Month: January 2021

കൊയിലാണ്ടി : ലൈഫ് പദ്ധതിയുടെ ഗുണഭോക്തൃ സംഗമവും അദാലത്തും സംഘടിപ്പിച്ചു .സംസ്ഥാനത്ത് ലൈഫ് പദ്ധതിയില്‍ പണിപൂര്‍ത്തികരിച്ച രണ്ടരലക്ഷം വീടുകളുടെ ഉദ്ഘാടനത്തിന്‍റ ഭാഗമായി കൊയിലാണ്ടിയില്‍ ഗുണഭോക്തൃ സംഗമവും അദാലത്തും നഗരസഭ ചെയര്‍പേഴ്സണ്‍ കെ.പി സുധ ഉദ്ഘാടനം ചെയ്തു. വൈസ് ചെയര്‍മാന്‍ കെ സത്യന്‍ അധ്യക്ഷനായിരുന്നു. നഗരസഭ കൌണ്‍സിലമാരും ചടങ്ങില്‍ പങ്കെടുത്തു.

കൊയിലാണ്ടി:  നിയമസഭാ തിരഞ്ഞെടുപ്പിന് ദിവസങ്ങള്‍ മാത്രം ബാക്കി നില്‍ക്കെ സ്ഥാനാര്‍ത്ഥി നിര്‍ണ്ണയ ചര്‍ച്ചകളുമായി മുന്നണികള്‍ സജീവം.കഴിഞ്ഞ മൂന്ന് തവണ കൈവിട്ട കൊയിലാണ്ടി മണ്ഡലത്തെ തിരിച്ചു പിടിക്കാന്‍ യൂ.ഡി.എഫ് ശക്തമായ പ്രവര്‍ത്തനം തുടങ്ങി. കഴിഞ്ഞ തവണ കൊയിലാണ്ടിയില്‍ മല്‍സരിച്ച കെ.പി.സി.സി ജനറല്‍ സെക്രട്ടറി എന്‍.സുബ്രഹ്മണ്യന്‍ തന്നെയാവും യു.ഡി.എഫ് സ്ഥാനാര്‍ത്ഥി. തൊണ്ണൂറ് ശതമാനവും സുബ്രഹ്മണ്യന് തന്നെയാണ് സ്ഥാനാര്‍ത്ഥി പട്ടികയില്‍ മുന്‍ തൂക്കമെന്ന് കോണ്‍ഗ്രസ് നേതാക്കള്‍ പറഞ്ഞു. കഴിഞ്ഞ നിയമസഭാ തിരഞ്ഞെടുപ്പിലെ തോല്‍വിയ്ക്ക് ശേഷവും കൊയിലാണ്ടി കേന്ദ്രമായിട്ടാണ് അദ്ദേഹം പ്രവര്‍ത്തിച്ചത്. മണ്ഡലത്തിലെ എല്ലായിടത്തും അദ്ദേഹത്തിന് പരിചിതമായി കഴിഞ്ഞിട്ടുണ്ട്. മണ്ഡലത്തില്‍ കൂടുതലായി ശ്രദ്ദിക്കുന്നതിന് വേണ്ടി കൊയിലാണ്ടി ടൗണില്‍ വീട് വാടകയ്‌ക്കെടുത്ത് താമസം തുടങ്ങിയിരിക്കുകയാണ്. കോരപ്പുഴ മുതല്‍ മൂരാട് പാലം വരെ ദേശീയ പാതയോരത്തെ ഫ്‌ളക്‌സ് ബോര്‍ഡുകളെല്ലാം അദ്ദേഹം ബുക്ക് ചെയ്തു കഴിഞ്ഞതായാണ് വിവരം. വിജയമുറപ്പിക്കാന്‍ മണ്ഡലത്തിലെ മുഴുവന്‍ ബൂത്ത് തലം വരെയുളള നേതാക്കളെ ഒറ്റയ്ക്കും കൂട്ടമായും സന്ദര്‍ശിച്ചു പിന്തുണ തേടാനും അദ്ദേഹം തുടങ്ങിയിട്ടുണ്ട്. മണ്ഡലത്തിലെ സ്ഥിര സാന്നിധ്യമായി അദ്ദേഹം മാറിയിരിക്കുകയാണ്. കെ.പി.സി.സി പ്രസിഡന്റ് മുല്ലപ്പളളി രാമചന്ദ്രന്‍ കൊയിലാണ്ടിയില്‍ സ്ഥാനാര്‍ത്ഥിയാകുമെന്ന അഭ്യുഹം കഴിഞ്ഞ ആഴ്ച ഉയര്‍ന്നിരുന്നു. എന്നാല്‍ ഹൈക്കമാന്റ് നിര്‍ദ്ദേശിച്ചാല്‍ മാത്രമേ മല്‍സരിക്കുകയുളളുവെന്ന് മുല്ലപ്പളളി നിലപാട് വ്യക്തമാക്കിയിരിക്കുകയാണ്.  മാത്രവുമല്ല കഴിഞ്ഞ മൂന്ന് വട്ടം സി.പി.എം വിജയിച്ച കൊയിലാണ്ടി യൂ.ഡി.എഫിനെ സംബന്ധിച്ച്ു അത്ര സുരക്ഷിത സീറ്റുമല്ല. അക്കാരണങ്ങള്‍ കൊണ്ടു തന്നെ മുല്ലപ്പളളി കൊയിലാണ്ടിയില്‍ മല്‍സരിക്കാനുളള സാധ്യത ഇപ്പോള്‍ നിലവിലില്ല. അതോടെ സുബ്രഹ്മണ്യന്റെ സാധ്യത കൂടി വരികയാണ്. കൊയിലാണ്ടി ഐ ഗ്രൂപ്പിന്റെ കുത്തക മണ്ഡലമാണ്. ലീഡര്‍ കെ.കരുണാകരന്‍ അതീവ ശ്രദ്ധയോടെ കാത്തു സൂക്ഷിച്ച മണ്ഡലമാണ് കൊയിലാണ്ടി. കരുണാകരന്‍ നിര്‍ദ്ദേശിച്ച പ്രകാരമാണ് പി.ശങ്കരന്‍ കൊയിലാണ്ടിയില്‍ മല്‍സരിക്കുന്നതും ആരോഗ്യ മന്ത്രിയാവുന്നതും. ഇതേ ശ്രദ്ധ കൊയിലാണ്ടി മണ്ഡലത്തിന്റെ കാര്യത്തില്‍ പ്രതിപക്ഷ നേതാവ് രമേശ് ചെന്നിത്തലയ്ക്കുമുണ്ട്. ഗ്രൂപ്പിന് പുറത്തുളള കോണ്‍ഗ്രസ് നേതാക്കള്‍ ആരെങ്കിലും കൊയിലാണ്ടിയില്‍ മല്‍സരിച്ചാല്‍ പിന്നീടൊരിക്കലും ഐഗ്രൂപ്പിന് ഈ മണ്ഡലം വെച്ച് വിലപേശാനാവില്ല. 2010ല്‍ കൊയിലാണ്ടിയില്‍ യൂ.ഡി.എഫ് സ്ഥാനാര്‍ത്ഥിയായി മല്‍സരിച്ചത് കെ.പി.അനില്‍ കുമാറായിരുന്നു. ഐ ഗ്രൂപ്പിന്റെ നേതാവെന്ന നിലയിലാണ് അനില്‍ കുമാറിന് അന്ന് ചെന്നിത്തല ഇടപെട്ട് സീറ്റ് നല്‍കിയത്. ഇപ്പോള്‍ അനില്‍കുമാര്‍ രമേശിനെ വിട്ട് വി.എം.സൂധിരന്റെയും മുല്ലപ്പളളിയുടെയും പക്ഷത്തേക്ക് ചാഞ്ഞതോടെയാണ് കൊയിലാണ്ടി സീറ്റ് ചെന്നിത്തലയുടെ വിശ്വസ്ഥനായ സുബ്രഹ്മണ്യന് നല്‍കിയത്.  മാത്രവുമല്ല സുബ്രഹ്മണ്യന്‍ വിജയിച്ചാല്‍ മന്ത്രിസഭയിലും നല്ലൊരു പദവി ലഭിച്ചു കൂടെന്നില്ല. ഐഗ്രൂപ്പിന് ജില്ലയില്‍ പറയത്തക്ക മറ്റ് നേതാക്കളില്ല എന്ന കാര്യം എടുത്തു പറയേണ്ടതാണ്. മന്ത്രിസഭയില്‍ ഈഴവ പ്രാതിനിധ്യം ഉറപ്പിക്കാനും ഇത് കൊണ്ടാവും. കൊയിലാണ്ടി മണ്ഡലത്തില്‍ കഴിഞ്ഞ നിയമസഭ തിരഞ്ഞെടുപ്പില്‍ 13369 വോട്ടിന്റെ ഭൂരിപക്ഷത്തിനാണ് എന്‍.സുബ്രഹ്മണ്യനെ  ദാസന്‍ പരാജയപ്പെടുത്തിയത്.കൊയിലാണ്ടി നിയമസഭ മണ്ഡല പരിധിയിലെ നഗരസഭ,പഞ്ചായത്ത് തിരഞ്ഞെടുപ്പില്‍ എല്‍.ഡി.എഫിന് 70698 വോട്ടുകള്‍ ലഭിച്ചപ്പോള്‍ യൂ.ഡി.എഫിന് 68379 വോട്ടുകളും ബി.ജെ.പിയ്ക്ക് 24451 വോട്ടുകളും ലഭിച്ചതായാണ് കണക്ക്. എല്‍.ഡി.എഫും യൂ.ഡി.എഫും തമ്മിലുളള വ്യത്യാസം 2319 വോട്ടുകളാണ്. ചുരുങ്ങിയ വോട്ടിന്റെ മേധാവിത്വം മാത്രമാണ് എല്‍.ഡി.എഫിനുളളു. കഴിഞ്ഞ ലോക്‌സഭാ തിരഞ്ഞെടുപ്പില്‍ കെ.മുരളീധരന് ഈ മണ്ഡലത്തില്‍ 22,000ല്‍ പരം വോട്ടിന്റെ ഭൂരിപക്ഷമുളളതും യൂ.ഡി.എഫിന് പ്രതീക്ഷ നല്‍കുന്നതാണ്. എല്‍.ഡി.എഫില്‍ നിലവിലുളള എം.എല്‍.എ കെ.ദാസന്‍ തന്നെ വീണ്ടും മല്‍സരിക്കാനാണ് സാധ്യത. മണ്ഡലം നിലനിര്‍ത്താന്‍ ദാസന്‍ തന്നെ വരണമെന്ന വാദം പാര്‍്ട്ടി പ്രവര്‍ത്തകരിലുണ്ട്. എന്നാല്‍ പേരാമ്പ്ര സീറ്റ് കേരളാ കോണ്‍ഗ്രസ് ജോസ് മാണി വിഭാഗത്തിന് നല്‍കേണ്ടി വന്നാല്‍ എക്‌സൈസ് മന്ത്രി ടി.പി.രാമകൃഷ്ണന്‍ പേരാമ്പ്ര വിട്ട് കൊയിലാണ്ടി മല്‍സരിക്കാന്‍ സാധ്യതയുണ്ട്. രാമകൃഷ്ണന്‍ പഠിച്ചതും വളര്‍ന്നതും നടേരി അണേല,നമ്പ്രത്തുകര മേഖലയിലാണ്. ധാരാളം കുടുംബ വോട്ടുകള്‍ ഈ മണ്ഡലത്തില്‍ ടി.പി.രാമകൃഷ്ണനുണ്ട്.ഇവര്‍ രണ്ട് പേരുമല്ലെങ്കില്‍ മുന്‍ എം.എല്‍.എ പി.വിശ്വന്‍, ഡി.വൈ.എഫ്.ഐ മുന്‍ ജില്ലാ പ്രസിഡന്റും സി.പി.എം ഏരിയാ കമ്മിറ്റി അംഗവുമായ സി.അശ്വിനിദേവ്,കര്‍ഷക സംഘം സംസ്ഥാന കമ്മിറ്റി അംഗവും നിലവില്‍ നഗരസഭ കൗണ്‍സിലറുമായ കെ.ഷിജു,മുന്‍ നഗരസഭ ചെയര്‍മാന്‍ കെ.സത്യന്‍,ഡി.വൈ.എഫ്.ഐ ജില്ലാ പ്രസിഡന്റ് എല്‍.ജി.ലിജീഷ്,ചേമഞ്ചേരി ഗ്രാമ പഞ്ചായത്ത് മുന്‍ പ്രസിഡന്റ് അശോകന്‍ കോട്ട്,സി.പി.എം ഏരിയാ സെക്രട്ടറി കെ.കെ.മുഹമ്മദ്,മുന്‍ നഗരസഭ വൈസ് ചെയര്‍മാന്‍ ടി.കെ.ചന്ദ്രന്‍,പയ്യോളി മുന്‍ ഏരിയാ സെക്രട്ടറി ടി.ചന്തു എന്നിവരെയും പരിഗണിച്ചു കൂടെന്നില്ല.ഏതായാലും ഒരാഴ്ചക്കുളളില്‍ സ്ഥാനാര്‍ത്ഥികളുടെ ചിത്രം തെളിയുമെന്നാണ് സൂചന.

കൊയിലാണ്ടി: അപകടത്തിൽപ്പെട്ട രണ്ട് വയസുകാരൻ രക്ഷകനെ കൈവെടിയാതെ നിന്നത് താലൂക്ക് ആശുപത്രിയിൽ നിരവധി പേർ സാക്ഷികളായി പെയിൻ്റിംഗ് തൊഴിലാളിയായ കോതമംഗലം വരണ്ടയിൽ കിരൺ ലാൽ 22 നെയാണ് അപകടത്തിൽ പെട്ട കാറിലുണ്ടായിരുന്ന രണ്ട് വയസുകാരനായ കുട്ടിരക്ഷകനെ കൈവിടാതെ നിന്നത്. ചൊവാഴ്ച  രാവിലെ 11 മണിയോടെയായിരുന്നു സംഭവം. മലപ്പുറം കോട്ടക്കൽ സ്വദേശികൾ സഞ്ചരിച്ച കാറാണ് കൊയിലാണ്ടിയിൽ അപകടത്തിൽ പെട്ടത്.3 സ്ത്രീകളും 4 കുട്ടികളും ഡ്രൈവറുമടങ്ങുന്ന യാത്രക്കാരാണ് കാറിലുണ്ടായിരുന്നത്. കൊല്ലം പാറപ്പള്ളി സന്ദർശനം കഴിഞ്ഞ് നരിക്കുനിയിലെക്ക് പോകവെ കൊയിലാണ്ടി കോമത്ത് കരയിൽ നിയന്ത്രണം വിട്ട് കാർ പോസ്റ്റിലിടിച്ച് മറിയുകയായിരുന്നു. അപകടത്തിൻ്റെ ഭീകരമായ ഒച്ചയും, സ്ത്രീകളുടെ നിലവിളിയും കേട്ട ഉടനെ സമീപത്ത് നിന്നുള്ള നാട്ടുകാർ ഓടിയെത്തി രക്ഷാപ്രവർത്തനം നടത്തി കാറിൻ്റെ ചില്ല് തകർത്താണ് അകത്തു കുടുങ്ങിയവരെ പുറത്തെടുത്ത് .സമീപത്ത് നിന്ന് പെയിൻ്റിംഗ് ചെയ്യുകയായിരുന്ന കിരൺ ലാലായിരുന്നു രക്ഷാപ്രവർത്തനത്തിന് മുന്നിൽ പരിക്കേറ്റവരെ ആശുപത്രിയിലെത്തിച്ച ശേഷം, കാറിലുണ്ടായിരുന്ന രണ്ട് വയസ്സായ കുട്ടിയാണ് എല്ലാവരിലും കൗതുകമായത് രക്ഷകനായ കിരൺ ലാലിനെ കൈവിടാൻ രണ്ട് വയസുകാരനായ കുട്ടി ഒരുക്കമല്ലായിരുന്നു. പരിക്ക് പറ്റിയവരെ മുഴുവൻ കോഴിക്കോട്ടെക്ക് കൊണ്ടുപോയെങ്കിലും, രണ്ട് വയസ്സുകാരൻ ആരുടെ കൂടെയും പോകാതെ രക്ഷകനൊപ്പം നിലയുറപ്പിച്ചു. തുടർന്ന് ആശുപത്രിയിലെ സി.എച്ച് വളണ്ടിയർമാരോടൊപ്പം.മെഡിക്കൽ കോളെജിൽ എത്തിയ ശേഷം കുട്ടിയുടെ ഉമ്മയുടെ കൈമാറുകയായിരുന്നു.

കൊയിലാണ്ടി: കേരളക്ഷേത്രവാദ്യ കലാ അക്കാദമി കോഴിക്കോട് ജില്ലാ സമ്മേളനം തിരുവങ്ങൂരിൽ തൃക്കുറ്റിശ്ശേരി ശിവശങ്കരമാരാരും സംഘവും അവതരിപ്പിച്ച കേളികൊട്ടോടെയാണ് സമ്മേളന നടപടികൾ ആരംഭിച്ചത് . തുടർന്നു പ്രസിഡണ്ട് ഉണ്ണികൃഷ്ണൻ കടമേരി പതാക ഉയർത്തി.ഹരികൃഷ്ണൻ മുണ്ടകാശേരിയുടെ സോപാന സംഗീതത്തോടെ  അക്കാദമി സംസ്ഥാന പ്രസിഡണ്ട് അന്തിക്കാട് പത്മനാഭൻ ഉദ്ഘാടനം ചെയ്തു .കാഞ്ഞിലശ്ശേരി വിനോദ് മാരാർ അനുശോചന പ്രമേയം അവതരിപ്പിച്ചു ,സംസ്ഥാന ജനറൽ സെക്രട്ടറി കക്കാട് രാജേഷ് മാസ്റ്റർ സംഘടനാ റിപ്പോർട്ട് അവതരിപ്പിച്ചു, ജില്ലാ സെക്രട്ടറി പ്രജീഷ് കാർത്തികപ്പള്ളി  പ്രവർത്തന റിപ്പോർട്ടും ട്രഷറർ ശ്രീജിത്ത് മാരാമുറ്റം വരവ് ചിലവ് കണക്കുകളും അവതരിപ്പിച്ചു. ഉപൊതുസമ്മേളനം കോഴിക്കോട് കോർപ്പറേഷൻ മേയർ  ഡോക്ടർ ബീന ഫിലിപ്പ് ഉദ്ഘാടനം ചെയ്തു. മലബാർ ദേവസ്വം ബോർഡ് പ്രസിഡണ്ട് എം ആർ മുരളി വിശിഷ്ടാതിഥിയായിരുന്നു കടമേരി ഉണ്ണികൃഷ്ണൻ അദ്ധ്യക്ഷത വഹിച്ചു. പിഷാരികാവ് ദേവസ്വം ട്രസ്റ്റി ബോർഡ് മെമ്പർ ഇളയിടത്ത് വേണുഗോപാൽ മുതിർന്ന വാദ്യകലാകാരൻമാരെ ആദരിച്ചു .ചേമഞ്ചേരി ഗ്രാമപഞ്ചായത്ത് പ്രസിഡണ്ട് സതി കിഴക്കയിൽ പഞ്ചായത്ത് മെമ്പർ വിജയൻ കണ്ണഞ്ചേരി, പൂക്കാട് കലാലയം  പ്രസിഡണ്ട് യു കെ രാഘവൻ മാസ്റ്റർ, നരസിംഹ പാർത്ഥസാരഥി ക്ഷേത്രം സെക്രട്ടറി എ കെ സുനിൽകുമാർ സുനിൽകുമാർ, ദേവസ്വം എംപ്ലോയീസ് യൂണിയൻ സംസ്ഥാന സമിതി അംഗം കെ ഹരിദാസൻ  ന, അക്കാദമി സംസ്ഥാന വൈസ് പ്രസിഡണ്ട് കലാമണ്ഡലം ശിവദാസ്  സംസ്ഥാന സമിതി അംഗം മടിക്കൈ ഉണ്ണികൃഷ്ണൻ , വാസു വാര്യർ പുൽപ്പള്ളി, അപ്പു വയനാട്,  സൂരജ് പോരൂർ , വിജയൻ നന്മണ്ട ,ശ്രീജിത്ത് മാരാമുറ്റം എന്നിവർ സംസാരിച്ചു . പുതിയ ഭാരവാഹികളായി പ്രസിഡൻറ് – കടമേരി ഉണ്ണികൃഷ്ണൻ , (ജന:സെക്രട്ടരി )പ്രജീഷ് കാർത്തികപ്പള്ളി ,വൈസ് പ്രസിഡൻ്റുമാർ – കാഞ്ഞിലശ്ശേരി വിനോദ് മാരാർ ,സാജു കൊരയങ്ങാട് , അസി: സെക്രട്ടരിമാർ -രഞ്ജിത്ത് മേപ്പയ്യൂർ ,കൃഷ്ണദാസ് പോലൂർ ,ട്രഷറർ – ശ്രീജിത്ത് മാരാമുറ്റം.

കൊയിലാണ്ടി : വിവിധ ആവശ്യങ്ങള്‍ ഉന്നയിച്ച് കൊയിലാണ്ടി RT ഓഫീസിലേക്ക് ഓട്ടോ, ടാക്സി, ലൈറ്റ് മോട്ടോര്‍ വര്‍ക്കേര്‍ഴ്സ് യൂണിയന്‍, CITU ഏരിയാ കമ്മറ്റി നേതൃത്വത്തില്‍ മാര്‍ച്ചും ധര്‍ണയും നടത്തി.
ധര്‍ണ്ണ ഓട്ടോ, ടാക്സി, ലൈറ്റ് മോട്ടോര്‍ ജില്ലാ സെക്രട്ടറി എ. സോമശേഖരന്‍ ഉത്ഘാടനം ചെയ്തു. കെ. കെ. രാധാകൃഷ്ണന്‍ അധ്യക്ഷതവഹിച്ചു. ലിബീഷ് L B സ്വാഗതവും ഗോപീഷെല്‍ട്ടര്‍ നന്ദിയും പറഞ്ഞു. ധര്‍ണയ്ക്ക്, എ. കെ. ശിവദാസ്, പി. കെ. രാജു, A. K. ഹമീദ്, ഗിരീഷ് എന്നിവര്‍ നേതൃത്വം നല്‍കി.

കൊയിലാണ്ടി: നിയമസഭ തെരഞ്ഞെടുപ്പിൽ കൊയിലാണ്ടി അസംബ്ലി മണ്ഡലത്തിൽ മുസ്ലിം ലീഗ് മത്സരിക്കണമെന്ന് നിയോജകമണ്ഡലം യൂത്ത് ലീഗ് പ്രവർത്തക സമിതി യോഗം പ്രമേയം പാസാക്കി. യൂത്ത് ലീഗ് വൈസ് പ്രസിഡണ്ട് കെ. എം. ഷമീം ആണ് യോഗത്തിൽ പ്രമേയം അവതരിപ്പിച്ചത്. പരമ്പരാഗതമായി യു.ഡി.എഫിന്റെ കൈകളിൽ ഭദ്രമായിരുന്ന കൊയിലാണ്ടി നിയോജകമണ്ഡലം കഴിഞ്ഞ 15 വർഷക്കാലത്തോളമായി ഇടതുമുന്നണിയാണ് ജയിച്ചു വരുന്നത്. പാർലമെന്റ് തിരഞ്ഞെടുപ്പിൽ ഐക്യജനാധിപത്യ മുന്നണിക്ക് ലഭിക്കുന്ന വലിയ ഭൂരിപക്ഷം നിയമസഭാ തെരഞ്ഞെടുപ്പിൽ നേടിയെടുക്കാൻ കഴിയാതെ വരുന്ന സാഹചര്യത്തിൽ മുസ്ലിംലീഗിലെ ജയസാധ്യതയുള്ള പൊതു സ്വീകാര്യനായ സ്ഥാനാർത്ഥിയെ മത്സരത്തിനിറക്കി മണ്ഡലം തിരിച്ചുപിടിക്കണമെന്നാണ് പ്രമേയത്തിന്റെ ഉള്ളടക്കം.

പ്രമേയം നിയോജകമണ്ഡലം മുസ്ലിം യൂത്ത്ലീഗ് പ്രവർത്തകസമിതി യോഗം ഐക്യകണ്ഠേനയാണ് പാസാക്കിയത്.  യോഗത്തിൽ യൂത്ത് ലീഗ് ജില്ലാ പ്രസിഡണ്ട്സാജിദ് നടുവണ്ണൂർ, ജില്ലാ ലീഗ് വൈസ് പ്രസിഡണ്ട് വി.പി. ഇബ്രാഹിം കുട്ടി, മണ്ഡലം ലീഗ് പ്രസിഡണ്ട് ഹുസൈൻ ബാഫഖി തങ്ങൾ, ജനറൽ സെക്രട്ടറി അലി കൊയിലാണ്ടി, സമദ് നടേരി, SM അബ്ദുൽ ബാസിത്, ഷെഫീഖ് കരേക്കാട്, കെ. എം. ഷമീം, നിസാർ മാടാക്കര, എ.സി.  സുനൈദ്,കെ.കെ റിയാസ് എന്നിവർ പങ്കെടുത്തു.

കൊയിലാണ്ടി: വ്യാജ പ്രൊഫൈൽ ഉപയോഗിച്ച് നവ മാധ്യമങ്ങളിലൂടെ പണം തട്ടിയ ആൾ പിടിയിൽ. ചെറിയ കുട്ടികളുടെ ഫോട്ടോ ഉപയോഗിച്ച് ചികിത്സ സഹായം ആവശ്യപ്പെട്ട്‌കൊണ്ടാണ് ഇയാൾ തട്ടിപ്പ് നടത്തിയത്. പാനൂർ രൂപക്കുന്ന് സ്വദേശിയായ ഉസ്മാൻ എന്നയാളുടെ മകൻ മുജ്തബ ആണ് പ്രതി. കൊയിലാണ്ടി പോലീസ് സർക്കിൾ ഇൻസ്‌പെക്ടർ കെ. സി. സുബാഷ് ബാബുവിന്റെ നേതൃത്വത്തിൽ. എ.എസ്.ഐ പ്രദീപ്, എസ്.സി.പി.ഒ. മണികണ്ഠൻ, വിജു വാണിയംകുളം, എന്നിവർ ചേർന്നാണ് പ്രതിയെ പിടികൂടിയത്.

കൊയിലാണ്ടി : ജെ സി ഐ കൊയിലാണ്ടിയുടെ നേതൃത്വത്തിൽ  ദേശീയ യുവജന ദിനം ആചരിച്ചു. കൊയിലാണ്ടി സ്റ്റഡിയം പരിസരത്ത്  ജ്വാല തെളിയിച്ചു.  വൈസ് പ്രസിഡണ്ട് ശ്രീജിത്ത് ചിത്രം അദ്ധ്യക്ഷത വഹിച്ചു. പ്രസിഡണ്ട് ഡോ. ബി.ജി. അഭിലാഷ് മുഖ്യപ്രഭാഷണം നടത്തി. യു.കെ.ജിതേഷ് .എൻ.ജെ. അർജുൻ , സജു മോഹൻ , ഡോ സൂരജ് ,എച്ച്.ആർ ഉജ്വൽ ആശംസയും പ്രൊജക്റ്റ് ഡയറക്ടർ ഭരത് ശ്യാം സo സാരിച്ചു. ജെ.സി.ഐ കൊയിലാണ്ടി പ്രവർത്തകർ പങ്കെടുത്തു.

ബി.ജെ.പി പ്രവർത്തകനായ മീത്തലെ അത്തിശ്ശേരി സജിനേഷിനെ വെട്ടി പരിക്കേൽപ്പിച്ചതിൽ ബി.ജെ.പി കൊയിലാണ്ടി മണ്ഡലം ശക്തമായി പ്രതിഷേധിച്ചു.ഗുരുതരമായി പരിക്കേറ്റ സജിനേഷിനെ കോഴിക്കോട് മെഡിക്കൽ കോളേജ് ഹോസ്പിറ്റലിൽ അഡ്മിറ്റ് ചെയ്തിരിക്കാണ്. ഇന്നലെ രാത്രി 12 മണിക്ക് വിയ്യൂരുള്ള വിവാഹ സൽക്കാര ചടങ്ങിൽ സംബന്ധിച്ച് വീട്ടിലേക്ക് നടന്ന് മടങ്ങി വരികയായിരുന്ന സജിനേഷിനെ ഒരു സംഘം വെട്ടി പരിക്കേൽപ്പിക്കുകയും തലക്ക് ഇരുമ്പ് വടികൊണ്ട്  അടിക്കുകയും ചെയ്തു.
അക്രമത്തിന് പിന്നിൽ CPIM പ്രവർത്തകരാണെന്ന് ബി.ജെ.പി കൊയിലാണ്ടി നിയോജക മണ്ഡലം പ്രസിഡൻറ് ജയ്കിഷ് എസ്സ്.ആർ ആരോപിച്ചു.സംഭവത്തിൽ ബി.ജെ.പി കൊയിലാണ്ടി നിയോജക മണ്ഡലം കമ്മറ്റി പ്രതിഷേധിച്ചു.ബി.ജെ.പി കൊയിലാണ്ടി നിയോജക മണ്ഡലം ജനറൽ സെക്രട്ടറി മാരായ കെ.വി സുരേഷ്, ഉണ്ണികൃഷ്ണൻ മുത്താമ്പി, ജില്ലാ ട്രഷറർ വി.കെ ജയൻ, സംസ്ഥാന കൗൺസിൽ അംഗം വായനാരി വിനോദ് ,അഡ്വ വി സത്യൻ എന്നിവർ  യോഗത്തിൽസംസാരിച്ചു. കൊയിലാണ്ടി നഗരത്തിൽ ബി.ജെ.പി പ്രതിഷേധ പ്രകടനവും നടത്തി

കൊയിലാണ്ടി : ലോക്ക് ഡൗൺ കഴിഞ്ഞ് കടകൾ തുറന്നു മാസങ്ങൾ കഴിഞ്ഞിട്ടും വ്യാപാരി കളുടെ പ്രതിസന്ധി മ റി കടക്കാൻ കഴിഞ്ഞിട്ടില്ലന്നും  പ്രയാസങ്ങൾ ഇപ്പോഴും അനുഭവിച്ചുകൊണ്ട് ഇരിക്കുകയാണെന്നും. എല്ലാ വിധ നികുതി ഇളവ് വ്യാപാരി കൾക്കും നൽകണമെന്നും മണ്ഡലം കമ്മിറ്റി യോഗം ആവശ്യപ്പെട്ടു. ജില്ലാ വൈസ് പ്രസിഡന്റ് മണിയോത്ത് മൂസ്സ ഉൽഘടനം ചെയ്തു. മണ്ഡലം പ്രസിഡന്റ്. ഇ. കെ. സുകുമാരൻ. അധ്യക്ഷം വഹിച്ചു. മണ്ഡലം ജനറൽ സെക്രട്ടറി. ടി. പി. ഇസ്മായിൽ. വനിതാ വിംഗ് സംസ്ഥാന പ്രസിഡന്റ് സൗമിനി മോഹൻദാസ്, ജില്ലാ കമ്മിറ്റി അംഗം കെ. എം. രാജീവൻ, ജലീൽ മൂസ്സ, ഷീബ ശിവാന്ദൻ, ഉഷ മനോജ്, റാണാപ്രതാബ്, വി. വി. മോഹനൻ, എം. ഫൈസൽ, റഹീസ് മലയിൽ, അക്ബർ, രവീന്ദ്രൻ ബി. എം. ഉണ്ണികൃഷ്ണൻ പി. സി. ഗോപിനാഥൻ. ടി. എന്നിവർ. സംസാരിച്ചു.

കൊയിലാണ്ടി: കെ.എസ്.ടി.എ കൊയിലാണ്ടി ഉപജില്ല 30-ാം വാർഷിക സമ്മേളനം ടി. ശിവദാസൻ മാസ്റ്റർ നഗറിൽ (മൊടക്കല്ലൂർ എ.യു.പി.എസ്) വെച്ച് നടന്നു. ജനദ്രോഹപരമായ കാർഷിക ബിൽ പിൻവലിക്കണമെന്ന് സമ്മേളനം പ്രമേയത്തിലൂടെ ആവശ്യപ്പെട്ടു.  സമ്മേളനം സംസ്ഥാന സമിതി അംഗം സജീഷ് നാരായണൻ ഉദ്ഘാടനം ചെയ്തു. കെ.എസ്.ടി.എ കൊയിലാണ്ടി ഉപജില്ല പ്രസിഡണ്ട് ഗണേഷ് കക്കഞ്ചേരി അധ്യക്ഷനായിരുന്നു.

ജില്ലാ സെക്രട്ടറി വി.പി രാജീവൻ ഉപഹാരങ്ങൾ വിതരണം ചെയ്തു. കെ.പി. അജയകുമാർ സംഘടനാ റിപ്പോർട്ടും, ഉപജില്ലാ സെക്രട്ടറി ഉണ്ണികൃഷ്ണൻ പ്രവർത്തന റിപ്പോർട്ടും, ട്രഷറർ വി അരവിന്ദൻ വരവ് ചെലവ് കണക്കും അവതരിപ്പിച്ചു. ആർ.എം രാജൻ, ഡി.കെ ബിജു, ആർ.കെ ദീപ എന്നിവർ അഭിവാദ്യങ്ങൾ അർപ്പിച്ചു. സ്വാഗത സംഘം ചെയർമാൻ പൊയിലിൽ ചന്ദ്രൻ സ്വാഗതവും വി.ശിവാനന്ദൻ നന്ദിയും പറഞ്ഞു.

കൊയിലാണ്ടി: ഭർത്താവ് മരിച്ച വിവരം അറിഞ്ഞ് ഭാര്യയും മരിച്ചു. കാശ്മി കണ്ടി പ്രഭാകരൻ(69) ആണ് ഇന്നലെ രാത്രി മരണമടഞ്ഞത്. വിവരമറിഞ്ഞ് ഭാര്യ വിമല(62) കുഴഞ്ഞ് വീഴുകയും ആശുപത്രിയിലെക്ക് കൊണ്ട് പോകവെ മരണമടയുകയായിരുന്നു. മക്കൾ: പ്രവീൺ കുമാർ (മിൽമ), പ്രജീഷ് കുമാർ (കുവൈറ്റ്). മരുമകൾ: ധനുഷ (എസ്.ബി.ഐ കോഴിക്കോട്)