുമുണ്ട്.

ചരിത്ര പണ്ഡിതൻ എം.ആർ. രാഘവ വാര്യർ സ്ഥലത്തെത്തി പ്രതിമ പരിശോധിച്ചു. ആരുടെ വിഗ്രഹമാണ് ഇതെന്നെ കൂടുതൽ പരിശോധനയിലൂടെ മാത്രമേ കണ്ടെത്താൻ കഴിയൂ എന്നാണ് പുരാവസ്തു ഗവേഷകർ പറയുന്നത്.
നന്തി ചെങ്ങോട്ട്കാവ് ബൈപ്പാസ് റോഡ് നിർമ്മാണത്തിനായി ഏറ്റെടുത്ത സ്ഥലത്താണ് കുളം സ്ഥിതി ചെയ്യുന്നത്. റോഡ് നിർമ്മാണത്തിന് മുന്നോടിയായി നാട്ടുകാരുടെയും, ക്ഷേത്ര കമ്മറ്റിക്കാരുടെയും ആവശ്യപ്രകാരമാണ് പുരാവസ്തു വകുപ്പ് സ്ഥലം പരിശോധിച്ച് വിഗ്രഹം പുറത്തെടുത്തത്.

കൊയിലാണ്ടി : സേവാഭാരതി ബാലുശ്ശേരിയിൽ ആരംഭിച്ച സേവാമെഡിസിൻസിന്റെ ഉദ്ഘാടനം സംപൂജ്യ ചിദാനന്ദപുരി സ്വാമികൾ നിർവ്വഹിച്ചു. എല്ലാ ബ്രാൻഡഡ് ഇംഗ്ലീഷ് മരുന്നുകളും 13% മുതൽ 60% വരെ വിലക്കുറവിൽ നൽകുന്ന ഈ സ്ഥാപനം എല്ലാ സർക്കാർ/സ്വകാര്യ ആശുപത്രികളിലെയും ശീട്ടുകളിലെ മരുന്നുകളും ലഭ്യമാക്കും. ജനങ്ങൾക്ക് കൂടുതൽ സഹായം എത്തിക്കുന്നതിനോടൊപ്പം മിച്ചം വരുന്ന തുക മറ്റ് സേവന പ്രവർത്തനങ്ങൾക്കുമായി മാറ്റിവെയ്ക്കുമെന്ന് ഭാരവാഹികള്‍ അറിയിച്ചു. അഡ്വ: വി സത്യൻ അദ്ധ്യക്ഷം വഹിച്ച ചടങ്ങിൽ സേവാഭാരതി സംസ്ഥാന സിക്രട്ടറി ഷാജകുമാർ സേവാ സന്ദേശം നൽകി സി.ശശിധരൻ, വി.സി വിജയൻ , കെ.വി ബാലൻ, അഹമ്മദ് കോയ മാസ്റ്റർ, കെ.പി സുരേഷ് ബാബു, ജാഫർ രാരോത്ത്, പി.ആർ രഘൂത്തമൻ ,ബീന കാട്ടുപറമ്പത്ത്, അനീഷ് അമ്പാടി, സുധാകരൻ മാസ്റ്റർ, വി.നാരായണകുമാർ, കെ.എം രാജീവൻ എന്നിവർ ആശംസകൾ നേർന്നു.രജി കെ.എം സ്വാഗതവും, കല്ലേരി മോഹനൻ നന്ദിയും പറഞ്ഞു.

കൊയിലാണ്ടി: കൊയിലാണ്ടിയില്‍ കൂൾബാറിന് തീപിടിച്ചു. രാവിലെ 11 മണിയോടുകൂടിയാണ് ബപ്പൻകാട് ജംങ്ഷനിലുള്ള ഓർമ കൂൾബാറിലെ ഗ്യാസ് സിലിണ്ടറിന് തീപിടിച്ചത്. ഉടൻതന്നെ കൊയിലാണ്ടി ഫയർഫോഴ്സിനെ വിവരം അറിയിക്കുകയായിരുന്നു. നിമിഷ നേരംകൊണ്ട് അസിസ്റ്റൻ്റ് സ്റ്റേഷൻ ഓഫീസർ കെ. സജീവൻ്റെ നേതൃത്വത്തിൽ എത്തി്ചചേർന്ന 2 യൂണിറ്റ് ഫയർഫോഴ്സ് സേനാംഗങ്ങൾ തീ കെടുത്താന്‍ ശ്രമങ്ങള്‍ തുടങ്ങുകയും. വലിയ അപകടമാണ് ഒഴിവാക്കി തീ അണക്കാന്‍ കഴിയും ചെയ്തു.

കൊയിലാണ്ടി: എൻ ജി ഒ യൂണിയൻ ഏരിയ കമ്മിറ്റി സംഘടിപ്പിച്ച കൂട്ട ധർണ്ണ സംസ്ഥാന കമ്മിറ്റി അംഗം എസ് ഗോപകുമാർ കൊയിലാണ്ടിയിൽ ഉദ്ഘാടനം ചെയ്തു. എൽ.ഡി.എഫ് സർക്കാറിന്റെ ജനപക്ഷ ബദൽ നയങ്ങൾക്ക് കരുത്ത് പകരുക, കേന്ദ്ര സർക്കാരിന്റെ ജനദ്രോഹ നയങ്ങൾക്കെതിരെ അണിനിരക്കുക, പി എഫ് ആർ ഡി എ നിയമം പിൻവലിക്കുക, പഴയ പെൻഷൻ പുന:സ്ഥാപിക്കുക തുടങ്ങിയ ആവശ്യങ്ങൾ ഉന്നയിച്ചു കൊണ്ടാണ് കേരള എൻ ജി ഒ യൂണിയൻ കൊയിലാണ്ടി ഏരിയ കമ്മിറ്റിയുടെ നേതൃത്വത്തിൽ ജീവനക്കാർ മിനി സിവിൽ സ്റ്റേഷനിൽ കൂട്ടധർണ്ണയും ആറ് ഓഫീസ് കേന്ദ്രങ്ങളിൽ പ്രകടനവും നടത്തിയത്.

ഏരിയ സെക്രട്ടറി എക്സ് ക്രിസ്റ്റിദാസ് സ്വാഗതം പറഞ്ഞു. പ്രസിഡന്റ് കെ മിനി അധ്യക്ഷയായി. ജില്ലാ സെക്രട്ടറിയേറ്റ് അംഗം എം പി ജിതേഷ് ശ്രീധർ സംസാരിച്ചു. വിവിധ ഓഫീസ് കേന്ദ്രങ്ങളിൽ ജില്ലാ കമ്മിറ്റി അംഗം സി ജി സജിൽ കുമാർ, ഭാരവാഹികളായ ഇ ഷാജു, എൻ കെ സുജിത്ത്, കെ ബൈജു, പി കെ അനിൽകുമാർ, കെ രജീഷ് എന്നിവർ സംസാരിച്ചു.

കൊയിലാണ്ടി:ആലപ്പുഴയിൽ ആർഎസ്എസ് പ്രവർത്തകനെ എസ്ഡിപിഐ പ്രവര്‍ത്തകര്‍ വെട്ടി കൊലപ്പെടുത്തിയതിൽ പ്രതിഷേധിച്ച് കൊയിലാണ്ടിയിൽ സംഘപരിവാർ പ്രവർത്തകർ പ്രതിഷേധ പ്രകടനം നടത്തി. ജയ് കിഷ് എസ് ആർ,  ഉണ്ണികൃഷ്ണൻ മുത്താമ്പി, ഓ മാധവൻ, അഭിൻ അശോക്, വി കെ ഷാജി, വൈശാഖ് അരിക്കുളം, രാജേഷ് ഒറ്റക്കണ്ടം എന്നിവർ നേതൃത്വം നൽകി

കൊയിലാണ്ടി : സംസ്കൃത സാഹിത്യത്തിൽ കാളിദാസന്റെ വർണ്ണ സങ്കൽപ്പം എന്ന വിഷയത്തിൽ കാലടി സംസ്കൃത സർവ്വകലാശാലയിൽ നിന്നും ഡോക്ടറേറ്റ് നേടിയ മൂടാടി ഊരാളത്ത് സോയ ദാമോദരനെ കൊയിലാണ്ടി സേവാഭാരതി വീട്ടിൽ വെച്ച് അനുമോദിച്ചു. ഡോ: പ്രശാന്ത് സേവാഭാരതിയുടെ പുരസ്ക്കാരം സോയ ദാമോദരന് നൽകി .സേവാഭാരതി ജില്ലാ ജനറൽ സിക്രട്ടറി വി.എം മോഹനൻ, മോഹനൻ കല്ലേരി, മുരളി കെ.കെ, അനിൽ അരങ്ങിൽ, ശ്യാം ബാബു , സജിത്ത് എം.വി എന്നിവർ ചടങ്ങിൽ സംബന്ധിച്ചുനാട്ടുകാരും ബന്ധുക്കളും ചടങ്ങിൽ സന്നിഹിതരായിരുന്നു

കൊയിലാണ്ടി:ചേമഞ്ചേരി ഗ്രാമപഞ്ചായത്ത് വികസന സെമിനാർ പൂക്കാട് കലാലയം സർഗ്ഗവനി ഓഡിറ്റോറിയത്തിൽ ജില്ലാ പഞ്ചായത്ത് വൈസ് പ്രസിഡണ്ട് എം പി ശിവാനന്ദൻ ഉദ്ഘാടനം ചെയ്തു ഗ്രാമ പഞ്ചായത്ത് പ്രസിഡണ്ട് സതി കിടക്കയിൽ അധ്യക്ഷയായി കരട് പദ്ധതി രേഖ പന്തലായനി ബ്ലോക്ക് പഞ്ചായത്ത് പ്രസിഡണ്ട് പി ബാബുരാജ് ആസൂത്രണ സമിതി അംഗം എൻ കെ കെ മാരാർക്ക് നൽകി പ്രകാശനം ചെയ്തു വികസന കാഴ്ചപ്പാട് വികസന സ്റ്റാൻഡിങ്ങ് കമ്മറ്റി ചെയർപേഴ്സൺ എം ഷീല അവതരിപ്പിച്ചു ധനകാര്യ വിശകലനം വൈസ് പ്രസിഡണ്ട് അജ്നഫ് കാച്ചിയിൽ നടത്തി ജില്ലാ പഞ്ചായത്തംഗ സിന്ധു സുരേഷ്, ബ്ലോക്ക് പഞ്ചായത്ത് ക്ഷേമകാര്യ സ്റ്റാൻഡിങ്ങ് കമ്മറ്റി ചെയർപേഴ്സൺ ഷീബശ്രീധരൻ, ബ്ലോക്ക് പഞ്ചായത്തംഗങ്ങളായ എം പി മൊയിതീൻകോയ, ബിന്ദുസോമൻ എന്നിവർ സംസാരിച്ചു ഗ്രാമ പഞ്ചായത്ത് സെക്രട്ടറി റഫീക്ക് സ്വാഗതവും, ആരോഗ്യ വിദ്യാഭ്യാസ സ്റ്റാൻഡിങ്ങ് കമ്മറ്റി ചെയർപേഴ്സൺ അതുല്യ ബൈജു നന്ദിയും പ്രകടിപ്പിച്ചു

കൊയിലാണ്ടി.എം.കെ.അഭിജിത്ത്   ഇന്ത്യ ബുക്ക് ഓഫ് റെക്കോർഡ്സിൽ 835 തവണ ഇന്ദിരാഗാന്ധിയുടെ പേരെഴുതി  ചിത്രം വരച്ചതിനാണ് അഭിജിത്തിന് ഇന്ത്യ ബുക്ക് ഓഫ് റെക്കോർഡ്സ് ലഭിച്ചത് പേന ഉപയോഗിച്ചായിരുന്നു ചിത്രം വരച്ചത് കൊടുവള്ളി സി എച്ച് എം കെ എം ഗവർമെന്റ് ആർട്ട്സ് ആന്റ് സയൻസ് കോളെ ബി എസ് സി സ്റ്റാസ്റ്റിസ്റ്റിക്സ് രണ്ടാം വർഷ  വിദ്യാർത്ഥിയാണ് ലോക്ഡൗണിന്റെ നിയന്ത്രണങ്ങൾ ഉപയോഗപ്പെടുത്തി യാണ് കൊച്ചു കലാകാരൻ തന്റെ കഴിവ് വികസിപ്പിച്ചെടുത്തത് സോഷ്യൽ മീഡിയയിൽ താൻ വരച്ച ചിത്രങ്ങൾ പോസ്റ്റ് ചെയ്തായിരുന്നു തുടക്കം പിന്നിട് സുഹൃത്തുക്കളുടെയും നാട്ടുകാരുടെയും വീട്ടുകാരുടെയും പിന്തുണയാണ് അഭിജിത്തിനെ വരയുടെ ലോകത്ത് എത്തിച്ചത് തിരുവങ്ങൂർവെറ്റിലപ്പാറ സ്വദേശിയും കേരളാ ഫീഡ്സ് ജീവനക്കാരനുമായ സന്തോഷിന്റെയും ശ്രീലതയുടെയും മകനാണ് സഹോദരൻ അമൽജിത്ത്

കൊയിലാണ്ടി നഗരസഭയും താലൂക്കാശുപത്രിയും സംയുക്തമായി നടത്തുന്ന സ്വാന്തനം പാലിയേറ്റീവ്‌ കെയര്‍ സന്നദ്ധ പ്രവര്‍ത്തകര്‍ക്കുള്ള പരിശീലന പരിപടിക്ക് തുടക്കമായി.  ആശുപത്രി ഓഡിറ്റേറിയത്തില്‍ നടന്ന പരിപടി നഗരസഭ ചെയര്‍പേഴ്‌സണ്‍ സുധ കിഴക്കേപ്പാട്ട് ഉദ്ഘാടനം ചെയ്തു. ആരോഗ്യക്ഷേമകാര്യ സ്റ്റാന്റിങ്ങ് കമ്മിറ്റി ചെയര്‍പേഴ്‌സണ്‍ സി പ്രജില അദ്ധ്യക്ഷത വഹിച്ചു. നഗരസഭ കൗണ്‍സിലര്‍ എ അസീസ് മാസ്റ്റര്‍, ആശുപത്രി സുപ്രണ്ട് ഡോ. പ്രതിഭ എന്നിവർ സംസാരിച്ചു. ക്ലാസുകള്‍ക്ക് പാലിയേറ്റീവ് ഇന്‍ചാര്‍ജ് ഡോ.സന്ധ്യാകുറുപ്പ്, എന്‍ എച്ച് എം സ്റ്റാഫ് നഴ്‌സ് സമീറ, പാര്‍വതി എന്നിവര്‍ നേതൃത്വം നല്‍കി. നേഴ്സിംഗ് സൂപ്രണ്ട് ശ്രീദേവി, എച്ച്.ഐ. സുരേഷ് ബാബു, പാലിയേറ്റീവ് വാളണ്ടിയര്‍ അമീര്‍അലി എന്നിവര്‍ ആശംസയർപ്പിച്ചു.

കൊയിലാണ്ടി: 15-02-21 തിങ്കളാഴ്ച കൊയിലാണ്ടി നോർത്ത് സെക്ഷൻ പരിധിയിൽ വരുന്ന ചില ഭാഗങ്ങളിൽ വൈദ്യുതി മുടങ്ങും. കണയംകോട് ITI – വരകുന്ന് – എളാട്ടേരി  നമ്പറമ്പത്ത് തെക്കെയിൽ അമ്പലം, വാഴത്തോട്ടം, മാരുതി റോഡ്, കൊണ്ടം വള്ളി,  കുറുവങ്ങട്, കോമത്ത്കര, തച്ചംവള്ളി,  അക്വഡേറ്റ്, ബപ്പൻകാട് – ഈസ്റ്റ് റോഡ്, പുതിയ സ്റ്റാന്റ്, പുതിയമാർക്കറ്റ്, ടൗൺ പരിസരം എന്നിവടങ്ങളിലാണ് രാവിലെ 7 മണി മുതൽ 2-30 വരെ വൈദ്യുതി പൂർണ്ണമായും മുടങ്ങുക. ഉപഭോക്തക്കൾ സഹകരിക്കണമെന്ന് അധികൃതർ അറിയിച്ചു.

കൊയിലാണ്ടി:   താലൂക്ക് ആശുപത്രിയില്‍ ഇ ഹെല്‍ത്ത് പദ്ധതിയുടെ പ്രവര്‍ത്തി മന്ത്രി കെ.കെ.ശൈലജ ഓണ്‍ ലൈനില്‍ ഉദ്ഘാടനം ചെയ്തു. കലക്ടര്‍ സീറാം സാംബശിവ റാവു മുഖ്യാതിഥിയായിരുന്നു. എഎല്‍എയുടെ ആസ്തി  വികസന ഫണ്ടില്‍നിന്ന് 65 ലക്ഷം രൂപ ഉപയോഗിച്ച് ആരംഭിച്ച പദ്ധതിയുടെ ഉദ്ഘാടന പരിപാടിയില്‍ കെ.ദാസന്‍ എം.എല്‍.എ അധ്യക്ഷത വഹിച്ചു. വിവരസാങ്കേതിക വിദ്യയുടെ സഹായത്തോടെ മികച്ച നിലവാരത്തിലും ക്യത്യതയോടെയും വേഗത്തിലും സാധാരണക്കാര്‍ ഉള്‍പ്പെടെ എല്ലാ ജനവിഭാഗങ്ങള്‍ക്കും ലഭ്യമാക്കുക എന്നതാണ് ഈ ഹെല്‍ത്ത് പദ്ധതിയുടെ ലക്ഷ്യം. ഓരോ പൗരന്റെയും ആരോഗ്യ സംബന്ധമായ വിവരങ്ങള്‍ ഉള്‍ക്കൊള്ളുന്ന കേന്ദ്രീകൃത ഡാറ്റാബേസ് ഇ ഹെല്‍ത്ത് പദ്ധതി വഴി സൃഷ്ടിക്കപ്പെടുന്നു. ഈ ഡാറ്റാബേസ് വിശകലനം ചെയ്ത് ആരോഗ്യപ്രശ്‌നങ്ങള്‍  പൂര്‍ണമായി മനസ്സിലാക്കുവാനും പൊതുജനാരോഗ്യ മേഖലയിലെ പ്രവര്‍ത്തനങ്ങള്‍ വ്യക്തമായും  സൂക്ഷ്മമായും വിലയിരുത്താന്‍ കഴിയും . രജിസ്‌ട്രേഷന്‍,  ഒ.പി.പരിശോധനകള്‍,  അഡ്മിറ്റ് ചെയ്യുമ്പോള് ചികിത്സാ വിവരങ്ങള്‍, ലബോറട്ടറി പരിശോധനകള്‍, ഫാര്‍മസി തുടങ്ങി ഡിസ്ചാര്‍ജ് ചെയ്യുന്നത് വരെയുള്ള കാര്യങ്ങള്‍ കമ്പ്യൂട്ടര്‍വല്‍ക്കരിക്കുന്നതിലൂടെ നാം ഇന്ന് കാണുന്ന ആരോഗ്യ സംരക്ഷണ  മേഖലകളില്‍ കാതലായ മാറ്റങ്ങള്‍ പ്രകടമാകുന്നു. പൊതുജന ആരോഗ്യ  വിവരങ്ങള്‍ ടാബ്‌ലറ്റ് കമ്പ്യൂട്ടറുകള്‍ ഉപയോഗിച്ചും ആശുപത്രി തലത്തില്‍ വെബ് അധിഷ്ഠിത സോഫ്റ്റ്‌വെയര്‍ മുഖേന ഈ ഹെല്‍ത്ത് പദ്ധതി പ്രാവര്‍ത്തികമാക്കിയത്.  അതോടൊപ്പം എന്‍എച്ച് ഫണ്ട് ഉപയോഗിച്ച് വാങ്ങിയ  ട്രൂ നാറ്റിന്റെ ഉദ്ഘാടനവും, താലൂക്കാശുപത്രിയിലെ ഐ സി ടി സിക്ക് എന്‍.എ.ബി.എല്‍.അക്രെഡിറ്റേഷന്‍ ലഭിച്ചതിന്റെ അനുമോദനവും എം.എല്‍.എ നിര്‍വഹിച്ചു. നഗരസഭ ചെയര്‍പേഴ്‌സണ്‍ കെ.പി.സുധ,  നഗരസഭാ വൈസ് ചെയര്‍മാന്‍ കെ.സത്യന്‍, സി.പ്രജില, എ.അസീസ്, ജില്ലാ മെഡിക്കല്‍ ഓഫീസര്‍ ഡോ. വി.ജയശ്രീ, ഡി.പി.എം ഡോ. എ.നവീന്‍, ഇ ഹെല്‍ത്ത് ജില്ലാ നോഡല്‍ ഓഫീസര്‍ ഡോ. പ്രമോദ് കുമാര്‍,  ആശുപത്രി സൂപ്രണ്ട് പി.പ്രതിഭ എന്നിവര്‍ സംസാരിച്ചു.

കൊയിലാണ്ടി :പ്രകടനപത്രികയിൽ യു.ഡി.എഫ്. മദ്യനിരോധനം ഉറപ്പു തരുന്നില്ലെങ്കിൽ കേരള മദ്യനിരോധന സമിതി വരുന്ന തെരഞ്ഞെടുപ്പിൽ മത്സര രംഗത്തുണ്ടാകുമെന്ന് സമിതി സംസ്ഥാന ജന.സെക്രട്ടറി ഡോ.വിൻസെൻ്റ് മാളിയേക്കൽ കൊയിലാണ്ടിയിൽ പറഞ്ഞു. മദ്യനിരോധന സമിതിയുടെ തെരഞ്ഞെടുപ്പ് നയവിശദീകരണ സംസ്ഥാന ജാഥയിൽ മുഖ്യപ്രഭാഷണം നടത്തുകയായിരുന്നുഅദ്ദേഹം.ജാഥാലീഡർ ഇയ്യച്ചേരി കുഞ്ഞിക്കൃഷ്ണൻ,ഫാദർവർഗീസ്മുഴുത്തേറ്റ് വി. സി , പപ്പൻ കന്നാട്ടി,കെ. എ. ഗോവിന്ദൻതൃശൂർ,  വി.കെ ദാമോദരൻ, വേലായുധൻ കീഴരിയൂർ,വെളിപാലത്ത്ബാലൻ,  ഹമീദ്പുതുക്കുടി പ്രസംഗിച്ചു.

കൊയിലാണ്ടി: കോൺഗ്രസ് നേതാവും നാടകപ്രവർത്തകനും മുൻ നഗരസഭാ കൗൺസിലറുമായിരുന്ന ടി.വി.വിജയൻ്റ ഒന്നാം ചരമ വാർഷികം ആചരിച്ചു.കാലത്ത് വീട്ടിൽ ഛായാചിത്രത്തിൽ പുഷ്പാർച്ചന നടത്തി.  കെ.പി.സി.സി.ജന:സെക്രട്ടറി.അഡ്വ.കെ.പ്രവീൺ കുമാർ നേതൃത്വം നൽകി.ഡി.സി.സി.പ്രസിഡണ്ട് യു ..രാജീവൻ, ബ്ലോക്ക് പ്രസിഡണ്ട് വി.വി.സുധാകരൻ, കൗൺസിലർ മനോജ് പയറ്റുവളപ്പിൽ, നേതൃത്വം നൽകി., അനുസ്മരണസമ്മേളനത്തിൽ കെ.പി.സി. മെംബർ, സി, രത്നവല്ലി., വി.ടി.സുരേേന്ദ്രൻ‌ , മണ്ഡലം പ്രസിഡന്റ്‌ സതീഷ് കുമാർ, രാജേഷ് കീഴരിയൂർ, പി.ടി ‘ഉമേന്ദ്രൻ, സംസാരിച്ചു.

കൊയിലാണ്ടി : ഒയിസ്ക ഇൻ്റർ ഇൻ്റെർനാഷണലിൻ്റെ ആഭിമുഖ്യത്തിൽ ലഹരി വിരുദ്ധ പോസ്റ്റർ പ്രദർശനം സംഘടിപ്പിച്ചു. ജില്ലാ പ്രസിഡണ്ട് ബാബുരാജ് ചിത്രാലയം അദ്ധ്യക്ഷത വഹിച്ചു. കൊയിലാണ്ടി സിവിൽ എക്സെ സൈസ് ഓഫീസർ നിഖിൽ ഉൽഘാടനം ചെയ്തു. അഡ്വ.പ്രവീൺ കുമാർ, താലൂക്ക് ഹോസ്പിപിറ്റൽ ഐ.സി.ടി.സി.കൗൺസിലർ ശ്രീലേഖ,റിഥി ക് സംസാരിച്ചു.

കൊയിലാണ്ടി നഗരത്തിലെ വ്യാപാര സ്‌ഥാപനങ്ങളിൽ മോഷണം പതിവാകുന്നു. പഴയ RT ഓഫീസ് പരിസരത്തെ മൂന്ന് ഷോപ്പിലാണ് മോഷണ ശ്രമം നടന്നത് ടയർ വേൾഡ് (MRF ഷോറൂം), ടോപ് മോസ്റ്റ്‌ ഫർണിച്ചർ, വി.ടി.എസ് വെജിറ്റബിൾ എന്നീ ഷോപ്പുകളിലാണ് കള്ളൻ കയറിയത്. ഷട്ടറിന്റെ പൂട്ട് തകർത്താണ് മോഷ്ടാവ് അകത്തു കടന്നത്.

എസ്.ഐ. എ യൂ. ജയപ്രകാശിൻ്റെ നേതൃത്വത്തിലുള്ള പോലീസ് സംഘo സ്ഥലത്തെത്തി അന്വേഷണം ആരംഭിച്ചു. മോഷണ ശ്രമം പതിവാകുന്നതിൽ വ്യാപാരികൾ ആശങ്ക രേഖപ്പെടുത്തി പോലീസിന്റെ രാത്രികാല നൈറ്റ് പെട്രോൾ ശക്ത മാക്കണമെന്ന് കേരള വ്യാപാരി വ്യവസായി ഏകോപന സമിതി മേഖല യൂണിറ്റ് ആവശ്യപ്പെട്ടു. യൂണിറ്റ് പ്രസിഡണ്ട് കെ .എം .രാജീവൻ. അധ്യക്ഷത വഹിച്ചു. ജനറൽ സെക്രട്ടറി ടി.പി. ഇസ്മായിൽ, ജില്ലാ വൈസ് പ്രസിഡന്റ് മണിയോത് മൂസ്സ, വൈസ് പ്രസിഡന്റ് മാരായ എം. ശശീന്ദ്രൻ, റിയാസ് അബൂബക്കർ, ജലീൽ മൂസ്സ, ജെ.കെ. ഹാഷിം, ടി.പി. ഷഹീർ, സെക്രട്ടറിമാരായ. ടി.എ. സലാം. ഗിരീഷ് ഗിരികല, പി. ഷബീർ, വി.പി. ബഷീർ, സി.വി. മുജീബ്, എ.കെ .ഡി.എ പ്രസിഡണ്ട് സി.കെ. ലാലു, ശിഹാബ്, പ്രബീഷ് കുമാർ എന്നിവർ സംസാരിച്ചു.

കൊയിലാണ്ടി: ഗുരുതരമായ രോഗത്തെ തുടന്ന് വിഷമത്തിലായ അരിക്കുളത്തെ പിലാത്തോട്ടത്തിൽ മീത്തൽ പ്രിൻസിനെ സഹായിക്കാൻ നാട്ടുകാർ സഹായകമ്മിറ്റി രൂപീകരിച്ചു. ഫോട്ടോഗ്രാഫറായിരുന്ന ജെമിനിരാധാകൃഷ്ണൻ്റെയും. രാജിയുടെയും മകനായ പ്രിൻസും ഫോട്ടോഗ്രാഫറാണ്. രാധാകൃഷ്ണൻ്റെ മരണത്തെ തുടർന്ന് കുടുംബം പ്രയാസത്തിലാണ്. പണി പൂർത്തിയാവാത്ത വീട്ടിലാണ് താമസം രാജിയും ഫോട്ടോഗ്രാഫറായിരുന്നു. കോവിഡിനെ തുടർന്ന് ജോലിയില്ലാതെ ലോൺ പോലും തിരിച്ചടക്കാൻ പ്രയാസത്തിലാണ് അതിനിടയിലാണ് പ്രിൻസിൻ്റെ അസുഖവും. നാട്ടുകാർ കുടുംബത്തെ സഹായിക്കാൻ കമ്മിറ്റി രൂപീകരിച്ച് അരിക്കുളം ഗ്രാമപഞ്ചായത്ത് പ്രസിഡണ്ട്.എ.എം.സുഗതൻ മാസ്റ്റർ ‘വാർഡ് മെംബർ ശ്യാമള എടപ്പള്ളി, ഒ.കെ.ചന്ദ്രൻ മാസ്റ്റർ ‘പ്രസാദ് എടപ്പള്ളി, സി.അശോകൻ, ബാലകൃഷ്ൺൺ ത്രിപുര ‘. തുടങ്ങിയവരുടെ നേതൃത്വത്തിലാണ് നാട്ടുകാർ ചികിത്സാ സഹായ കമ്മിറ്റി രൂപീകരിച്ചത്. കടബാധ്യത തീർക്കാൻ വലിയൊരു തുക വേണ്ടി വരും A/CNo – 40 18 210 1046887- 1 FSC: KLGB 0040182

കൊയിലാണ്ടി: സഹൃദയവേദി അരിക്കുളം സംഘടിപ്പിച്ച “എഴുത്തുകൂട്ടം” പരിപാടി ഗ്രാമപഞ്ചായത്ത് പ്രസിഡണ്ട്  എ. എം. സുഗതൻ മാസ്റ്റർ ഉദ്ഘാടനം ചെയ്തു. നിടുമ്പൊയിൽ ബി. കെ. നായർ മെമ്മോറിയൽ യു.പി. സ്കൂൾ മാനേജരും അധ്യാത്മിക ചിന്തകനുമായ പൊയിലിൽ യു. കെ. ഗംഗാധരൻ മാസ്റ്റർ രചിച്ച ” നാം എങ്ങോട്ട് ” എന്ന ഗ്രന്ഥത്തിന്റെ പ്രകാശന കർമ്മം മദ്യവർജ്ജന സമിതി അഖിലേന്ത്യാ സെക്രട്ടറിയും ശാന്തി സേന സംസ്ഥാന ചെയർമാനുമായ ഇളയടത്ത് വേണുഗോപാൽ നിർവ്വഹിച്ചു.

തപസ്യ മുൻ സംസ്ഥാന സെക്രട്ടറി എം. ഹർഷൻ ആദ്യ കോപ്പി ഏറ്റുവാങ്ങി. പ്രൊഫ: എം.പി.ശ്രീധരൻ അധ്യക്ഷത വഹിച്ചു. നാഷനൽ യൂത്ത് പ്രമോഷൻ കൗൺസിൽ വൈസ് ചെയർമാൻ പി.അനിൽ, രാമചന്ദ്രൻ നീലാംബരി, ദിവാകരൻ മഠത്തിൽ, ദിനേശ് പള്ളിയ്ക്കൽ, അശോകൻ അരുണിമ, പി. സതീദേവി, ദേവനന്ദ, യു. കെ. രാഘവൻ നായർ, യു.കെ. ഗംഗാധരൻ മാസ്റ്റർ എന്നിവർ സംസാരിച്ചു.

കൊയിലാണ്ടി:ബിജെപി ശബരിമല പ്രക്ഷോഭം നടത്തുന്ന  സമയത്ത് അൻപതിനായിരത്തിൽപരം പ്രവർത്തകർ കേസുകളിൽ  പ്രതികൾ ആയപ്പോൾ  ഒരു കേസിൽ പോലും പ്രതികൾ ആകാത്ത കോൺഗ്രസുകാർ തിരഞ്ഞെടുപ്പ് അടുത്തപ്പോൾ തങ്ങളാണ് വിശ്വാസ സംരക്ഷകർ എന്ന്  ജനങ്ങളെ തെറ്റിദ്ധരിപ്പിക്കാൻ വേണ്ടി കച്ചകെട്ടി ഇറങ്ങിയിരിക്കുകയാണ് എന്ന് കർണാടക ഗവ.ചീഫ് വിപ്പും ബിജെപി സംസ്ഥാന സഹ പ്രഭാരിയുമായ സുനിൽകുമാർ കർക്കളെ പറഞ്ഞു. കൊയിലാണ്ടി നിയോജകമണ്ഡലം ബിജെപിയുടെ തിരഞ്ഞെടുപ്പ് കൺവെൻഷൻ ഉദ്ഘാടനം ചെയ്യുകയായിരുന്നു അദ്ദേഹം.പശ്ചിമബംഗാളിലും തമിഴ്നാട്ടിലും ഒന്നിച്ചു മത്സരിക്കുന്ന കോൺഗ്രസ്സും സിപിഎമ്മും  കേരളത്തിൽ ജനങ്ങളെ കബളിപ്പിച്ചു കൊണ്ട് അന്യോന്യം മത്സരിക്കുകയാണ് എന്നും അദ്ദേഹം പറഞ്ഞു.  ബിജെപി ജയിക്കുന്ന സ്ഥലങ്ങളിൽ മാത്രമേവികസനം നടക്കുന്നുള്ളു. മറ്റ്‌ സ്ഥലങ്ങളിൽ പിന്നോക്കം പോവുകയാണെന്നും  അദ്ദേഹം സൂചിപ്പിച്ചു.ബിജെപി സംസ്ഥാന ജനറൽ സെക്രട്ടറി സീ കൃഷ്ണകുമാർ മുഖ്യപ്രഭാഷണം നടത്തി,ജില്ലാ പ്രസിഡണ്ട് വി കെ സജീവൻ പാർട്ടി  പരിപാടികൾ വിശദീകരിച്ചു, മണ്ഡലം പ്രസിഡണ്ട് ജയ്കിഷ് എസ് ആർ  അധ്യക്ഷത വഹിച്ചു. ബിജെപി ജില്ലാ വൈസ് പ്രസിഡന്റ് സി ശശീന്ദ്രൻ, ജില്ലാ സെക്രട്ടറി ചക്രായുധൻ,  ട്രെഷറർ വി കെ ജയൻ, ഉണ്ണികൃഷ്ണൻ മുത്താമ്പി, കെ വി സുരേഷ്,  വായനാരി വിനോദ്, അഡ്വ.വി  സത്യൻ, ടി കെ പത്മനാഭൻ,എന്നിവർ സംസാരിച്ചു.

സംസ്ഥാനത്ത് നാല് എംഎല്‍എമാര്‍ക്ക് കൊവിഡ് സ്ഥിരീകരിച്ചു. കെ ദാസന്‍, ആന്‍സലന്‍, ബിജിമോള്‍, മുകേഷ് എന്നിവര്‍ക്കാണ് കൊവിഡ് സ്ഥിരീകരിച്ചത്.

നിയമസഭാ സമ്മേളനം നടക്കുന്നതിനിടെയാണ് എംഎല്‍എമാര്‍ക്ക് രോഗം സ്ഥിരീകരിച്ചിരിക്കുന്നതെന്നതും ശ്രദ്ധേയമാണ്. ഇവര്‍ നാല് പേരും നിയമസഭ സമ്മേളനത്തില്‍ പങ്കെടുത്തിരുന്നു.

കെ ദാസനും ആന്‍സലനും തിരുവന്തപുരം മെഡിക്കല്‍ കോളേജില്‍ ചികിത്സയിലും മുകേഷ് വീട്ടില്‍ തന്നെ നിരീക്ഷണത്തില്‍ കഴിയുകയുമാണ്. കൊവിഡ് സാഹചര്യം മുന്‍നിര്‍ത്തി സഭാസമ്മേളനം നേരത്തെ വെട്ടിച്ചുരുക്കിയിരുന്നു.

രോഗം സ്ഥിരീകരിച്ചിരിക്കുന്ന എംഎല്‍എമാരുടെ ആരോഗ്യ നില തൃപ്തികരമാണെന്ന റിപ്പോര്‍ട്ടുകളാണ് പുറത്തുവരുന്നത്.

കുറുവങ്ങാട്: താഴത്തയിൽ ശ്രീ ഭദ്രകാളി കണ്ടത്ത് രാമൻ ക്ഷേത്രത്തിൽ മകരവിളക്കിനോട് അനുബന്ധിച്ചു വർഷാവർഷം നടത്തി വരാറുള്ള സഹസ്ര ദീപ സമർപ്പണവും മകര സംക്രമണ വിശേഷാൽ പൂജകളും നടന്നു. കോവിഡ് പ്രോട്ടോകോൾ പാലിച്ചു കൊണ്ടായിരുന്നു പരിപാടി.

സംസ്ഥാനത്ത് ചില ജില്ലകളിൽ പക്ഷിപ്പനി സ്ഥിരീകരിച്ച സാഹചര്യത്തിൽ ആശങ്കപ്പെടണ്ടതില്ലെന്നും നന്നായി പാകം ചെയ്ത മുട്ട, കോഴിയിറച്ചി എന്നിവ ഭക്ഷ്യയോഗ്യമാണെന്നും മൃഗസംരക്ഷണ വകുപ്പ് അറിയിച്ചു.

• ബുൾസ് ഐ പോലുള്ള പകുതി വേവിച്ച മുട്ടയും പകുതി വേവിച്ച മാംസവും ഒഴിവാക്കണം.

• കൂടാതെ പാകം ചെയ്യുന്നതിനായി പച്ച മാംസം കൈകാര്യം ചെയ്ത ശേഷം കൈകൾ സോപ്പുപയോഗിച്ച് വൃത്തിയായി കഴുകണം.

• പക്ഷികളെ ബാധിക്കുന്ന വൈറൽ രോഗമായ പക്ഷിപ്പനി ചില പ്രത്യേക സാഹചര്യങ്ങളിൽ മനുഷ്യരിലേക്ക് പകരാം. തണുത്ത കാലാവസ്ഥയിൽ മാസങ്ങളോളം ജീവിക്കാൻ കഴിവുള്ള വൈറസ് 60 ഡിഗ്രി ചൂടിൽ അര മണിക്കൂറിൽ നശിച്ചു പോകും.

• ചത്തതോ, രോഗം ബാധിച്ചതോ ആയ പക്ഷികളെയോ, ദേശാടന കിളികളെയോ പക്ഷി കാഷ്ഠമോ നേരിട്ട് കൈകാര്യം ചെയ്യാതെ കൈയുറയും മാസ്‌കും ഉപയോഗിക്കുകയും ചൂടുവെള്ളവും സോപ്പും ഉപയോഗിച്ച് കൈകൾ കഴുകി വൃത്തിയാക്കുകയും ചെയ്യണം.

 

രോഗം സ്ഥിരീകരിച്ച പ്രദേശത്തിന്റെ ഒരു കിലോമീറ്റർ ചുറ്റളവിലുള്ള മുഴുവൻ പക്ഷികളെയും കൊന്ന് മറവ് ചെയ്യുന്നതടക്കമുള്ള എല്ലാ കരുതൽ നടപടികളും വകുപ്പ് സ്വീകരിച്ചിട്ടുണ്ട്.

കടപ്പാട് : PRD

കൊയിലാണ്ടി : കീഴരിയൂര്‍ പഞ്ചായത്തിലെ ആനപ്പാറ കരിങ്കല്‍ ക്വാറിയുടെ ഖനനം നിര്‍ത്തിവെക്കണമെന്നാവശ്യപ്പെട്ട് പരിസര വാസികളുടെ പ്രക്ഷോഭം ശക്തമായി. ക്വാറിക്കെതിരെ പ്രദേശവാസികള്‍ കഴിഞ്ഞ കുറെ നാളുകളായി  പ്രക്ഷോഭത്തിലാണ്. ക്വാറിയില്‍ സ്‌ഫോടനം നടത്തുന്നത് കാരണം തങ്ങളുടെ വീടിന് കേടുപാടുകള്‍ സംഭവിക്കുന്നതായി ജനങ്ങള്‍ പറയുന്നു സ്ത്രീകളും കുട്ടികളുമടക്കമുളളവരാണ് സമര രംഗത്തുള്ളത്. ക്വാറി പ്രവര്‍ത്തിക്കാന്‍ ഹൈക്കോടതി ഉത്തരവുണ്ടെന്ന് കാട്ടി സമരം ചെയ്യുന്നവരെ അറസ്റ്റ് ചെയ്യാാൻ  കൊയിലാണ്ടി പോലീസ് ചൊവ്വാഴ്ച സ്ഥലത്തെത്തിയിരുന്നു. ഇത് സമരം ചെയ്യുന്ന പ്രദേശവാസികളും പോലീസും തമ്മിലുളള തര്‍ക്കത്തിന് ഇടവരുത്തി. ആനപ്പാറ ക്വാറിയുടെ അമ്പത് മീറ്ററിനുളളില്‍ ഒട്ടനവധി വീടുകളും അങ്കണവാടിയുമുണ്ടെന്ന് പരിസരവാസികൾ പറയുന്നു.ക്വാറിയ്ക്ക് സമീപത്ത് കൂടിയുളള റോഡിലൂടെ ഭാരം കയറ്റിയുളള വാഹനം പോകാൻ പാടില്ലെന്ന് കീഴരിയൂര്‍ പഞ്ചായത്ത് അധികൃതര്‍ ഉത്തതരവിറക്കിയിരുന്നു. ഇക്കഴിഞ്ഞ ഡിസംബര്‍ ഒന്നിന് നാട്ടുകാര്‍ പരാതിപ്പെട്ടതിനെ തുടര്‍ന്നാണ് ക്വാറിക്ക് സമീപമുളള പഞ്ചായത്ത് റോഡിലൂടെ ഭാരം കയറ്റി പോകുന്ന വാഹനങ്ങളുടെ യാത്രയ്ക്ക് നിയന്ത്രണമേര്‍പ്പെടുത്തി.  ഇക്കാര്യങ്ങള്‍ ചൂണ്ടിക്കാട്ടിയാണ് നാട്ടുകാര്‍ പോലീസ് നീക്കത്തെ ചെറുത്തത്. ഹൈക്കോടതി ഉത്തരവുളളതിനാല്‍ ക്വാറിയുടെ പ്രവര്‍ത്തനം തടസ്സപ്പെടുത്താന്‍ കഴിയില്ലെന്ന് കൊയിലാണ്ടി എസ്.ഐ കെ.പി. രാജേഷ് പറഞ്ഞു.എന്നാല്‍ മനുഷ്യ ജീവന് തന്നെ ഭീഷണിയായ ക്വാറിക്കെതിരെ പ്രക്ഷോഭം ശക്തമാക്കുമെന്ന് പ്രദേശവാസികളും പറഞ്ഞു. ലോഡ് കണക്കിന് കരിങ്കല്ലാണ് ഇവിടെ നിന്ന് പൊട്ടിച്ച് കൊണ്ടു പോകുന്നത്. അശാസ്ത്രിയമായ കരിങ്കല്‍ ഖനനം മൂലം മലയുടെ മുകളില്‍ വലിയ കുഴികള്‍ രൂപപ്പെട്ടിരിക്കുകയാണ്. ഇവിടെ വെളളം കെട്ടി നില്‍ക്കുന്നത് മഴക്കാലത്ത് ഉരുള്‍പൊട്ടല്‍ സാധ്യതയുണ്ടാക്കും. ആനപ്പാറയുടെ താഴ്‌വാരങ്ങളില്‍ ഒട്ടനവധി കുടുംബങ്ങള്‍ താമസിക്കുന്നുണ്ട്. ഇവര്‍ക്കെല്ലാം ഭീഷണിയാവുകയാണ് ക്വാറിയുടെ പ്രവര്‍ത്തനം. കീഴരിയൂര്‍ പഞ്ചായത്തിലെ കുന്നുകളെല്ലാം തുരന്ന് തുരന്ന് ഇല്ലാതാവുകയാണ്. മീറോട് മലയില്‍ ചെങ്കല്‍ ഖനനവും,തങ്കമലയിലും ആനപ്പാറയിലും കരിങ്കല്‍ ഖനനവുമാണ് നടക്കുന്നത്. ആനപ്പാറയും തങ്കമല ക്വാറിയും തമ്മില്‍ രണ്ടര കിലോമീറ്റര്‍ വ്യത്യാസമേയുളളു. ജനകീയ പ്രക്ഷോഭത്തെ തുടര്‍ന്ന് കീഴരിയൂര്‍ പഞ്ചായത്ത് ക്വാറികള്‍ക്ക് അനുമതി നല്‍കുന്നില്ലെങ്കിലും,ഉന്നത സ്വാധിനമുപയോഗിച്ച് ക്വാറിക്കാര്‍ ഖനനത്തിന് അനുമതി നേടിയെടുക്കുന്നത്.

സംസ്​ഥാനത്ത്​ അതിതീവ്ര കോവിഡ്​ റിപ്പോര്‍ട്ട്​ ചെയ്യുകയും രോഗവ്യാപനം കൂടുമെന്ന്​ മുന്നറിയിപ്പുണ്ടാകുകയും ചെയ്​ത സാഹചര്യത്തില്‍ ഉത്സവങ്ങള്‍ക്കും പൊതു പരിപാടികള്‍ക്കുമായി ആരോഗ്യ വകുപ്പ്​ പുതിയ മാര്‍ഗനിര്‍ദേശങ്ങള്‍ പുറത്തിറക്കി.

• ഗര്‍ഭിണികള്‍, കുട്ടികള്‍, പ്രായമുള്ളവര്‍ എന്നവരൊന്നും പരിപാടികളിലോ ചടങ്ങുകളിലോ പ​​ങ്കെടുക്കരുത്​.
• എല്ലാവരും മാസ്​ക്​ ധരിക്കണം.
• ആള്‍ക്കൂട്ടം ഉണ്ടാകാന്‍ പാടില്ല.
• രോഗലക്ഷണം ഉള്ളവര്‍ പരിപാടികള്‍ക്കെത്തരുത്​.
• ആഘോഷങ്ങള്‍ക്ക്​ പുറത്ത്​ പരിശോധന സംവിധാനം വേണം.
• പരിപാടികളില്‍ പ​​ങ്കെടുക്കുന്നവരുടെ പേരും ഫോണ്‍ നമ്ബരും ശേഖരിക്കണം.
• റാലികള്‍, ഘോഷയാത്രകള്‍ എന്നിവയിലും മാര്‍ഗനി​ര്‍ദേശങ്ങള്‍ പാലിക്കണം.

കൊയിലാണ്ടി : മുൻസിപ്പാലിറ്റി പുതിയ നഗരസഭ ചെയർപേഴ്സൺ വൈസ് ചെയർമാൻ എന്നിവക്ക് കൊയിലാണ്ടി മർച്ചന്റ്സ് അസോസിയേഷൻ ഭാരവാഹികൾ നിവേദനം നല്‍കി . കൊയിലാണ്ടിയിലെ നവീകരണ പ്രവർത്തി ഇഴഞ്ഞു നീങ്ങുമ്പോഴുള്ള ഗതാഗത കുരുക്ക് പരിഹരിക്കാനുള്ള നടപടി ഉള്‍പ്പെടെയുള്ളവയാണ് നിവേദനത്തില്‍‌ . പ്രസിഡന്റ്. കെ കെ നിയാസ് , കെ പി രാജേഷ്, മനീഷ് പി. കെ, ഹാഷിം ബി എച്, അശോകൻ ആതിര എന്നിവർ സംബന്ധിച്ചു.

കൊയിലാണ്ടി: കേന്ദ്രസര്‍ക്കാരിനെതിരെ ഡല്‍ഹിയില്‍ ഒരു മാസത്തോളമായി നടക്കുന്ന കര്‍ഷക പ്രക്ഷോഭത്തില്‍ മരണമടഞ്ഞ കര്‍ഷക സമരപോരാളികള്‍ക്ക് ആദരം അര്‍പ്പിച്ച് കൊയിലാണ്ടി കര്‍ഷകസംഘം. കൊയിലാണ്ടി ഏരിയാകമ്മിറ്റി സംഘടിപ്പിച്ച കൂട്ടായ്മയാണ് പരിപാടി സംഘടിപ്പിച്ചത്. കോവിഡ് മാനദണ്ഡങ്ങള്‍ പാലിച്ചായിരുന്നു പരിപാടി.

ജില്ലാ സെക്രട്ടറി പി. വിശ്വന്‍ മാസ്റ്റര്‍ ഉദ്ഘാടനം ചെയ്തു. സംസ്ഥാന കമ്മിറ്റി അംഗം കെ. ഷിജു അധ്യക്ഷത വഹിച്ചു. ഒ.ടി വിജയന്‍, സി.കെ സജീവന്‍ എന്നിവര്‍ യോഗത്തില്‍ പങ്കെടുത്ത് സംസാരിച്ചു.

കോഴിക്കോട് സിവില്‍ സ്റ്റേഷനിലെ  എംപ്ലോയബിലിറ്റി സെന്റര്‍ മുഖേന പുരുഷന്‍മാര്‍ക്ക് തൊഴിലവസരം.  ജില്ലയിലെ സ്വകാര്യ  സ്ഥാപനത്തില്‍  ഒഴിവുളള  ക്രെഡിറ്റ്  അസിസ്റ്റന്റ് (യോഗ്യത : പ്ലസ് ടു ), എച്ച്.ആര്‍ അഡ്മിന്‍  (യോഗ്യത : എം.ബി.എ, പ്രവൃത്തി പരിചയം), ടീം ലീഡര്‍ സെയില്‍സ് (യോഗ്യത : പ്ലസ് ടു) തസ്തികകളിലേക്ക് ഡിസംബര്‍ 12 ന് രാവിലെ 10.30ന് കൂടിക്കാഴ്ച നടത്തും. താല്‍പര്യമുളള പുരുഷ ഉദ്യോഗാര്‍ത്ഥികള്‍ ബയോഡാറ്റ സഹിതം നേരിട്ട് ഹാജരാകണമെന്ന് ജില്ലാ എംപ്ലോയ്മെന്റ് ഓഫീസര്‍ അറിയിച്ചു. പ്രായപരിധി 35 വയസ്.  കുടുതല്‍ വിവരങ്ങള്‍ക്ക് : 0495 2370176

കടപ്പാട് : PRD

2020-21 അധ്യയന വര്‍ഷത്തില്‍ കോളേജ് വിദ്യാഭ്യാസ വകുപ്പ് മുഖേന നല്‍കി വരുന്ന വിവിധ സ്‌കോളര്‍ഷിപ്പുകള്‍ക്ക് ഓണ്‍ലൈന്‍ ആയി അപേക്ഷിക്കാനുള്ള തിയതി 31 വരെ നീട്ടി. സ്ഥാപന മേധാവിക്ക് വെരിഫിക്കേഷന്‍ & അപ്രൂവല്‍ ചെയ്യുന്നതിനുള്ള സമയപരിധി ജനുവരി 15 വരെയും ദീര്‍ഘിപ്പിച്ചു. കൂടുതല്‍ വിവരങ്ങള്‍ക്ക്: www.dcescholarship.kerala.gov.in, ഫോണ്‍: 0471-2306580, 9446780308, 944609658.

കടപ്പാട് : PRD

മദ്രസ അധ്യാപക ക്ഷേമനിധിയില്‍ നിന്നും പെന്‍ഷന്‍ വാങ്ങിക്കൊണ്ടിരിക്കുന്ന എല്ലാവരും പെന്‍ഷന്‍ തടസ്സം കൂടാതെ ലഭിക്കുന്നതിന് ഡിസംബര്‍ 30 നകം ലൈഫ് സര്‍ട്ടിഫിക്കറ്റ് സമര്‍പ്പിക്കണമെന്ന് ചീഫ് എക്സിക്യൂട്ടീവ് ഓഫീസര്‍ അറിയിച്ചു. മാതൃക www.kmtboard.in ലഭ്യമാണ്.

കടപ്പാട് : PRD

ആദ്യഘട്ട തദ്ദേശ തിരഞ്ഞെടുപ്പിൽ കോവിഡ് ബാധിതർക്കും ക്വാറന്റീനിലുള്ളവർക്കും സ്‌പെഷ്യൽ തപാൽ വോട്ട് അനുവദിക്കുന്നതിനായുള്ള പട്ടിക (സർട്ടിഫൈഡ് ലിസ്റ്റ്) നവംബർ 29 മുതൽ തയ്യാറാക്കുമെന്ന് സംസ്ഥാന തിരഞ്ഞെടുപ്പ് കമ്മീഷണർ വി. ഭാസ്‌കരൻ അറിയിച്ചു.
മറ്റ് ജില്ലകളിൽ കഴിയുന്ന കോവിഡ് ബാധിതർക്കും ക്വാറന്റീനിലുള്ളവർക്കും സ്‌പെഷ്യൽ തപാൽ വോട്ട് അനുവദിക്കും. ഡിസംബർ എട്ടിന് തിരഞ്ഞെടുപ്പ് നടക്കുന്ന തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി എന്നീ ജില്ലകളിൽ നവംബർ 29ന് തന്നെ ആദ്യ സർട്ടിഫൈഡ് ലിസ്റ്റ് ഡെസിഗ്‌നേറ്റഡ് ഹെൽത്ത് ഓഫീസർ തയ്യാറാക്കി ജില്ലാ തിരഞ്ഞെടുപ്പ് ഉദ്യോഗസ്ഥന് കൈമാറണം. കൂടാതെ നവംബർ 30 മുതൽ ഡിസംബർ ഏഴിന് വൈകുന്നേരം മൂന്നുവരെയുള്ള ദിവസങ്ങളിലെ സർട്ടിഫൈഡ് ലിസ്റ്റും അതാത് ദിവസങ്ങളിൽ കൈമാറണം.

ഡിസംബർ എട്ടിന് വോട്ടെടുപ്പ് നടക്കുന്ന ജില്ലകളിൽ നിന്നുള്ളവർ ഉൾപ്പെടുന്ന ആദ്യ സർട്ടിഫൈഡ് ലിസ്റ്റ് കോട്ടയം, എറണാകുളം, തൃശ്ശൂർ, പാലക്കാട്, വയനാട്, മലപ്പുറം, കോഴിക്കോട്, കണ്ണൂർ, കാസർഗോഡ് ജില്ലകളിലെ ഡെസിഗ്‌നേറ്റ്ഡ് ഹെൽത്ത് ഓഫീസർമാർ നവംബർ 29ന് തയ്യാറാക്കണം. തുടർന്ന് ഡിസംബർ ഏഴുവരെ തിയതികളിൽ കോവിഡ് പോസിറ്റീവ് ആയവരുടെയും ക്വാറന്റീനിൽ ഉള്ളവരുടെയും ലിസ്റ്റും തയ്യാറാക്കണം. അത്തരത്തിലുള്ള ഒൻപത് ജില്ലകളിലെ ജില്ലാ തിരഞ്ഞെടുപ്പ് ഉദ്യോഗസ്ഥർ അവർക്ക് ലഭിക്കുന്ന സർട്ടിഫൈഡ് ലിസ്റ്റുകൾ ആദ്യ ഘട്ട തിരഞ്ഞെടുപ്പ് നടക്കുന്ന അഞ്ച് ജില്ലകളിലെ ജില്ലാ തിരഞ്ഞെടുപ്പ് ഉദ്യോഗസ്ഥർക്ക് അതേ ദിവസംതന്നെ അറിയിച്ചിരിക്കണം. ഇത്തരത്തിൽ തിരഞ്ഞെടുപ്പിന്റെ ഓരോ ഘട്ടത്തിലും മറ്റ് ജില്ലകളിൽ കഴിയുന്ന സ്‌പെഷ്യൽ വോട്ടർമാർ ഉൾപ്പെടുന്ന സർട്ടിഫൈഡ് ലിസ്റ്റ് തിരഞ്ഞെടുപ്പിന് 10 ദിവസം മുമ്പ് മുതൽ അതാത് ദിവസം ഡെസിഗ്‌നേറ്റഡ് ഹെൽത്ത് ഓഫീസർ തയ്യാറാക്കി ജില്ലാ തിരഞ്ഞെടുപ്പ് ഉദ്യോഗസ്ഥന് കൈമാറണം. ഈ പട്ടിക സ്‌പെഷ്യൽ വോട്ടറുൾപ്പെടുന്ന ജില്ലയിലെ തിരഞ്ഞെടുപ്പ് ഉദ്യോഗസസ്ഥന് അതാത് ദിവസം തന്നെ നൽകണം.

ജില്ലാ തിരഞ്ഞെടുപ്പ് ഉദ്യോഗസ്ഥൻ നൽകുന്ന പട്ടികയിലുള്ള മറ്റ് ജില്ലകളിൽ രജിസ്റ്റർ ചെയ്ത വോട്ടർമാർക്കുള്ള പോസ്റ്റൽ ബാലറ്റ് അതാത് തദ്ദേശ സ്ഥാപനങ്ങളിലെ വരണാധികാരികൾ അയച്ച് കൊടുക്കും. സമ്മതിദായകരെ കുറിച്ചുള്ള രേഖപ്പെടുത്തലുകൾ വോട്ടർ പട്ടികയുമായി ബന്ധപ്പെടുത്തി പരിശോധിച്ചതിനു ശേഷമായിരിക്കും പോസ്റ്റൽ ബാലറ്റ് അനുവദിക്കുക. വോട്ട് രേഖപ്പെടുത്തിയതിന് ശേഷം രജിസ്‌ട്രേഡ് പോസ്റ്റ് മുഖേനയോ ആൾവശമോ ബാലറ്റ് പേപ്പറും സത്യപ്രസ്താവനയും അടങ്ങിയ കവർ വാർഡിലെ വോട്ടെണ്ണൽ ആരംഭിക്കുന്നതിന് നിശ്ചയിച്ചിട്ടുള്ള സമയത്തിന് മുൻപ് വരണാധികാരിക്ക് ലഭിക്കത്തക്കവിധം തിരികെ നൽകണം.

ഡിസംബർ 10ന് തിരഞ്ഞെടുപ്പ് നടക്കുന്ന കോട്ടയം, എറണാകുളം, തൃശ്ശൂർ, പാലക്കാട്, വയനാട് എന്നീ ജില്ലകളിൽ ഡിസംബർ ഒന്നിന് തന്നെ ആദ്യ സർട്ടിഫൈഡ് ലിസ്റ്റ് ഡെസിഗ്‌നേറ്റഡ് ഹെൽത്ത് ഓഫീസർ തയ്യാറാക്കി ജില്ലാ തിരഞ്ഞെടുപ്പ് ഉദ്യോഗസ്ഥന് കൈമാറണം. ഡിസംബർ രണ്ട് മുതൽ ഡിസംബർ ഒൻപതിന് വൈകിട്ട് മൂന്ന് വരെയുള്ള സർട്ടിഫൈഡ് ലിസ്റ്റും അതാത് ദിവസങ്ങളിൽ കൈമാറണം. ഡിസംബർ 14ന് തിരഞ്ഞെടുപ്പ് നടക്കുന്ന മലപ്പുറം, കോഴിക്കോട്, കണ്ണൂർ, കാസർഗോഡ് ജില്ലകളിൽ ഡിസംബർ അഞ്ചിന് തന്നെ ആദ്യ സർട്ടിഫൈഡ് ലിസ്റ്റ് ഡെസിഗ്‌നേറ്റഡ് ഹെൽത്ത് ഓഫീസർ ജില്ലാ തിരഞ്ഞെടുപ്പ് ഉദ്യോഗസ്ഥന് കൈമാറണം. ഡിസംബർ ആറ് മുതൽ 13 വൈകിട്ട് മൂന്ന് വരെയുള്ള സർട്ടിഫൈഡ് ലിസ്റ്റും അതാത് ദിവസങ്ങളിൽ കൈമാറണം.

കോഴിക്കോട്. തദ്ദേശ തെരഞ്ഞെടുപ്പുമായി ബന്ധപ്പെട്ട് ജില്ലയിലെ വോട്ടിംഗ് സാമഗ്രികളുടെ വിതരണം, സ്വീകരണം, വോട്ടെണ്ണൽ കേന്ദ്രങ്ങൾ എന്നിവ നിശ്ചയിച്ചു.

കോഴിക്കോട് കോർപ്പറേഷൻ്റെ കൗണ്ടിംഗ് സെൻററും ഡിസ്ട്രിബ്യൂഷൻ ആൻഡ് റിസപ്ഷൻ സെൻററും നടക്കാവ് ഗവ വൊക്കേഷണൽ ഹയർ സെക്കൻ്ററി സ്കൂളാണ്.രാമനാട്ടുകര മുൻസിപ്പാലിറ്റിയുടെ പരിധിയിൽ വരുന്ന ഡിവിഷനുകളുടെ കൗണ്ടിംഗ് സെൻററും ഡിസ്ട്രിബ്യൂഷൻ ആൻഡ് റിസപ്ഷൻ സെൻററും ഫറോക്ക് കോളേജ് ഓഡിറ്റോറിയമാണ്.

മുക്കം മുൻസിപ്പാലിറ്റിയുടെ പരിധിയിൽ വരുന്ന ഡിവിഷനുകളുടെ കൗണ്ടിംഗ് സെൻററും ഡിസ്ട്രിബ്യൂഷൻ ആൻഡ് റിസപ്ഷൻ സെൻററും നീലേശ്വരം ഗവ ഹയർ സെക്കൻ്ററി സ്കൂൾ.

ഫറോക്ക് മുൻസിപ്പാലിറ്റിയുടെ പരിധിയിൽ വരുന്ന ഡിവിഷനുകളുടെ റിസപ്ഷൻ ആൻറ് കൗണ്ടിംഗ് സെൻ്റർ ഫറോക്ക് കോളേജ് ഓഡിറ്റോറിയം ആൻ്റ് ട്രെയിനിംഗ് കോളേജും ഡിസ്ട്രിബ്യൂഷൻ സെൻ്റർ ഫറോക്ക് മുസിപ്പൽ ടൗൺ ഹാളുമാണ്.

കൊയിലാണ്ടി നഗരസഭ സെന്റർ കൊയിലാണ്ടി ഗവ. വൊക്കേഷണൽ ഹയർ സെക്കൻഡറി സ്കൂളും പയ്യോളി നഗരസഭ സെന്റർ പയ്യോളി ടെക്നിക്കൽ സ്കൂളുമാണ്.

വടകര മുനിസിപ്പാലിറ്റിയുടെ സെന്റർ വടകര ടൗൺഹാൾ. കൊടുവള്ളി നഗരസഭയില്‍ കൊടുവള്ളി ഗവ. ഹയര്‍ സെക്കണ്ടറി സ്‌കൂളിലാണ് കൗണ്ടിംഗ് സെന്റര്‍, ഡിസ്ട്രിബ്യൂഷന്‍ ആന്‍ഡ് റിസപ്ഷന്‍ സെന്റര്‍.

ബാലുശേരി ബ്ലോക്ക് പഞ്ചായത്ത് പരിധിയിൽ വരുന്ന ഗ്രാമപഞ്ചായത്തുകളായ നടുവണ്ണൂർ, ഉള്ളിയേരി, കോട്ടൂർ, ബാലുശ്ശേരി, കൂരാച്ചുണ്ട്, ഉണ്ണികുളം, പനങ്ങാട് എന്നിവിടങ്ങളിലെ കൗണ്ടിംഗ് സെൻറർ ബാലുശ്ശേരി വൊക്കേഷണൽ ഹയർ സെക്കൻഡറി സ്കൂളും ഡിസ്ട്രിബ്യൂഷൻ ആൻഡ് റിസപ്ഷൻ സെൻറർ ബാലുശ്ശേരി ഗവൺമെൻറ് ഹൈസ്കൂളുമാണ്. ചേളന്നൂർ ബ്ലോക്ക് പഞ്ചായത്ത് പരിധിയിൽ വരുന്ന കക്കോടി, ചേളന്നൂർ, കാക്കൂർ, നന്മണ്ട, നരിക്കുനി, തലക്കുളത്തൂർ എന്നിവയുടെ കൗണ്ടിംഗ് സെൻററും ഡിസ്ട്രിബ്യൂഷൻ ആൻഡ് റിസപ്ഷൻ സെൻററും വെസ്റ്റ് ഹിൽ ഗവൺമെൻറ് പോളിടെക്നിക് കോളേജിൽ ആണ്.

കുന്ദമംഗലം ബ്ലോക്ക് പരിധിയിൽ വരുന്ന പഞ്ചായത്തുകളായ മാവൂർ, പെരുമണ്ണ, കുരുവട്ടൂർ, ചാത്തമംഗലം, കൊടിയത്തൂർ, പെരുവയൽ, കാരശ്ശേരി, കുന്ദമംഗലം എന്നിവിടങ്ങളിലെ കൗണ്ടിംഗ് സെൻററും ഡിസ്ട്രിബ്യൂഷൻ ആൻഡ് റിസപ്ഷൻ സെൻററും മലബാർ ക്രിസ്ത്യൻ കോളേജും.

കോഴിക്കോട് ബ്ലോക്ക് പഞ്ചായത്ത് പരിധിയിൽ വരുന്ന പഞ്ചായത്തുകളായ ഒളവണ്ണ, കടലുണ്ടി എന്നിവയുടെ കൗണ്ടിംഗ് സെൻററും ഡിസ്ട്രിബ്യൂഷൻ ആൻഡ് റിസപ്ഷൻ സെൻററും സാമൂതിരി ഹയർ സെക്കൻ്ററി സ്കൂളുമാണ്.

പേരാമ്പ്ര ബ്ലോക്കിന്‌ കീഴിൽ വരുന്ന ചെറുവണ്ണൂർ ,നൊച്ചാട്, ചങ്ങരോത്ത്, കായണ്ണ,കൂത്താളി,പേരാമ്പ്ര,ചക്കിട്ടപ്പാറ പഞ്ചായത്തുകളുടെ വോട്ടെണ്ണൽ കേന്ദ്രം പേരാമ്പ്ര സി കെ ജി മെമ്മോറിയൽ ഗവണ്മെന്റ് കോളേജ് ആണ്‌.

തോടന്നൂർ ബ്ലോക്ക് പരിധിയിലെ നാലു പഞ്ചായത്തുകളായ ആയഞ്ചേരി, വില്യാപ്പള്ളി, മണിയൂർ, തിരുവള്ളൂർ എന്നിവയുടേത് സെന്റ് ആന്റണീസ് ഗേൾസ് ഹയർസെക്കൻഡറി സ്കൂൾ വടകര.

മേലടി ബ്ലോക്ക് പഞ്ചായത്ത് പരിധിയിൽ വരുന്ന ഗ്രാമപഞ്ചായത്തുകളായ തുറയൂർ, കീഴരിയൂർ, തിക്കോടി, മേപ്പയൂർ എന്നിവിടങ്ങളിലെ സെന്റർ ഗവൺമെന്റ് വൊക്കേഷണൽ ഹയർസെക്കൻഡറി സ്കൂൾ പയ്യോളിയാണ്.

പന്തലായനി ബ്ലോക്ക് പഞ്ചായത്ത് പരിധിയിൽ വരുന്ന ഗ്രാമപഞ്ചായത്തുകളായ അത്തോളി, ചേമഞ്ചേരി, അരിക്കുളം, മൂടാടി, ചെങ്ങോട്ടുകാവ് എന്നിവിടങ്ങളിലെ സെന്റർ കൊയിലാണ്ടി ഗവ. മാപ്പിള വെക്കേഷണൽ ഹയർ സെക്കൻഡറി സ്കൂൾ.

വടകര ബ്ലോക്ക് പഞ്ചായത്ത് പരിധിയിൽ വരുന്ന ഗ്രാമപഞ്ചായത്തുകളായ അഴിയൂർ, ഒഞ്ചിയം, ചോറോട്, ഏറാമല എന്നിവയുടെ കൗണ്ടിംഗ് സെൻററും /ഉള്ളിയേരി ന്യൂസ്‌ / ഡിസ്ട്രിബ്യൂഷൻ ആൻഡ് റിസപ്ഷൻ സെൻററും മടപ്പള്ളി ഗവൺമെന്റ് കോളേജ്. തൂണേരി ബ്ലോക്ക് പഞ്ചായത്ത് പരിധിയിൽ വരുന്ന ചെക്യാട്, പുറമേരി, എടച്ചേരി,തൂണേരി, വളയം, വാണിമേൽ,നാദാപുരം എന്നിവയുടെ സെന്റർ പുറമേരി കടത്തനാട് രാജാസ് ഹയർസെക്കൻഡറി സ്കൂളാണ്.

കുന്നുമ്മല്‍ ബ്ലോക്ക് പഞ്ചായത്ത് പരിധിയിലുള്ള കുന്നുമ്മല്‍, കായക്കൊടി, കാവിലുംപാറ, കുറ്റ്യാടി, മരുതോങ്കര, വേളം, നരിപ്പറ്റ ഗ്രാമപഞ്ചായത്തുകളിലെ സെന്റര്‍ വട്ടോളി നാഷണല്‍ ഹയര്‍ സെക്കണ്ടറി സ്‌കൂളാണ്.

കൊടുവള്ളി ബ്ലോക്ക് പഞ്ചായത്തിലെ തിരുവമ്പാടി, കൂടരഞ്ഞി, കിഴക്കോത്ത്, മടവൂര്‍, കോടഞ്ചേരി, പുതുപ്പാടി, താമരശ്ശേരി, ഓമശ്ശേരി, കട്ടിപ്പാറ ഗ്രാമപഞ്ചായത്തുകളിലെ കൗണ്ടിംഗ് സെന്റര്‍, ഡിസ്ട്രിബ്യൂഷന്‍ ആന്‍ഡ് റിസപ്ഷന്‍ സെന്റര്‍ കൊടുവള്ളി കെ.എം.ഒ ഹയര്‍ സെക്കണ്ടറി സ്‌കൂളാണ്.