Year: 2022

കൊയിലാണ്ടി: ഭാരതീയ മത്സ്യ പ്രവർത്തക സംഘം നേതൃത്വത്തിൽ ധർണ്ണ നടത്തി. തീരദേശ മേഖലകളിൽ കടലാക്രമണം രൂക്ഷമായ ഭാഗങ്ങളിൽ കടൽഭിത്തി ശക്തമാക്കണമെന്നും, നിശ്ചിത സ്ഥലങ്ങളിൽ പുലിമുട്ടുകൾ നിർമ്മിക്കണമെന്ന് ആവശ്യപ്പെട്ടും. മത്സ്യതൊഴിലാളി സമാശ്വാസ പദ്ധതിയിലെ തുക വിതരണം ചെയ്യണമെന്നും, ഡീസലിനും, മണ്ണെണ്ണയ്ക്കുംക്കും, മറ്റ് സംസ്ഥാനങ്ങൾ നൽകുന്നത് പോലെ സബ്ബ്സിഡി നൽകണമെന്നും തുടങ്ങിയ ആവശ്യങ്ങൾ ഉന്നയിച്ചാണ് ധർണ്ണ നടടത്തിയത്.

ഭാരതീയ മത്സ്യ പ്രവർത്തക സംഘം കൊയിലാണ്ടി സമിതിയുടെ ആഭിമുഖ്യത്തിൽ കൊയിലാണ്ടി ഹാർബറിൽ നടത്തിയ ധർണ്ണ സംസ്ഥാന പ്രസിഡണ്ട്. പി,പി. ഉദയഘോഷ് ഉൽഘാടനം ചെയ്തു. വി.കെ. രാമൻ അദ്ധ്യക്ഷനായിരുന്നു. കൗൺസിലർ കെ.കെ. വൈശാഖ്, പി.പി. സന്തോഷ്, കെ.പി. മണി, സി.എ. പിതാമ്പരൻ എന്നിവർ സംസാരിച്ചു.

കൊയിലാണ്ടി: നിയുക്ത രാജ്യസഭാ എം.പി – ഇന്ത്യയുടെ അഭിമാനമായ പി ടി ഉഷക്ക് എബിവിപി വിദ്യാർത്ഥികൾ കൊയിലാണ്ടി നഗർ സമിതിയുടെ ആഭിമുഖ്യത്തിൽ ആദരിച്ചു. ജില്ലാ സമിതി അംഗം പ്രണവ് കീഴരിയൂരിന്റെ നേതൃത്വത്തിൽ എബിവിപി കൊയിലാണ്ടി നഗർ സമിതി പൊന്നാട അണിയിച്ച് ആദരിച്ചു. നഗർ പ്രസിഡണ്ട് സിദ്ധാർഥ് മോഹൻ, സെക്രട്ടറി അശ്വന്ത് കൃഷ്ണഗിരി, വൈസ് പ്രസിഡന്റ്‌മാരായ അക്ഷയ് കടലൂർ, കൃഷ്ണപ്രിയ എന്നിവർ സന്നിഹിതരായിരുന്നു.

കൊയിലാണ്ടി: പെരുവട്ടൂരിൽ കലിയൻ ദിനാഘോഷം സംഘടിപ്പിച്ചു. കള്ള കര്‍ക്കിടകം കലിതുള്ളുന്ന കാലവര്‍ഷം, വയ്യായ്കകള്‍ ഇല്ലായ്മകള്‍, കടുത്ത രോഗങ്ങള്‍ എല്ലാം കൊണ്ടും കര്‍ക്കിടകം ആളുകള്‍ക്കിഷ്ടമില്ലാത്ത മാസമാണ് കര്‍ക്കടകത്തിലെ കഷ്ടപ്പാടും ബുദ്ധിമുട്ടും ഒഴിവാക്കാനും വീട്ടില്‍ ഐശ്വര്യവും സമൃദ്ധിയും പുലരാനുമായി ഒട്ടേറെ ആചാരങ്ങളും അനുഷ്ഠാനങ്ങളും നടത്താറുണ്ട്. മിഥുനത്തിലെ അവസാന ദിവസം ഇവ ആരംഭിക്കുന്നു. പെരുവട്ടൂരിലെ സ്‌നേഹ സ്വയം സഹായ സംഘവും, ഉജ്ജയ്‌നി കലാസാംസ്‌ക്കാരിക വേദിയും സംയുക്തമായാണ് പരിപാടി സംഘടിപ്പിച്ചത്. കോരിച്ചെരിയുന്ന മഴയത്ത് കൂട്ടായ്മയുടെ നേതൃത്വത്തിൽ കലിയൻ വേഷംകെട്ടി ചൂട്ട് തെളിയിച്ചാണ് കലിയൻ ദിനാഘോഷം ആചരിച്ചത്. നിരവധിപേരാണ് പരിപാടിയിൽ പങ്കെടുത്ത്.

കൊയിലാണ്ടി : നഗരസഭ 32-ാം വാർഡിൽ കൃഷി കൂട്ടായ്മയുടെ നേതൃത്വത്തിൽ ജൈവ പച്ചക്കറി കൃഷിക്ക് തുടക്കമായി. ഫ്ലൈഔവറിന് സമീപമുള്ള സ്വകാര്യ വ്യക്തിയുടെ ഒരേക്കറോളം വരുന്ന സ്ഥലത്താണ് പ്രദേശവാസികളുടെ കൃഷി കൂട്ടായ്മയുടെ നേതൃതത്തിൽ ജൈവിക രീതിയിലുള്ള പച്ചക്കറി കൃഷി ആരംഭിച്ചത്. കൂട്ടായ്മയിലെ മുതിര്‍ന്ന അംഗം സി. കെ. ജയദേവന്‍ തൈകള്‍ നട്ട് പരിപാടി ഉദ്ഘാടനം ചെയ്തു. ഇതു രണ്ടാം തവണയാണ് കൂട്ടായ്മയുടെ നേതൃതത്തില്‍ കൃഷി ഇറക്കുന്നത്.

വിളവുകള്‍ മുഴുവനായും പ്രദേശത്തുകാര്‍ക്ക് സൌജന്യമായാണ് നല്‍കുന്നത് എന്നതാണ് ഈ കൂട്ടായ്മ ശ്രദ്ധേയമാകുന്നത്. പുതു തലമുറക്ക് കൃഷി വിജ്ഞാനം പകരുക, ജോലിക്കിടയിലും കൃഷി പരിപാലനം സാദ്ധ്യമാകും എന്ന അവബോധം വളര്‍ത്തല്‍, എന്നിവയ്ക്ക് പുറമെ കൃഷി പരിപാലനം നല്ലൊരു വ്യായമ മാര്‍ഗം കൂടിയാണെന്നത്കൊണ്ട് എല്ലാ വിഭാഗം ജനങ്ങളും ഇതുമായി സഹകരിക്കുന്നുണ്ടെന്ന് കൂട്ടായ്മയുടെ നേതൃത്തം വഹിക്കുന്ന സതീശന്‍ മണമല്‍ പറഞ്ഞു.

കൊയിലാണ്ടി: കോവിഡ് മൂന്നാം തരംഗം രൂക്ഷമായിരിക്കുന്ന സാഹചര്യത്തില്‍ കൊയിലാണ്ടിയില്‍ സമൂഹ അടുക്കളയ്ക്ക് തുടക്കമിട്ട് ഡി.വൈ.എഫ്.ഐ. വിവിധ കേന്ദ്രങ്ങളില്‍ നിന്നും പാചകം ചെയ്തു കൊണ്ടുവരുന്ന ഭക്ഷണങ്ങള്‍ കൊയിലാണ്ടി ബസ്റ്റാന്റ് പരിസരത്തുവെച്ചാണ് വിതരണം ചെയ്യുകയെന്ന് ഡി.വൈ.എഫ്.ഐ നേതാക്കൾ അറിയിച്ചു. എല്ലാ ദിവസവും ഭക്ഷണ വിതരണം ഉണ്ടാകും. ഡി.വൈ.എഫ്.ഐ. ബ്ലോക്ക് കമ്മറ്റിയുടെ ആഹ്വാന പ്രകാരം സംഘടിപ്പിക്കുന്ന സമൂഹ അടുക്കള കൊയിലാണ്ടിയില്‍ ഡി.വൈ.എഫ്.ഐ സംസ്ഥാന കമ്മറ്റി അംഗം പി.കെ. അജീഷ് ഉദ്ഘാടനം ചെയ്തു. ഓരോ ദിവസം ഓരോ മേഖലാ കമ്മിറ്റികൾക്കാണ് ചുമതല നൽകിയിട്ടുള്ളത്. ബ്ലോക്ക് സെക്രട്ടറി ബി.പി ബബീഷ്, പ്രസിഡണ്ട് സി.എം രതീഷ്, സി.കെ. ദിനൂപ്, കെ.വി അനുഷ, വി.എം അജീഷ്, റിബിന്‍ കൃഷ്ണ എന്നിവര്‍ നേതൃത്വം നല്‍കി

ജില്ലയിലെ പ്രധാന ടൂറിസ്റ്റ് കേന്ദ്രമായി മാറിയ അകലാപ്പുഴയില്‍ സഞ്ചാരികളെ ആകര്‍ഷിക്കാനായി ശിക്കാരി ബോട്ടുകളും എത്തിതുടങ്ങി. പത്തു പേര്‍ക്ക് സഞ്ചരിക്കാന്‍ കഴിയുന്ന ശിക്കാരി ബോട്ടിന്‍റെ ജലയാത്ര കഴിഞ്ഞ ദിവസം ആരംഭിച്ചു. പുറക്കാട് ഗോവിന്ദന്‍ക്കെട്ട് ബോട്ടിങ് കേന്ദ്രത്തില്‍ നിന്നാണ് യാത്രകള്‍‍ തുടങ്ങുക.

60 പേര്‍്ക്ക് സഞ്ചരിക്കാന്‍ കഴിയുന്ന വലിയൊരു ശിക്കാരി ബോട്ടിന്‍റെ നിര്‍മാണം പുരോഗമിക്കുകയാണ്. ഒരു മാസത്തിനുള്ളില്‍ ഈ ബോട്ടും സര്‍വീസ് തുടങ്ങും. ആലപ്പുഴയില്‍നിന്നെത്തിയ വിദഗ്ധ തൊഴിലാളികളാണ് ശിക്കാര ബോട്ടുകള്‍ നിര്‍മിക്കുന്നത്. പോര്‍ട്ട് വകുപ്പിന്‍റെ ലൈസന്‍സ് കിട്ടുന്നമുറയ്ക്ക് ശിക്കാരബോട്ടുകള്‍ സഞ്ചാരികളെയും കൊണ്ട് യാത്ര തുടങ്ങും.

കൊയിലാണ്ടി: നഗരസഭ കൃഷിശ്രീ കാർഷിക സംഘം കാർഷിക വിപണന കേന്ദ്രം ഉദ്ഘാടനം എം.എൽ.എ കാനത്തിൽ ജമീല നിർവ്വഹിച്ചു. നഗരസഭാ ചെയർപേഴ്സൺ കെ.പി. സുധ അധ്യക്ഷത വഹിച്ചു. ആദ്യ വിൽപ്പന വൈസ് ചെയർമാൻ അഡ്വ. കെ സത്യൻ നിർവ്വഹിച്ചു. ചടങ്ങിൽ കൃഷി ഓഫീസർ ശുഭ ശ്രീ റിപ്പോർട്ട് അവതരിപ്പിച്ചു.

ക്യഷി ശ്രി കാർഷിക സംഘം ക്യഷി ചെയ്ത് വിളയിച്ച കിലോക്ക് 70 രൂപ മുതൽ 1000 രൂപ വരെ വില വരുന്ന തവിട് പോക്കാത്ത അരികൾ, വിവിധങ്ങളായ നാടൻ അവിലുകൾ, നാടൻ പഴങ്ങൾ, മറയൂർ ശർക്കര, കിടങ്ങൂർ ശർക്കര, നാടൻ കൂവ്വ പൊടികൾ, മഞ്ഞൾ പൊടികൾ, ഉണക്ക മഞ്ഞൾ, കാർഷിക ഉപകരണങ്ങൾ, ജൈവ വളങ്ങൾ, ജൈവ കീടനാശിനികൾ തുടങ്ങി സമഗ്ര കാർഷിക വിപണന കേന്ദ്രമായി മാറുകയാണ്.

കൗൺസിലർമാരായ വി.പി ഇബ്രാഹിം കുട്ടി, രത്നവല്ലി ടീച്ചർ, പി.കെ ഭരതൻ, കെ. ജീവാനന്ദൻ, സഹീർ ഗാലക്സി തുടങ്ങിയവർ പങ്കെടുത്തു. നഗരസഭ സ്റ്റാൻ്റിഗ് കമ്മറ്റി ചെയർമാൻ കെ ഷിജു മാസ്റ്റർ സ്വാഗതം പറഞ്ഞു.